謦欬

今天星期一比較多人, 比預約時間遲了廿多分鐘才得見老友。


"點呀..."

"嚟睇報告..."

"冇電話搵你番嚟即係冇嘢需要做, 即係冇乜事喇。"

(好在唔係冇嘢好做...)

"......正常......正常......正常......正常......, 膽固醇正常 ~ 壞膽固醇OK, 好膽固醇低尐, 血脂高少少, 呢尐係典型有個肚腩、超重、少做運動尐人嘅... Metabolism(?)...(老友突然整個英文字, 都愕一愕,  好在自己知自己事, 是 "新陳代謝"  ~ 斷估即是說所謂的代謝綜合症吧... ), 做多尐運動, 唔好食咁油喇..."     --->(中晒!!!)

"哦...(淨係唔好食咁油, 冇話唔好食自助餐喎...)
尐血壓冇問題呀? ...近來瞓醒有時會有尐頭刺..."

"冇嘢吖...
另外, 2015年再同你跟......"


"哦, 好呀...
唔該晒,  X醫生..."



今次似乎少咗尐警誡口吻, 戰戰兢兢又暫時過骨...

兩張几

今天終於動手;  簡單、容易...


其實一向比較喜歡實木的傢俬
呢幾張几係渣料的粗嘢, 不過5蚊張的確便宜到極...

砌好兩張, 擺響度裝個模樣, 都算OK喇...

小叙

今晚去侄女家開餐, 佢地叫埋細佬小饞亮相, 很好!



高層好住
但畏高(?)如我, 卅幾樓...
在屋內猶可, 站出露台就騰騰地雞...望落去有尐心寒

大人暗笑之餘, 自告奮勇同我影幾張

平時繁忙的401公路

極目處, 見到些少安大略湖

日之將夕...
天氣好, 黃昏時的夕照應該甚靚...

意大利焗包

拎包去一齊食
煙三文帶鹹, 夾件蘋果食, 效果甚佳

墊底那塊是石頭, 一齊放入焗爐焗
上枱時底下再放水松墊

這樽醋是侄婿早前從歐洲買回來的
細細樽 ~ 歐羅30多元

哈, 驗完身...

第一次食...
牛油果湯
味道不錯, 自己覺得稍杰, 稀番些少可能更佳

色、香、味俱佳

濃稠而味不太酸, 幾好;
上次同廚神去食私房菜蘸的那些就稀尐、酸尐

驗身還有樣嘢未做, 應該唔好食牛肉住

一早知道今餐食牛扒, 豈可掃興, 打算食埋今餐, 等過三四日清晒尐餘毒才開始喇...
今回似乎失手...焗得稍稍過熟了...



五個人將全部嘢掃清!!!


甜品
用微波爐、花兩分鐘焗成的曲奇小蛋糕, 再加雪糕
簡單方便快捷, 效果幾好

我整咗杯咖啡添...
圓滿!!!

運動・禮物

驗身之前虧虧地, 已有多天沒過去做運動了。驗完身, 第一課...


今早送完大人返工, 早睡早醒
中午, 未夠一點, 包場, 甚好
朝早時候常見有兩位C9一起, 一邊行機、一邊不停口講嘢 ~ 真是由頭到尾...都咁嘈, 所以現在盡量避開那個時間!

通常大概行四十分鐘機, 然後拎兩個啞鈴仔玩幾下
至於那些龐然大物, 重到根本拎都拎唔郁, 不預孱弱玩者也...

這兩個是次細的...啱我...
目的不是練肌肉, 只用作輔助活動一下關節啫, 唔使咁搏命啊...
做多十零分鐘......收工

---------------------------



大人今天收了份很特別的禮物
是一位學生的公公送的
心思之外, 公公的中文字重好正!!

石靚、字靚; 兩者都大堪欣賞! 
這幾舊顏色斑斕奇幻的礦石相信是刻意精心挑選, 然後逐舊黐在 "屋仔" 中...