加料西多

平時甚少叫西多食 ~ JUNK FOOD 來也



黃昏去飯堂開餐

食緊自己的兩個餐之際...
忽然有多盒嘢隊埋嚟話 "酬賓" 架喎 
原來廚房大佬整畀佢自己食, 整多了一件
加料架...


平常西多只蘸蛋漿炸
呢件加麵包糠
拎番屋企, 仍脆
(酬賓性質, 不方便堂食..)

裏面還有芝士...哈哈, 尐廚房大佬一向識食 雖然傷身, 但的確幾好食
說起來...又不禁想起從前在香港一些關於 "食" 的人與事...
許久許久之前, 在灣仔大道東一間酒樓食過的一碟鮑魚帶子腸粉、禾稈冚珍珠八珍炒麵(普通八珍料舖面, 有些鮑魚帶子大蝦球墊底), 當時為之駭笑...
前次回港在日航酒店亦食過一圍超值的... 

一日兩餐足矣

今朝和細佬一家有約
朝早先飲茶
離自己家居稍遠, 未嚟過呢間...


細佬塞車稍後才到, 加了個咖哩墨魚和鳳爪排骨飯
我和侄女先到, 沒有劃飯, 因為見係特(貴)點 ~ $4煲, 雖然我是飯桶, 卻是個精打細算的飯桶, 寧願食糯米雞和腸粉
當然我不好阻止, 由得佢叫...
飯嚟到細佬話抵食, 我說...$4煲喎...
"吓, 又唔早聲..."   (嘿, 懵下懵下...)

飲完茶 一齊出發...盤桓至中午

眼澀 , C撐
回來才有得瞓番覺

精神稍復
今晚又和大人...

做了件一向少做的事...
向來有些沾沾自喜至今齒力猶健(摸木! 許是愈用得多愈發達的緣故), 嚼了兩三片都只能吮汁吐渣, 大人試了一啖之後, 一錘定音 ~ 退貨

呢個新品種...芒果乳酪唔錯

今晚直跴, 應不必叉電矣, 不過中、西濃茶不斷...
相當忙碌...
要顧住檔小本生意, 又要追劇以及和網友講下劇情, 又要兼顧做功課...


-----------------


後記

捱眼瞓做了功課 , 今回彩數好一點...可惜仍差少少 ... 

本來昨日兩餐足矣, 現在食埋這 "早餐" , 更加豐足, 特別眼睏, 要 咯...

0677	15-05-2013 21:14	跑馬地 星期三	位置	5 場    11 威水福星 $10	$10.00	$117.50
0680	15-05-2013 21:19	跑馬地 星期三	過關 2X3 位置 獨贏及位置	5 場    11 威水福星 7 場    12 勁有盈 $10	$50.00	$1,169.50
0681	15-05-2013 21:19	跑馬地 星期三	過關 位置Ｑ 2X3	5 場    5 乖乖寶貝 + 11 威水福星 7 場    9 加州金獎 + 12 勁有盈 $10	$30.00	$219.50

浮雲

"富貴於我如浮雲..."    


吹呀吹...讓這風吹...,
那碩大無朋的手狀浮雲終於都吹散了多少, 稍見天日...
早知今日, 何必當初...千方百計夾硬去搵罅捐吖...

這就是為甚麼去年台戲幕後咬牙切齒、紮 "行" 馬、咁大陣仗的其中一個主要原因了吧...?!
一單、兩單, 然後.........???

看來...應該(早已?!)慢慢撇檔咯...

忝為系內一如病毒大小的股東, 以事論事, 都要畀個讚現屆... "做" 呢單嘢 

想起了上任將軍...
若果說 "將軍" 一去, 就 "大樹" 飄零, 自然未免抬舉了那位上任將軍, 更少看了大樹的根基。
然而, 以前礙眼的事情都有不少, 卻似乎冇咁多事端... ; 現任將軍好似唔同打法, 真係將佢軍(?)...

寫著寫著, 不禁想起下面這首詩...; 不過眼前自己個人就實不副名的 "思歪" 些少, 往壞處想 ~ 對偉大詩人的本來詩意很有些不敬了...

<送友人>
青山横北廓，白水繞東城。
此地一為别，孤蓬萬里征。
浮雲游子意，落日故人情。
揮手自兹去，蕭蕭斑馬鳴。

別後上任將軍也不是不 "淒涼" 的 ~ 當此睡意漸濃之際, 似乎隱約又聽見了幾聲口哨 ~ 不知知音人聽得出當中有沒有幾絲落寞否...

節前

明天避免光顧中式酒樓...

今朝和大人去飲每週一茶先...
叫多一些點心, 食唔晒拎走, 就算明天閉關不出都有嘢食

飲完茶去逛埋超市
買了隻蟹和一包羊架
今晚的每週一勞
明晚...?

先焗半包 ~ 嫰滑;  減價抵食, 明天或買多包