早醒了; 待曙色剛現, 未有咁熱(早上略有涼意), 索性過公園晨操一課...
幾聲啁啾, 列隊招呼早行人?
知道這是甚麼東西嗎??
回來口渴, 歎杯自製凍檸茶...隔夜茶色雖然有啲瞹眜
(用L牌紅茶包), 都重幾好飲!
一邊歎茶, 一邊開機睇吓美市...
香港份工邇來生意淡薄, 乏善足陳, 已常早退, 寧願去瞓。近來復見身痕
, 間中又吼番美市, 希望執些C雞, 不過都祇是久不久細注一啄。難當然是一樣的難, 甚至更難! 
大人放假, 日中唔瞓得咁多, 出街以外, 就自己搵啲細藝而已...。
睇市之餘, 亦睇埋其他......美國那宗戲院12死數十傷的慘劇、多市街頭槍擊2死多傷..., 現在都唔知係乜嘢世界, 看來冇乜邊處是安全的地方了---失驚無神, 在那裏都隨時可以禍從天降, 爭在好唔好彩!!
------------------------------------------------------------------
諗住買餸煮飯
超市有大青班且略平,
臨時變卦揀了條兩磅的; 跟著......
芫荽、西洋菜、唐生菜
溫哥華蟹、蜆
提倉
蝦丸
心思思...啤酒久已不備; 見雪櫃有枝咁嘢, 睇個型似是冰酒...
其實今餐是白灼肥牛海鮮...
兩個人如此這般, 移船就磡, 我多數坐響度食半殘廢餐, 大人負責淥嘢及輸送...
為免嘥膏, 開動前先在鍋內 "蒸熟" 了...
初以為是冰酒, 唔敢倒太多; 飲落甜味都似, 但發覺酒味甚淡...
睇吓個樽, 原來祇得7%酒棈濃度, 和啤酒相若
於是當啤酒咁飲...X2
比起出面的自助火鍋, 貴少少, 但料勝多多!
祇是難免在廚房愈食愈熱(已開 "行" 冷氣!
)......不過, 相信怎也熱不過現在香港的那個啊......
肉飽滿、味鮮甜
最後...盡地一BOWL
無錯,今日香港熱到爆炸,5點半鐘突然刮起狂風,除打風外從未見過咁大,幾驚又塌樹呀
回覆刪除美國佬久不久就整鑊咁嘢,真係癡線架.
[版主回覆07/21/2012 20:11:22]現在掛緊1號風球吖嘛?!
周圍都見天災人禍...
自製蝦丸﹖係咪比街外正好多﹖淨係用蝦肉拍爛﹖有冇加其他料﹖
回覆刪除[版主回覆07/21/2012 23:17:39]是。自己整就真材實料, 亦不會有妖邪之味, 尤其香港有鮮蝦(我哋祇能用急凍貨), 好味好多。從前在鯉魚門一酒家食過一味炸蝦丸, 印象算是我喺街食過最好的了, 不過啲味都難免妖妖哋, 可能是手勢慣了; 其餘就乏善足陳。
大人的整法, 應該是學烹飪所教的方法：剝殼挑腸, 用刀側將蝦逐隻在砧板 "顏" 扁(刀身平壓隻蝦, 用陰力加壓拖移使爛), 然後將PAT嘢放入稍大的碗內略調味, 順同一方向攪至起膠(不要左攪吓、右攪吓), 然後用手撻一陣(會爽啲), 可以放入雪櫃翌日才用(會更加爽?!)...蝦丸蒸熟白中透紅, 引人食慾。
阿大...早晨呀...
回覆刪除一早就見咁豐富....海鮮肥牛仲有雪條...真係歎...
[版主回覆07/22/2012 10:46:35]MISS早晨!
可能蛋白質太勁, 食完之後, 牛飲兩杯濃茶仍覺口乾...夜半無人偷食時, 於是整劑解藥, 食多枝細雪條啫...
阿大...早晨呀....
回覆刪除解藥要常備呀...
[版主回覆07/23/2012 10:08:18]MISS早晨!
是常備的, 卻不常吃; 有時食完咖喱或是濃味/味精嘢, 整枝解毒, 會令喉嚨舒服啲; 有時熱到伸脷之時, 亦忍不住...是最細的份量咋!
那些外面窗簷的裝置是...用來讓雀鳥不能 "立足" 的; 主要是白鴿, 從前夏天有段時間多白鴿飛嚟屋苑留連, 搞到到處白鴿屎, 管理處裝了這些之後, 白鴿的確少見了。
Eating home is always a better choice, relax and no need to dress up!! Great seafood meal!
回覆刪除[BigDaddy回覆07/28/2012 05:25:51]True!
[版主回覆07/24/2012 03:36:37]" All dressed up and nowhere to go..."
吸引，我只食海鮮已足够。蟹箝長滿籐壺，無換殼好耐？美國公民有權持有槍械，近日經常有槍擊案。
回覆刪除[版主回覆07/24/2012 14:05:28]每件事情總有原因...
[肥Ｍ回覆07/24/2012 13:38:24]22-07星期日，＂美國之音＂中文台有講－美國人買槍好容易，用車牌，填兩張表，槍店ＦＡＸ去差館，測過無犯罪紀錄，無精神病，就可以輕易買到任何型號槍械。
[版主回覆07/24/2012 09:08:45]那些 "斑迹" 是生物, 叫籐壺? 哈哈, 完全唔識!
北美兩國私人有牌無牌持械者眾, 以加國來說, 常牽涉幫派活動, 槍擊案時有所聞。