不熟性能, 又不善格價, 昨晚在網上摷到幾款本週減價的打印機, 請侄女替我揀部便宜扺用的。
侄女今午同我一齊出動...
去間附近的大型文儀用品商店吼下, HP有部$219賣$99, BROTHER有部$159賣$129...;
不知是甚麼原因, 店員鼓其如簧之舌, 十分落力推銷部BROTHER。
本來HP減價多些, 亦賣得平些, 但TONER連稅要逾百元一個...
, 以前換TONER時都覺得肉刺。反正平時沒甚麼重要嘢印, 不如揀部BROTHER試下
店員又落咀頭叫買甚麼甚麼相關產品 "...跟機的TONER得好少, 用唔到幾耐, 買多個新的備換..."..., 我地無乜反應;
有隻高密度的TONER賣$70多元, 侄女一邊聽佢講, 其實一邊用手機上網查價...哈哈, 在另外一間公司只賣$50, 同佢講...
佢又肯用$50個價賣, 可想而知呢間大公司食水幾深; 決定遞日有些甚麼大件貴嘢要買, 都係搵侄女四圍格下尐價錢先...
搬番屋企, 梗係叫侄女裝埋...
搞掂等埋佢老公收工, 一齊去食晚飯
侄女喜歡食蟮, 先打電話去問有冇蟮食才去幫趁...
菜膽上湯雞
侄女十分喜歡食的...雙金燒大鱔
芥蘭牛肉
海鮮豆腐煲
嘩!部機好大部喎,你做影印生意吖?
回覆刪除極少影印的我,聽我個女講,現在文具鋪,乜方式都有影印,所以無須買打印機喎,真係好方便.
[版主回覆05/09/2013 11:14:37]哈, 這部是打印機, 影印功能是搭單的, 諗住叫起手影張嘢都方便。
我需要的其實是部打印機, 有時都要印些少文件, 以及網上的資料(譬如賠率...諸如此類)
打印機唔夠，不如請多個秘書
回覆刪除[版主回覆05/09/2013 15:50:37]好多嘢...冇又唔得, 夠就好...
睇相尐牛肉係咪老咗尐﹖個煲幾足料咁...
回覆刪除呢部機器，過幾年冇而家咁方便，都要搵番部...
[版主回覆05/10/2013 16:25:36]大部係因為貪有埋影印、SCAN嘢功能, 雖不常用, 偶然一次都比較方便。
以前影印要大人拎返學校, SCAN嘢要上弟弟處; 否則就要出街做。
普通家用齋印的, 冇咁大舊的...
[shadow回覆05/10/2013 16:10:02]你部機都算重型，我諗住用細細部0架咋...
[版主回覆05/10/2013 14:57:01]打印機愈賣愈平, 到時大有機會 "送" , 只要你買TONER或墨水...
[版主回覆05/10/2013 14:55:30]今日沉悶, 不如來個午(HKT)睡...
相中牛肉看來 "深色", 是醬色致之。肉應該 "乸" 過及用重油快炒(略泡油?), 所以尚不覺其老, 不過就冇乜牛肉味囉, 大大不及火鍋那些嫣紅帶些白脂的安格斯那口感之美...
SCAN嘢功能最好用,可將舊相片或有用的報紙料存擋,十分方便,最不好是TONER太貴,但比INKJET好不易蒸發了,有了它財運滚滚來了.
回覆刪除[版主回覆05/12/2013 06:33:08]如今的科技處處予人方便, 無得頂! 。
無工之後, 愈見疏懶, 日中無聊即管尋些俗趣而已...
有個新兄弟幫手....開工都順手......
回覆刪除[版主回覆05/12/2013 10:54:35]托MISS鴻福...