春假

大人今天開始放春假, 為期十天; 期間我又要微調 "作息" 時間。

適逢三月八日, 當然要請大人食餐晏先。

屋企冇乜煎炸嘢食, 出街會食多少少;
餃子內的番茄是大人益我 "補身" 的, 因為佢唔喜歡食。

晏晝食得飽..
這是晚餐

不孤

今天在報紙見到太子爺的 "扶貧關愛宣言" , 方知原來吾道不孤 ~ 不孤的意思, 並非是我這 "窮鬼" 亦贊同太子爺覬覦那幾千億財政儲備, 倡議大洒金錢, 以籠絡民心; 而是大家都係UP得就UP !

太子爺之志大則大矣, 可是才幹嘛, 嘿, 則不大......清楚。印象早年其伯爺父子情深, 收山(?)之後似乎還要出番嚟幫佢收拾殘局。看過他的宣言, 頗有興趣想知道佢家族的公司在未公開上市之前, 每年從盈利儲備撥給基層員工的福利究竟有幾多...會唔會拎一半出嚟, 甚至派晒佢...???

即日轉軚站台之舉, 如今只博得委佢做個區區委員, 以佢的家底來說, 可算 "委~屈" 。都不知是否身負 "己方" 的絕密任務 ~  "委~屈" 都要入去做.......奸細、臥底, 目的是否想掏空儲備, 唔得都至少搞亂檔攤 ...。  看哪, 甫一發話, 似乎已經見效, 有尐內閧咯...

近來好戲連場, 食花生、果仁的機會不覺多了, 天殘腳不知頂得順否?

日誌

假期; 朝早同大人去飲茶, 然後巡下超市...



中午就簡單尐

屋企出爐的波蘿叉燒包
先叮後焗, 大人整得好食過我整 ~ 因為我唔夠耐性...


一天光晒;  悶了好幾天, 精神略爽, 往後幾日都好天

(幾日前...)

好耐冇見狗狗

差.....不多 

小饞炮製的日式咖喱牛腩...

炸蝦

飯堂常餐

放假前大人較有心情整啲簡單嘢食(煮餐飯就大陣象啲)
反正去飯堂食嘅都係差不多咁嘢...



等開餐, 無聊兼口痕, 先來些...少食的小食(早前買來招呼廚神大伯的, 當日佢掛住食牛肉乾, 冇開到嚟食)
大人話想飲少少黑啤...哈, 是想讓我有借口卦...
喺屋企還可以有大力水手菜(?)任添


黑啤清倉

有酒有肉, 都算豐富吖 ?!  不過食唔晒...

住家食誌

朝早做完運動, 中午剛瞓醒似乎已經覺得有些肚餓...(都唔知係咪餓醒...)

開機瞄瞄美市......就去貧者(是因應財爺的歸類法)的食物庫摷嘢食! 
(財爺說自己都係中產 ~ 中產的定義是指生活的態度, 而非以入息界定云云.....嘿嘿... 說得籠統, 而且似乎失之偏頗, 不盡不實;  對說法實在未敢苟同!
平常飲吓咖啡(即溶、麥記或星巴克算唔算?)、紅酒(我補充的  ), 睇吓法國電影(淨係法國電影?!若是有人特別喜歡法國鹹片, 入唔入流?...)......等等, 追求生活上的 "高尚品味" 和享受, 這樣的生活方式不知是否稱為 "小布爾喬亞" (小資)階級比稱作中產來得較為貼切...

不論計入息, 還是生活態度, 我自己應歸類為 "貧者" 。)


九鼎廢話表過, 言歸正傳...

羅漢果、南北杏、火雞頸、豬(月展)、鴨腎、西洋菜湯(湯名的長度和湯的好味指數一般都成正比...)
咖喱牛肉 + 飯, 附番薯一碌
全部是隔夜嘢...
今餐食在機前, 並佐以TSCO, 覺得特別好味 ~ 風捲殘雲...(好熟...嗯, 是用來形容細佬隻狗狗開餐的用語) 

早前本週的一勞...
西洋菜靚, 煲完湯綿滑, 吸飽湯味, 好食!!!
金菇煎蛋(少油) ~ 五、六隻蛋, 但只留用一半蛋黃, 餘棄之; 嘥少少, 可能冇咁傷身(?)...

後記
HKT 1/3 10:38am


"中產" 品紅酒, 貧者飲石榴