千里而來
據報美國西岸已偵察到從日本飄來的核輻射物質, 不過數量十分輕微, 未足以影響人體云云。我們在東岸, 相對怎麼都比溫哥華那邊稍為安全。
希望日本可以早日控制情況, 並且努力善後, 將輻射洩漏的遺害減輕...
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
MARCH BREAK 唯一煮
假期將完, 大人昨晚終於在家煮了餐飯...
燒雞
前車之鑑, 上次就是天花的這個煙霧警報器敏感幾乎出事...
今次做好準備功夫, 將櫈仔及團扇拎定出嚟
外面雖接近零度, 都打開少少露台門
搞掂
燒雞由我用廚剪大卸八塊, 賣相欠佳
蒸青班、清炒黃芽白、煲冬瓜湯
當然又有餘有剩...
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
又冇暖氣、熱水
今早起來梳洗, 發覺水喉水愈來愈冷..., 心知不妙。連忙往爐房看看, 果然...
這個爐是幾年前新換的(那次很大劑, 身、金兩者俱傷...
)。經驗是點火器經過兩三年左右就唔掂, 到時會打不著火, 要搵人嚟換。最頂盞紅燈熄了, 表示點火不著, 個爐不能正常運作---出暖氣和煲熱水...
不知是昨晚幾時壞的, 現時外面接近零度, 室內祇得18度多些...陰陰凍
急忙打電話去煤氣公司維修部, 好在今天不是星期日, 星期六仍有人做嘢, 即時約了下午二時至六時上門修理, 希望今晚不致無暖氣、無熱水。
哈, 搞緊此篇之際, 剛才收到技師電話, 廿分鐘後到喎...來得幾快!!
後記
我們的鎮屋的爐房地方淺窄, "委屈" 了神高神大的技師...
換了個新的點火器, 盞紅燈著番, 恢復正常運作...出緊暖氣、煲緊熱水
呵, 今晚唔使捱冷, 並且有熱水沖涼了...
阿大...早晨呀... ....隻雞睇落唔錯 - 未剪前... ...有得食又有暖氣同熱水真係幸福...
回覆刪除[版主回覆03/20/2011 11:53:00]午安呀...MISS 隻雞睇落唔錯 - 未剪前. 平時大人在廚房做嘢, 我多數扮君子, 離得好遠(隔二層樓... ), 疏於操練, 難免手勢不靈, 所以肉酸啲啫. 是啊, 就算是如此簡單, 相比之下, 實在都已經有十分幸福的感覺。
相信电費也不少呢
回覆刪除在那边天氣奇寒
無暖氣会变雪条呢
[版主回覆03/21/2011 09:15:00]冷氣用電, 暖氣用煤氣, 天熱天冷燃料費都各一筆, 不易居啊...
嘩! 你影到好以核電反應爐咁嘅款...........!!!!
回覆刪除[版主回覆03/21/2011 14:58:00]怕作核能人, 亦不敢姓曾。
你地果邊能源有乜依郁都好大劑，好快變雪條 其實萬一有事，有冇副車可用和應急措施﹖
回覆刪除[版主回覆03/21/2011 15:49:00]天冷屋企壞暖氣爐好大劑, 所以煤氣公司嚟得好快...工作天上午打電話去, 下午或至遲明早就嚟 無暖氣的應急措施...就係著衫著到夠, 密密食嘢... 無熱水的應急措施...就係用電煲熱水梳洗, 過泳池個邊沖涼... 08年時換新爐前後捱咗成兩個禮拜...冷親、凍到隻腳出了些乾疹...人都頹了謝了...
一家一主易搞，我意思係地區大停電....
回覆刪除安省一處埠仔亦有間核電廠的... 多年前試過一次美、加大停電, 全力搶修都要捱了兩日(?), 有啲地區恢復得快少少, 有啲慢啲。我哋用電爐煮食, 冇餐開, 食肆亦烏燈黑火, 要上去細佬妹度黏餐。 講起呢邊啲人幾好, 當時街道上的紅綠燈亦死晒火, 有許多人義務響十字路口度指揮交通, 冇咁混亂...
回覆刪除首先，很反感用印刷品作枱布，再好的美食，也倒胃，中國人，有一種物體叫骨碟，生活在不是第三世界，就不要再用這種小農生活模式。
回覆刪除再者，夏天出汗冬天冒寒，又有什大不了？
[版主回覆03/22/2011 01:11:00]很反感用印刷品作枱布 ... 在自己屋企, 兩兜友, 隨便慣了; 對此我倒沒甚麼, 也不執著... 之前都好像說過了, 我慣用骨碟...未見碗筷, 亦未有飯, 總不成小姐認為我是用手取食、唔使食飯的吧...?! 若果可以令自己感覺舒服一些, 何必攞苦來辛? 否則冷氣機/暖爐豈非皆成了多餘之物?
阿大...早晨呀...
回覆刪除[版主回覆03/22/2011 09:38:00]MISS早晨
屈就師傳,理應橫財就師傅手=俾貼士. 恐防燒雞>警鐘誤鳴!>做哂防禦!
回覆刪除[版主回覆03/22/2011 21:14:00]屈就師傳,理應橫財就師傅手=俾貼士. 哈哈, 不是華籍技師, 恐怕國情不同, 不敢孟浪... 恐防燒雞>警鐘誤鳴!>做哂防禦! 一之為甚, 其可再乎?!
Unless the starter is bad, you can restart it yourself, right?
回覆刪除[版主回覆03/22/2011 22:05:00]基本上佢自動操作---熱水爐的熱水凍了/室內低於調校的溫度, 個爐就會自動點火RESTART煲水/出暖氣, 一旦冇反應, 就多數係個IGNITER夠期...換出嚟見到成枝黑晒...
阿大...早晨呀...
回覆刪除[版主回覆03/24/2011 09:57:00]MISS早晨!
今早新聞＞輻射塵飄到北歐了。 白鴿打個轉，可能會將輻射帶到香港。 外國有石屎地牢，可以隔輻射。
回覆刪除[版主回覆03/24/2011 13:54:00]嘿, 若是已殺到嚟, 就無可能完全置身事外的了...
阿大...早晨呀... ...仲係隻燒雞呀...
回覆刪除[版主回覆03/25/2011 09:48:00]MISS早呀... 昨晚又去食...減價自助餐... 今日要做夠45分鐘運動, 好攰...
阿大...早晨呀... ...週末有無局呀?...
回覆刪除[版主回覆03/26/2011 11:21:00]MISS早晨! 假期兩日都有 局 ...不過應該係 靜局 ! 星期六一向都冇乜的, 今個星期日連慣常自己友塘水滾塘魚都話流局喎(唔知係咪啲塘魚近來遍體鱗傷, 未曾復元, 匿埋在塘底以避吾鋒呢... )。咁就趁得閒內外兼修, 內則做吓運動, 外則做司機/跟班咁囉...