星期日如常是家庭日，預備整一味百花節瓜甫帶去作餸。大人拿手整蝦膠，不嫌功夫多，家人(尤其吾侄)亦喜歡食，於是早一日預備。
星期六買了兩盒蝦，當日整定蝦膠放在雪櫃，據說雪一夜蝦膠方爽。
先將蝦洗好
索乾水
然後挑腸
用刀側碾壓
將蝦肉用刀背稍刴
調味後向同一方向搞一陣至起膠, 放入雪櫃過夜。
翌日先將瓜甫挖空
加雞湯煨一陣
將生蝦膠釀入瓜甫再蒸。吃時覺得瓜甫內的 "蝦丸" 雖
鮮卻稍不如煎的蝦餅那麼爽口, 可能蒸時節瓜水份滲入
蝦膠之內, 下次或將蝦膠丸先行蒸熟才放入瓜窩。
蒸熟
剩餘蝦膠煎多一味香口蝦餅, 更受後輩歡迎。
趁尚在等斬白切雞之際, 先拍照片。
Morning ~ >^_^<
回覆刪除大嫂果然入得廚房出得雀堂, 佩服佩服..... 百花節瓜甫 ~ 當作我早餐啦 ....我唔客氣, 起筷喇 ~
[版主回覆07/23/2008 08:46:00]哈哈, 慢用啦...。
呢味睇落好正喎，幾時等大嫂翻黎一展身手，整翻次我地過下口癮好喎。
回覆刪除[版主回覆07/23/2008 12:11:00]你地賞面, 豈敢托手踭! 一於咁話啦......不過唔知幾時啫!
我結緍想响你花園擺50 席......大嫂有下冇時間做大厨??
回覆刪除[版主回覆07/23/2008 13:59:00]針完掂晒? 氣血全通, 結得婚哪咩?! 我對面個公園都唔知大到幾多畝, 響度擺50席絕無問題(唔知駛唔駛入紙申請架喎?)....之不過要大人下廚, 就聽食公園D西北風都得嘞。大人慢功出細貨, 餐頭我地兩個人食有時都搞半日。你都見我話呢味百花釀瓜甫一味餸都要預備兩日先掂。 不如咁喇, 你結婚之時響公園度擺50張枱, 供應D狩獵工具俾賓客, 黎個野味宴, 叫佢地就地自己 獵到乜就燒乜黎食, 咁重有新意喇。
哈﹗D節瓜可以用來做節瓜盅喎﹗
回覆刪除[版主回覆07/23/2008 14:45:00]你入籍女兒國咋喎, 唔係小人國, 一截仔節瓜點整盅?
A, 我請D"賓客" 咁遠黎到, 食下野味就梗架啦!
回覆刪除有セ好路數紹俾D"旅客"?
射鵝啦，反正大哥家居對面咁多鵝，任射，實中。
回覆刪除E, 好似夢夢話齋, 主菜食鵝(雁), 其他如鷗、鴿、鴉、充禾花雀等都唔少, 有謂寧食飛天四兩, 不吃地下半斤, 準錯不了；地上蝸牛當造(雖非法國種, 我諗都算上等菜式!), 粗豪D還有鹿(你結婚, 尾巴留俾你啦...噫, 係喎, 我重有個舊同事都係...咁兩份啦!)、松鼠、箭豬(呢味你可能唔敢食囉!)、甚至大熊, 幼細D可以考慮蚯蚓, 大頭蟻...等；咁多品種野味, 夠未呢吓?
回覆刪除我請D"賓客" 喜歡食野味.......有冇金絲猫??
回覆刪除D "旅客" 喜歡鴨........有冇粗壯洋鴨.......咁呢??
鹿( 尾巴) 唔駛留俾我啦! 老婆嫌佢太軟......成兜俾晒你老友啦!
[版主回覆07/23/2008 19:05:00]唔理你請果D係賓旅還是旅賓, 招呼都係玩同食兩樣野足矣! 其實金絲貓同洋鴨香港都有架, 駛唔駛咁遠水路過黎歎呀! 以前玩金絲貓, 多數成班靚仔一齊玩, 撩佢地埋牙? 近觀褻玩, 悉隨主便。 至於洋鴨, 空得其型, 較可取者僅為鴨胸, 尚算佳味。
佩服,佩服.
回覆刪除好野,好野,
[版主回覆07/23/2008 21:31:00](代大人說) 過奬, 過獎 失禮, 失禮
有無加D"蜆"汁落D瓜甫到呀?..大伯..若果用雞湯加埋少少瑤柱埋個汁,味道應該會好味D..
回覆刪除[版主回覆07/23/2008 21:42:00]之前所拍之相係在屋企至蒸熟為止, 未曾打芡。 最後一幅乃在細佬處開餐前所拍, 帶埋用剩之雞湯, 加蛋白埋左個薄芡......由我呢個監製親手為之...咁就差D衰左, 哈哈, D蛋白落早左D, 芡仍未滾番就落, 於是蛋白煮老左, 賣相稍差, 唯有用羹淨係淋汁落D瓜甫度, 還好味道沒有影響, 係嘥左D蛋白。
另外前右個兩碟係乜餸?..睇落好似幾好味喎....
回覆刪除[版主回覆07/23/2008 21:59:00]涼瓜牛肉、炆牛坑腩。 我喜歡吃涼瓜, 今勻尚有些少苦味, 正! 牛坑腩並非全瘦, 帶些筋, 口感佳! 重有碟白切雞添, 今餐就係咁多餸, 唔駛淘茶怨茶凍!!
涼瓜炒牛肉係要帶少少苦味至好食...
回覆刪除如果煎蝦餅加d剁碎粟米粒口感更加好，爽口兼且有O趙頭。
回覆刪除[版主回覆07/24/2008 09:56:00]你試過未? 我地通常乜都冇加......昨晚用左剩番D蝦膠黎釀矮瓜, 淥幾條通菜, 肉絲節瓜(又係果日D剩餘物資)...點知清淡得滯, 半夜鬼咁肚餓...哈哈。
同d粟米粒泡個熱湯浴，不過唔好泡得太耐，臨得滯唔爽。粟米粒瀝乾水份剁碎加入蝦肉同煎脆，你試一試。
回覆刪除加埋d馬碲粒落去d蝦餅到仲好口感....
回覆刪除嘩華可能係佩服你Dロ才D至喎!..亞大.....!
回覆刪除又或者係佩服我夠豪,人面廣................!!
[版主回覆07/24/2008 14:27:00]E, 如此說來, 多數係後者! 佢上星期可能去過星光大道......
(Empty)
回覆刪除好犀利啊! 這樣花功夫，我這個懶人只能看看了。
回覆刪除[版主回覆07/24/2008 20:23:00]哈, 大人放假閒著, 才偶然一次 "技癢" 而已