加國饞人

2010年4月7日星期三

遲了的一餐

美、加的復活節公眾假期只得星期五一天, 昨天星期一則仍是學校假期。

大人趁假期尾聲, 見我精神稍佳, 又發揮 "哨街" 本色, 到商場逛了半天。今回半途已有些攰, 未能全程亦步亦趨, 久不久自己要在舖外搵張椅小休一下, 等大人出來。

哨完街當然去食飯, 事關......這餐應是大人期待的。已經遲了一天...

大人不吃羊, 兩兜友食, 從來沒叫過羊腩煲, 今晚破例...
羊腩不俗, 有些是有皮有膏的, 不過啱啱叫做好番, 只吃了幾舊瘦的及一些配料就算。
食唔晒, 諗住拎番屋企等狀態好些才慢慢歎。

加幾蚊跟碟生菜, 不過生菜卻並非揀手的...

...有些黃擒擒, 又爛葉; 佢地唔揀, 惟有食時自己落手揀!!

見幾乎枱枱食客都叫, 我們亦要了一份---紅燒大班翅
比上次在另一間吃的那個所謂石班扒好吃得多。

兩隻炸蟹鉗

一半堂食, 一半返歸...

2010年4月5日星期一

今天是抗生素療程的最後一天, 喉嚨早兩天覺得已沒甚麼不妥, 但仍要食足七日藥。開始滴了兩天眼藥水之後那隻紅眼就沒紅得那麼嚇人了, 逐漸轉清, 隨後都再滴多兩天, 打算今晚滴多次便收工。

這幾天衞生功夫做足, 避免反覆自我感染, 以及更傳給大人。已經盡量不用手摸臉捽眼, 還要不停地洗手、洗手... 。最麻煩是滴眼藥水, 自己向來總是滴不準的, 一天幾次都要勞煩大人。

今晚又將早幾天用過的毛巾、枕頭套等等物品加些漂水清洗消毒, 然後再高溫焗乾。

希望就此告一段落, 明天一切便回復正常吧...

2010年3月22日星期一

蔡琴

今日入賭場..., 睇蔡琴。

自己國語不靈光, 聽起來當然是有些 "隔" 了。不過湊大人的興, 也無妨。而且蔡琴是實力歌手, 值得欣賞。

弟弟夫婦一早入去娛樂兼代取票劃座; 我們午後才出發匯合。
演唱會七點開始, 下午去到仍大把時間。先在賭場巡視一番, 少不免坐低拉幾下老虎機。我和大人都進貢了20大元!

今日因為有演唱會, 所以賭場和餐廳都人頭湧湧, 食晚飯遲些到都要有排輪位。

四個人求求其其...

兩小碟---鹵水鴨、牛(月展)

海鮮大會

炆馬友球

堯柱扒豆苗

麻婆豆腐

每人每? 乜野羹...?(睇完網友的新篇, 唔敢寫...)

>
>
>

唔係呀..; 肉絲炒麵的澆頭另上咋 ...

食完晚飯, 兄弟再分道揚鑣;
佢哋有佢哋繼續娛樂, 我哋早些入場...

朝早取票, 座位幾好, 算是大堂前中座正面。

樓上側邊廂座

預告...
起碼$95票喎...

演唱會開始就要收起相機喇...

2010年3月18日星期四

馬後餐, 餐後踱

昨天行得攰, 日間又沒睡, 睇完港股上午收市即瞓。忘記校鐘鬧醒睇下午市, 一瞓居然瞓到六點幾(早前已改了夏令時間, 撥快一小時, 即比香港慢12小時)!

玩完香港夜馬, 已經11點; 肚餓得很。和大人說不如去隔鄰日本舖試試它的自助午餐, 於是......

上次食晚餐相機冇電, 曾有微言的網友今回可以目食兩次補數...

(午餐沒有刺身、天婦羅蝦供應)