開學在即, 大人今天返學校執檔唔得閒, 我就要上弟弟家頂腳同弟婦開枱。
朝早約埋廚神飲茶。飲完茶大人自己揸車返工, 廚神車我。
-----------------------------------------
我們聽說小饞近來常下廚煮嘢給家人食, 尤其孝敬其母親大人(弟婦)。大人口痕叫他搵日整餐畀我哋試吓手勢。小饞說...EASY!
因利乘便, 約了今日。
大人執完檔放工上嚟...
讓我介紹...小饞, 從前為食過我, 豆釘時成個波咁;
現在翩翩少年...
我有我哋開枱, 佢到時到候去廚房埋位
早兩天在外面食過獅子頭, 佢話整畀我哋食
蛋白堯柱西蘭花
百花豆腐---蝦膠都識整?
嘩, 不是捧小饞場, 呢煲獅子頭重好食過早兩日嗰煲
早前見佢整過一兜白汁牛脷飯, 我試過一些, 很不錯。
而呢三個餸, 更不簡單, 似模似樣...
為小饞的獅子頭添了半碗飯!
阿大....早晨呀... ....呢位小朋友好掂...一定氹到好多女仔...
回覆刪除[版主回覆09/01/2011 09:44:00]MISS早晨! 真係好掂, 無師自通...最多係從前睇吓阿媽煮。
有女娶到佢就發達囉
回覆刪除將來一定可 un un 腳等食 lu
[版主回覆09/01/2011 12:44:00]信焉!
哈.... 又多位未來廚神 .... 阿大你有口福無邊咯....
回覆刪除[版主回覆09/01/2011 12:49:00]廚神JR...
家族遺傳，厲害﹗煮得兩味的男仔...引死人﹗
回覆刪除[版主回覆09/01/2011 13:16:00]我到現在都有些奇怪佢會識煮餸(中式!!)。據他說, 佢乜都識煮(我哋問佢煮乜畀我哋食, 佢話由得我哋發辦, 牙C擦擦 ), 唔通佢畀人植入了張chip...? 以前都聽過大人有時同佢講兩句FOOD CHANNEL啲一些節目內容, 大家居然有偈傾, 那時不以為意...
幼承庭訓！
回覆刪除[版主回覆09/01/2011 13:43:00]功在為食!
大個獅子頭正好塞住獅子大口。
回覆刪除[版主回覆09/01/2011 20:19:00]對唔出, 諗吓先。
He is born to be a chef!!! Some people are born with the skills...
回覆刪除[版主回覆09/02/2011 04:46:00]哈, 勉強算是中規中矩喇。 以佢未正式點學過煮餸, 實戰經驗亦不多, 完全是打天才波, 煮成咁已經唔錯就是了... 。
小饞今年幾歲?見個佢BB時啲相，記得佢頭圓眼圓臉圓，好得意。依家見佢手長腳長，應該好高大。呢餐餸出得廳堂喎，佢整左幾耐起貨呀?哈哈!
回覆刪除[版主回覆09/04/2011 22:18:00]應該16未夠17(?), 讀埋今學年中學, 掂就明年升大學咯。 佢細時有段時間算是肥仔, 圓碌碌, 成日開雪櫃搵嘢食, 有個小肚腩添架。 長高之後, 就身長、手長、腳長, 連塊面都尖長了。現在佢是全家族最高---應有6' 左右。 算幾好咁啦。蝦膠隔夜整定, 當日整咗個零鐘就有得食, 你識佢嗰個姑媽打完牌同埋大人放工先上嚟一齊做佢幫廚...遞吓嘢, 洗吓嘢
睇到真係令人慚愧呀,我煮咗咁耐0既飯,都唔識煮咁靚咁好味0既餸菜......
回覆刪除[版主回覆09/05/2011 12:55:00]唔使咁謙喎, 嗰晚一樣好掂吖!