朝早循例曲線捐輸了多少, 事畢人安樂...
。安樂自然瞓得比較好, 一覺下午兩點幾才醒。今天有十六、七度, 外面暖番好多了。差不多夠鐘接大人收工...
接完大人收工, 略覺肚餓。大人今晚打算煮飯, 應該稍晏才有得食, 去商場茶檔叉叉電先---港式奶茶、餐蛋治, 食了半份。
上周末驗完身, 本來約了四星期後番去睇報告(醫務所沒打電話嚟就應該無乜大劑嘢...
。)可是上次忘記食開的藥就快食晒, 昨天都要特登走多轉返去, 在白袍老友放兩星期春假前寫張藥單。姑娘還說, 報告已經剛剛返到; 快到離奇! 有啲後續檢驗自己都未做齊...
於是順便睇埋驗咗啲部份先...主要是驗血、驗尿、心電圖...等。
自己心中有數, 都係嗰幾樣嘢高高低低, 兜兜轉轉, 問題係睇吓衰咗幾多...
" ...三酸甘油脂同壞膽固醇高咗少少、好膽固醇稍低(好低唔低!
), 咁通常表示運動不足...。其他都算OK, 冇乜嘢, 做多啲運動, 唔好食咁肥膩喇... " "......" (哈, 都衰唔晒, 起碼未去到要食乜食物藥的危險界線, 已經唔錯! )
健身室裝修, 行過去看看現在搞到乜嘢環境...
大門上鎖, 烏燈黑火 。
似乎已經搞掂---舖了新的 "地墊" , 健身器械亦已放好, 這部新的 "拉重" 機取代了之前壞的那部
還加多部划艇機; 看來過多一兩天應該可以重新開放的了...
趁今天回暖, 有些少陽光, 過公園走走...
水暖當然鴨先知...
波光粼粼
行完返嚟, 又再叉電...很脆, 但嫌太甜...
