團年飯

今天晚上(年廿八)與家人提早在弟弟家團年, 因為明天我們會遠征FALLSVIEW賭場, 並在酒店住宿一晚, 年卅晚才回來。

感冒咳仍然未清, 近日吃得比較清淡。今晚人齊熱鬧又菜式豐富, 實在忍不住都要破戒, 頻頻起筷, 還喝了些酒, 說不得唯有飲多樽咳水好了。

上菜...

接完大人放工, 買埋條青斑才起程; 
原來已另有一條5磅多大蟮, 打算一截煎、一截蒸。
這堆東西全部由我清洗(因為幾位主婦一早已有枱麻雀羈身!);
我切蟮切了幾舊, 已手都紅晒, 因為蟮粗刀鈍(又驚學大人見紅),
終於由妹夫執手尾。

少不免整枝紅酒助興

廚神的海蜇手撕雞

齋菜

弟婦的花好月圓有創意

日式燒汁煎鰻魚

豉汁蒸蟮; 遷就姪女沒下果皮, 雖仍好味, 卻未夠完美。

大人至愛------青斑

外賣PARTY TRAY---咖喱牛腩、牛脷
咁大盤當然食唔晒, 食完再拎些少返屋企第日食

煎蝦

意頭餸------蠔豉髮菜大脷花膠煲

嘩, 現在睇番都嚇一驚...擺滿枱咁多餸.......;
盤咖喱隔離原來還有一大煲羊腩煲之前未影喎...

喺櫈企高等左好耐都不停有人夾餸...再等執輸架罅...! 照影!!!

廚神夫家私房蘿蔔糕, 今日剛剛蒸好, 拿一兜來試味。

飽都要試吓......真係唔錯!

食完團年飯, 開完8圈枱(哈, 今晚做左大贏家, 贏左C$144), 跑緊團年馬..., 明天就和大人攜手遠征凱濤賭場, 歎番一晚, 並且搵番多少過年, 在此先向各位網友拜年......祝大家
    新年快樂, 如意吉祥, 身體健康!!