第一回 朝發溫哥華, 午後市內遊。
22/7 星期一 第一天
今時今日西遊, 自然不會騎白龍馬, 而是乘鐵鳥或是鐵馬的了!
未夠五點出發, 廚神的小叔摸黑送我們去機場。
是早天色晴朗, 有少許涼意。好天氣!
這是間專營國內線的小航空公司。因為自己不常出門, 以前未坐過, 連名都未聽過。
旅遊專業人士看準時機, 距離出發大概兩個月前替我們訂票, 票價只C$500多元。逐漸挨近暑假, 據說很快已加價了C$200多元...
我和大人年前在暑假期間問過旅行社, 報價動輒更要C$1,000元上下
航班延誤近一小時; 許是小航空公司的通病。既然貪平, 就不要咁多聲氣咯。
四兜友呆坐等入閘 (我比較冇咁呆, 可以影吓相...哈哈)
上次試對 "新" 鞋, 行得尚覺 "舒服"。今次西遊遂決定靠這雙鞋由頭走到尾 ~ 穿爛好過擺到爛
扺達的這班機就是我們回程坐的那班
~ 晚上從溫哥華(時差比多市慢3小時)飛過來, 早上到; 接著又飛番去溫哥華
衝上雲霄
鳥瞰
細機(737 ~ 兩邊各三個座位), 地方淺窄, 侷促不堪。
這是我怕坐長途機的最主要原因
難為那些極大塊頭的人, 起、坐都會有困難。
編配了一排四個位, 我自己坐一邊路口位, 佢地三個坐埋一齊。好在我身旁的乘客身材闊度正常...
以為咁平的機票要畀錢才會有嘢食
原來都叫做有個顏色曖昩、賣相唔掂的早餐
;食唔晒 ~ 因為難吃; 只食了條腸和挑了少少無汁的蛋
相對最順眼、好味的是杯橙汁
有冇搞錯呀? 份餐具連枝叉都係斷嘅...
唉...
無聊
......
見到山勢, 估計接近溫哥華了
這就是著名的洛磯山脈
機甫停...沒多久就嘔行李
等旅行社人員出現
------------------------------
由旅行社送返酒店, 仍未夠鐘攞房。CHECK IN 放下行李, 過隔離商場醫肚...(呢餐食自己)...
在門口見到中、英文招牌, 兩者取其約略音似之外, Michigan 這美國州名與中文店名似乎風馬牛, 是否另有意思...
等食之際, 左顧右盼
與香港那間著名雲吞麵店有些淵源? 故取中文店名為 "麥之根" 耶? 那英文用的那美國州名可能貪其音近
見此畫題識及簽名, 招牌背後或許有一個故事...
牛雜麵, 連牛脷都有, 未見過
; 雲吞餡有些少肉, 近羊城風味, 湯有大地魚香 ~ 飲晒!兩碗都已是大碗, 可麵的份量不多。細碗的豈非得一箸? 刻意秉承名店的傳統風格乎?
麵質的確比在多倫多食過的爽尐, 好食
見麵少, 加多個魚崧茄子炆米
香綿瑤柱白粥
乳鴿反而普通
食完返酒店攞房
小客棧, 似乎是旅行社的大本營之一, 頗多掛同樣團章的人出入
麻雀雖小...有WIFI不只, 更好的是在大堂埋便一角有個開放式的自助小餐廳, 整日都有免費茶水咖啡供應, 任坐唔嬲。
不過, 一兩晚的過客, 早出晚歸, 未必能 "歎" 得到 ~ 我就唔同, 夜晚落嚟上網睇機, 他他條條, 歎番杯茶, 半夜 "收工" 才番上去瞓
------------------------------
(待續)...
