不期而遇

今晚...


食到八八九九之際(唔敢食雪糕罅!), 忽見門口有幾個熟悉的身影行緊入嚟...哈, 小饞! 
自從隔鄰間嘢執咗之後, 向佢哋介紹了呢間; 現在可能佢哋重去食得密過我哋。

佢哋坐定後三個人各自揸個餐牌一人UP啲, 都UP了好一陣, 姐姐仔才行得開 , 稍後的場面肯定風起雲湧, 飛沙走石...。
我哋埋去傾了幾句, 小饞呢個星期都開學咯, 今天第二日返學; 月前並已考得車牌, 佢老豆傍住佢揸車往返學校, 今日上HIGHWAY行添喎。
好嘞...現在專心食嘢...跟住返學就專心讀書罅...

逸 ~ 一逸

昨晚辛苦煮完餐勁嘅, 今晚去飯堂開餐, 簡簡單單...

雞扒火腿旦配什菜

分汁

焗芝士班球飯(其實不過係魚柳丁)

食唔晒, 一樣剩啲; 大人飲完湯通常又唔飲飲品, 兩個餐, 梗有杯奶茶要拎走。

小休之後

旅行回來感冒、喉嚨發炎、咳...。

一劑抗生素搞掂了喉嚨發炎; 最麻煩係咳。食了1/3樽咳水, 怕是戒口唔清(關唔關事去食了雪榚涼粉紅豆冰?), 目前不時仍會咳一兩聲, 奄悶!

大人開學之後, 每週煮一 "大" 餐, 奉行一勞六逸 。

今日假期是下廚好日, 大人全力煲湯煮飯, 有排搞。病君已久沒做運動, 於是趁空檔走過公園踱陣, 郁動吓希望啲咳早日斷尾...

上星期剛過了白露, 序入初秋。
前、昨兩天落9C; 今天轉晴, 不過最高只得18度...豈真一雨成秋?

有人餵麵包...

鷗、雁爭食

爭崩頭

勢眾嫌略慢...

不如影吓呢邊
蒹葭蒼蒼, 白露為霜, 所謂伊人, 在..........

幾靚的歇腳補給站

開始收太陽...著唔夠衫, 有啲涼意...不如歸...

---------------------------------------


今週 "大" 餐

黐餐

又去廚神家開餐...

--------------------------------

後園現在冇乜時蔬;  祇種了些葱、蕃茄、椒...(又食又拎, 畀了幾個蕃茄和一執指天椒帶返歸)

--------------------------------



廚神幾好心機, 亦有番兩度...

在已勾勒好的摹本之上, 花數月時間著色成畫, 都算似模以樣; 
題識乃當年廚神夫婦的書畫老師之墨寶, 那時老師已屆米壽添一之齡, 身體依然清健; 不過如今已歸道山 ...。