加國饞人

2012年10月5日星期五

點倉；看鷗；打汁

今天收工, 同大人去買了一些罐頭和其他納雜食物明天帶返學校。

一年一度的活動, 通過學校安排, 集中拎去食物銀行, 不用自己張羅。

順便點吓倉...買買埋埋, 數不在少; 未到期又啱使的拎啲去添, 清吓個倉。 CIMG0026

唔多, 但啲罐頭重, 明早又做多次 "咕哩"...

-------------------------------------------------------

無無聊聊喺窗前望吓公園群鷗飛舞的動感...

忽然間又靜晒, 成班停晒喺屋頂...

何時何事而飛? 何時何事而止? 除了覓食、繁殖, 佢哋生命中的其餘, 算唔算無聊?
"無聊" , 是否本來就是生物與生俱來的其中一種...生命密碼?

-------------------------------------------------------

早幾天買的一大一細兩個石榴都要食嘞...

"驚為天榴" 嗰個, 剝出來唔要的都一大堆...

搞埋個細的

夜啲才打汁喎...

崧子免治豬肉...

一人一杯

2012年10月4日星期四

2012年10月3日星期三

細餐；湯水；萬能機

孤獨的晚餐...

早前多餐食得放肆, 都要收歛吓
煲了些瘦肉木耳湯, 有沒有據說的解乜解物功效且不去計較, 至緊要都幾好飲

頗喜歡食一間上海點心舖做的韮菜餃, 家中冰格常備存貨, 食完就買一包。冇乜好食之時, 久不久就煮餐食吓。
餃皮甚有咬口, 餡料夠味...

南北杏川貝煲雪梨

若干年前專登去鴨寮街買了這部碟機帶回來給大人煲劇, 這些年來鞠躬盡瘁。
日前撳極唔著...

自己對影音用品沒甚麼認識, 大人就叻我些少。
我哋對用來煲劇的機的質素要求甚低, 只要部機 "乜" 都睇到就得...
因為矇查查, 所以心大心細, 十五十六...終於揀了這部萬能碟機...話USB都睇到

話乜都睇得, 其實所說的這些制式好多我都唔知係乜嚟...
大人試完機, 話掂喎。

???

食完餃餐, 開工途中要叉些少電...呢個係老公餅喎, 和老婆餅的分別, 是一個甜, 一個有少少鹹味...

2012年10月2日星期二

離晒譜!!!

肇事之後, 竟然不顧而去! ...係驚自己隻船都會沉埋, 唔理咁多, 速速離開現場駛番埋岸; 還是...???
大佬呀, 身為船長, 應有足夠的專業知識判斷當時的情況...。

假如己船沒有沉沒的危險, 可以留在現場, 即時幫助拯救落水的乘客, 或可減少一些傷亡...。

且等調查報告出來看看怎樣說!

這裏我慣睇的兩個主流電視台都報道了這宗慘劇, 其中一個是財經台。若非大件事, 等閒一般新聞不會上該台的, 報道時是37死, 現在...唉, 增至38了!

目前不知那方要負上這次船難的相關刑事責任。不過, hit and run, 就實在很難說得過去!!

2012年10月1日星期一

夜玩馬；晨追月

昨晚食完飯略為休息、落格, 早早小睡一覺預備通頂。

可惜的是, 當此三五之夜, 在窗前坐定定, 可是整晚都不見月光蒲頭, 實在有點兒辜負了...這個 "八月十五"...。 (devil)

失之東隅, 賞不成月; 猶幸收之桑榆(不知彭福公園有否桑、榆栽種, 若有, 字面就更覺貼切咯 (laughing)

), 今次力捧的騎師果然封王, 捱通宵略有斬獲, 自詡都算有啲眼光喇 (smug)

。

買人又買馬...

5851	01-10-2012 13:49	沙田星期一	騎師王	3 [馬偉昌] @ 13.00 $10	$10.00	$130.00
5854	01-10-2012 14:01	沙田星期一	連贏位置Ｑ	3 場 4 步步快 + 7 活力飛駒 $10	$20.00	$52.00

5861	01-10-2012 14:59	沙田星期一	獨贏	5 場 4 利駿 $10	$10.00	$96.00
5862	01-10-2012 14:59	沙田星期一	位置	5 場 4 利駿 $10	$10.00	$29.00
5863	01-10-2012 14:59	沙田星期一	連贏位置Ｑ	5 場 4 利駿 + 10 蜚聲國際 $10	$20.00	$109.00