打到嚟...

SANDY大發雌威, 席捲美國東岸...。

颶風的環流廣闊, 其 "身" 仍在美國, 風尾邊緣尋且波及多倫多, 今晚稍後掃到嚟...

美國股市今、明都休市

各方嚴陣以待

收工之後, 大人還要趕去買個大南瓜和一包泥
...明天唔知有冇機會唔使返學呢?

買完嘢匆匆去食埋飯, 早啲返歸

大人的 "老友"  "匹" 兩個湯都又滿及多料

雙辣醬, 連醬都畀兩款; 不過, 我比較喜歡食芥辣...

嗱嗱聲搞掂就走人...

慘慘天欲雨, 呼呼疾風聲

打完風都唔知乜嘢環境, 入爆佢先返歸...

現在外面樹影搖動, 風聲呼嘯, 淅淅瀝瀝.....大姐, 顧住呀, 咪搞到我屋企又漏水...



-----------------------------------


加映...風雨DAP嫣紅




風雨

DAP 嫣紅 

航母 + 渡輪各一, 得此杯而尚有榨餘石榴粒
航母雖不太甜(啱我), 然肉多汁多; 抵食!

航母

近來石榴當造, 甚平, 大小都有。

唔知邊隻好, 一樣買兩個...

星期六晚上飲完橙汁果然醒神啲.....

黐餐

小饞整牛脷請家姐食, 我哋去黐餐。


這一兩天有雨, 並會連落幾天。落完啲樹就恐怕冇晒嘢睇咯, 要睇就睇地下喇...

你都時近開餐, 撲我擒我都冇用。
靜靜哋等多陣喇...

等等吓見我哋似乎快過佢, 為食狗狗又八卦去 "禁區" 哄吓, 咪聽鬧囉...

終於到你罅...


佢開餐一向都風捲殘雲, 食完就自己留在個竇, 等到我哋都食完晒清理完之後(真係識等, 我哋未食完執嘢, 佢唔會走出嚟的)
坐響度傾多幾句之時, 唔聲唔聲又走埋嚟哄在我腳下, 擔高頭望實我...哈哈...你兜友...

今日未畀過嘢佢食, 似乎總係唔心息, 咁樣鍥而不捨..., 唉, 冒住畀人哦, 點都要滿足吓佢嘅, 反正都食完正餐咯

食完佢又去撩人玩咯...

講番我哋呢餐
外賣燒雞; 連雞胸都幾滑, 唔錯。不過...
呢間嘢要用會員咭先入得去買嘢, 不是太方便, 否則想食就去買隻食, 好過自己烤, 既花功夫又驚驚動消防局...

磨茹忌廉湯

小饞炮製的葡汁焗牛脷

有出面的水準, 甚或過之

-------------------------------


至於呢半杯功夫嘢, 梗係喺屋企先有供應喇...。吸收多啲維他命C, 醒醒腦, 等陣用起嚟或會醒啲...
通常啲橙唔夠靚(不是新奇士4012), 多 "筋" 就唔好食, 咁樣會易食啲..., 都保留好多纖維架 !

萬聖摘瓜之旅-2012

大人雜誌 ~ 並不是香港從前的那本 "'大人雜誌"。(年輕的網友應該未必知道...)

我只不過想記下大人的一些活動和點滴, 將之放在這個她的 "私家目錄" 裏面,  讓她自己和我幾時想睇番的時候, 可以比較容易找出來。

是為序。



------------------------------------------------------



十月二十五日  星期四

今日大人出TRIP去摘南瓜
辛苦了...

除作農業用途, 拖拉機在這裏還經常見到用來拖行運載大、小鴨仔的拖架; 照說商機應該不少...

這位司機哥哥本身幾型仔, 加頂帽扮相更加有趣
他駕的想是秘密研發的TURBO TRACTOR... 大人話佢揸到好快...

供牲口食用的乾草

唔睇白鶴都睇篤C...
泊了咁多MAGIC SCHOOL BUS, 可想而知今天這裏有幾熱鬧了...

採礦的流程模型

---------------------------



孜然遺恨


是我害苦了大人...
大人昨晚食了些洒了許多孜然粉的串燒豬肉和牛筋, 當時已要分薄我半杯啤酒解毒;
今日去完旅行, 要買杯廿四味, 佢話個喉嚨似乎有個血泡喎...不過她只飲了兩啖就成杯 "隊" ...畀我飲
看來我是椒鹽敏感, 而她則是孜然敏感了
重唔掂可能要飲卅六味...