家裏的小焗爐由入伙用至現在, 足足十多年, 發覺的確簡單好用。放在雪櫃內的麵包, 叮完易凍, 凍了會 "靱" , 頗覺難哽。不過叮完若再放入小焗爐焗一陣, 焗乾一些水份, 就會變得香脆 "新鮮", 連我這怕吃麵包的飯桶有時都愛吃。此外, 餐頭可以焗幾隻雞槌、一塊三文魚扒等等, 吃得比較健康。
大人都覺得此焗爐好用,
就是略嫌小了一點。(家裏的那部巨型焗爐除了焗過幾次做龍蝦湯的 "蝦殼!
近一兩年想 "等" 佢壞就買過部, 佢偏偏又唔壞, 鬼咁 "禁" 用...
昨天見CANTIRE有款焗爐減價(原價$149, 半價$74.X), 趁大人PA DAY放假, 即管去看看如何。去到只淨番一千零一部未開盒的(減價首天咋!), 在看著摸著研究著那陳列品之際..., 似乎還有人在旁邊 "哄哄吓", 於是不理三七廿一, 抬走那僅餘的一盒去畀錢, 諗住至多返歸看過唔啱才退貨。
剪綵---開盒
都幾型仔吖, HAWA?!
比用開那部較大, 可以烤全雞; 當然牛扒、豬扒、糕點都得。
又可輸入預設時間及溫度等, 兼有電子顯示屏 ...
今天打算在家煮飯, 心癢癢想試機, 於是$5買了一隻 "嫰雞" ...
臨時臨急睇了一輪說明書, 機器盲頭都有些大了...
求求其其, 知道點開就算(至多嘥隻雞, 唔好爆炸就OK!)...
匆匆用些鹽焗雞醃料醃幾個鐘
紥好穿入轉杆
350度, 50分鐘
噫, 轉吓轉吓, 個樣愈來愈靚...
似模似樣, 睇得吓卦?!
起胸肉、另翼、肶...
雞雖是5蚊雞的雞嘢, 尚算可以。
今餐重有條魚...以防萬一
小插曲...
焗至中途, 屋內天花的烟霧警報器竟然大鳴, 嚇了一驚(響得耐就有消防車嚟架嘞)。
大人和我弄得手忙腳亂---
...將焗爐移往抽氣扇底下;
...打開露台趟門(今日得幾度咋!);
...攞埋兩把團扇、擔張櫈仔站高在天花的警報器底下猛撥猛撥--->似跳扇舞(?);
噓, 終於停響!!
總括來說, 新焗爐不錯, 功能較多; 不過...
...事後多許多清潔的功夫哩...
...重有一樣, 就係...忍唔到口, 食了不少雞皮...C咯!!
