煮番餐

今日趁放假, 打算煮番餐飯...


又減價, 臨時轉軚

雜菇

屋企甚多壽桃粗麵存貨, 要清吓, 於是唔食飯, 淥幾個麵...

雜菇雞柳撈粗...特意整多啲, 食多一兩餐

一併清埋, 相信有排都唔開住咯...

又預備開OT囉...
今晚撥慢鐘, 開完OT多一粒鐘瞓 

橫披

想當年, 讀中學時學校有書法堂, 並由長年穿著一襲飄逸長衫的老校長親自 "授" 課 , 堂上他更不時會露一兩手以作示範。

至於所謂授課, 不外是讓我們在堂上臨帖...。有一樣至煩的, 就是老校(沒有打漏字, 我們背後都是這樣 "稱呼" 他的)嚴格規定, 不可以用墨盒; 要用墨柱以清水 "鮮磨" 成墨瀋(鮮磨...可不是芝麻糊哩...)來寫, 所以那時堂上有時會搞到烏喱單刀, 連件白恤衫都染有墨漬!

讀完書本來就完全放下了毛筆。 可其後又另有因緣..., 有段時間自己發心胡亂練過一陣毛筆字。然而, 既無天賦, 自練只是空 "書" 而不得其 "法" , 肯定難窺堂奧, 點寫都不入流的了。

雖然寫 "書法" 唔掂, 更不懂 "鑑賞" 書法藝術作品, 不過閒來卻仍很有興趣睇吓、"哄" 吓.....。

或說, 不懂你又睇?

曾經有人這樣說過..."追蹤漢隸、北碑、章草的紋路, 那是書家的事; 觀字的人既然看的是藝術品, 不妨忘掉一切師承, 專心捉摸那幅字帶來的感覺和感情, 像看一片風景那樣...。"

對了, 大槪就是這樣...。要補充的是, 上面的引述還引述, 其中的品味、層次和感覺還是因人而可以相去很遠很遠。不過, 那又如何? 自己睇自己的...

去年回港, 和一位非以年紀論敍而我尊之為 "前輩" 的行家飯聚了兩三次。回加一陣之後, 方知他寫了一幅橫披要送給我!

仰慕 "前輩" 的書法已久, 不敢求耳! 聞之喜不自勝...

早前趁廚神回港, 請她拿到之後, 順便替我在香港裱好帶回來。

"前輩" 不知是否知我退休之後愈來愈懶, 借此黽勉...; 無論如何, 萬分感謝心意!!!

稍後打算做個鏡架...

零仃一件, 有時也許不成格局; 　
且看幾時將家中收埋的那幾件都一齊拎出嚟掛起晒佢...
至多被人說附庸風雅;  不想辜負了作品, 尤其是作品裏面的那份心意...

Halloween Party 2012

大人學校今日開PARTY


好些學生的家長都將自己的寶貝扮到鬼五馬六...


.

細個呢啲, 就多是大人班上的(口靚)

哈, 呢隻象仔怕羞, 唔肯抬高頭...

嘩, 呢個咁細個, 應該未戒奶喎...

非也非也...
這個不是大人的學生...乃吾之堂侄嚟架...
見佢扮埋一份, 於是放喺度等佢同啲哥哥姐姐一齊熱鬧吓; ...或者第日...

先生都甚忙...精心佈置, 營造節日氣氛

WOW...

這個大南瓜是前天大人收工之後趁個風未打到嚟, 嗱嗱聲趕去沃爾瑪買的, 圓碌碌無處著力可 "拎",  "捧" 到我又攰又索氣

一瓜兩面; 大人的雕工如何? 

雕成的南瓜燈...效果不差吧?!