麗華軒今年仍然在母親節特別舉辦兩輪中午自助餐。我和大人聞美食就雀躍, 當然樂於參與。今次一行九眾, 訂食頭圍, 11:00am - 1:00pm。(第二輪是1:30pm -3:30pm)
這裏在每年的元旦日及母親節都會搞中午自助餐, 價錢雖稍貴, 但食物水準一向不會令人失望, 是物有所值, 華人捧場者眾。
雞絲翅
我的第一、二碟...
(以下有些是我的, 有些是大人名下的...
)
這碟是大人的...
其中有魚翅燒賣、耦餅、東坡肉(我自己唔敢攞, 她攞了請一舊我食, 去了些肥肉才吃; 嘩, 原來非常正!!)
雞絲翅、菜膽冬菰鮑魚
煎銀雪魚
要特別說說這隻豉油皇乳鴿...
是我在多倫多所吃過最好的。從前吃到的, 根本連一個好字也說不上, 至多不過是 "尚不太差", 大都是鴿身乾癟、肉鞋、味差的, 吃到心灰意冷。
今次大有驚喜!!
這次的乳鴿就鴿身飽滿, 皮下脂肪適中, 口感極佳。味道亦沒有有些豉油皇乳鴿的過鹹/過甜之弊, 畀分的話, 我自己畀足100分---因為在這裏實在難得吃到咁好的!!
食到中段稍後才見到再拎出來, 又已經無乜人吼了, 於是施施然攞了兩邊, 雖已經飽了幾成, 亦食晒!! 爆燈就爆燈喇...
(今日連燒牛肉都唔得閒食...)正!!正!!正!!! 終於還了心願...
差不多尾聲...
行政總廚出來和熟客應酬
甜品
願天下母親都健康、快樂!!
嘩！流洒口水！生蠔！我至愛！
回覆刪除[版主回覆05/10/2010 13:56:00]神龍氏去邊處威嚟?
好豐盛呀,咁多嘢食,不過要幾銀/人呢?生蠔細隻咗啲,但睇來好新鮮,我都來食多幾隻先.......
回覆刪除[版主回覆05/10/2010 14:16:00]隨便, 不用客氣! 這些生蠔雖然稍細, 不過夠鮮味, 食落亦沒有巨型的那麼 "漏"。 每位C72; 連稅及加一, 共C$90大元!
哈哈,我覺得好好笑啊,佢地應該唔會怪我0既.....
回覆刪除[版主回覆05/10/2010 15:00:00]好似果次我喺你相公度講...甚麼城咁...
嘩! 淨係睇到值C$100...!!
回覆刪除[版主回覆05/10/2010 20:24:00]收你五折, 盛惠C$50!
喂! 我講吓架咋! 咪當真呀! 大佬!
回覆刪除[版主回覆05/11/2010 09:34:00]記帳先!!
好豐富...不過唔平喎...貴過豬仔d大餐好多... ....甜品無雪糕嘅?...
回覆刪除[版主回覆05/11/2010 09:45:00]好耐先食一次咋... 豬仔大餐你鍾意就去食喎, 有時可能食得幾密, 圍起條數嚟可能重貴。 係囉, 上次去婚宴又冇, 今次自助餐又冇; 有埋H牌雪糕就完美喇, HAWA?
$??一位？ 香港母親節酒店自助餐，食得好ｄ，要＄４ｘｘ。ＨＫ。 所以大多數人選中餐。
回覆刪除[版主回覆05/11/2010 10:20:00]每位C$72; 連稅及加一 = C$90! 若干年前首次幫襯元旦日的, 好像都已經$60/$65...
......加油.......
回覆刪除柴米七件有低高 . 加鹽加醬添屋嘈 . 加柴加醋心火盛 . 獨是加油卻叫好 .
[版主回覆05/11/2010 14:17:00]點好? 開門乜鬼價都高, 升斗謀生甚勞嘈, 若說加油還讚好, (注：油價很貴啊!) 夫妻歎曰 "離鸞譜"!
嘩嘩嘩 ， 總廚都係華人？有無跟你哋打招呼呀？
回覆刪除[版主回覆05/11/2010 20:21:00]金小姐今日居然肯開金口... 好日都唔幫襯一次,
梗係唔識我地喇。 中菜總廚若非華人, 搵人食都得咯。除總廚外, 還有許多華籍僱員添架。
That is one of the best Asian Buffet I have seen, with the variety of dishes, only in Toronto!! I was planning to come next month but unfortunately my wife has to undergo a small surgery...now she doesn;t have any vaction left for the toronto trip!!
回覆刪除[版主回覆05/12/2010 01:50:00]來日方長, 稍後大把機會再來玩喇... 可惜一年只得兩日有得食, 且要預早訂位; 否則你隨時嚟都可去試吓
果然係幾正!!
回覆刪除[版主回覆05/19/2010 11:34:00]因為都幾貴!!