酷熱、移師、跟踪

今天翳熱, 喺街曬住真係暈得一陣。氣溫高達攝氏35度, 加埋濕溫效應, 據說感覺有44度!


都係唔煮咯, 咪賺得人與屋都熱上加熱。

間餐廳都冷氣唔夠...
有幾位客人入嚟坐低等人, 大人看出瞄頭..., 似乎話嫌熱及冇乜嘢食。
到另一班人嚟埋會合, 再一齊走咗出去, 又話等人喎...
哈哈, 等等吓今次就梗係去如黃鶴喇;
我哋都埋單走咯。

離去之時, 在不遠的泊位見佢哋分別上了兩架車..
在歸家路上又同佢哋拍住行..., 信是有緣。
食飽無聊, 大人好奇八卦, 話不如跟住佢哋...睇吓佢哋轉軚去邊度食都好喎...


右線前面帶路的, 是本省的車牌; 跟著那架是美國紐約的車牌。
暑假期間, 好多人會從四方八面嚟多倫多探吓啲親戚朋友, 食肆所見特別多一大班人飲茶、食飯的隊伍。
同我哋返歸的路線相同, 嗯, 隱約都估到佢哋可能去...;  應該 "順路"。

月前新換老闆, 比從前英文店名相同的舊店貴了; 且見網上的口碑麻麻, 沒有去試。不過, 至少起碼冷氣都夠卦!!

哈哈, 我哋兩兜友夠無聊了吧??!!