馬後餐, 餐後踱

昨天行得攰, 日間又沒睡, 睇完港股上午收市即瞓。忘記校鐘鬧醒睇下午市, 一瞓居然瞓到六點幾(早前已改了夏令時間, 撥快一小時, 即比香港慢12小時)!

玩完香港夜馬, 已經11點; 肚餓得很。和大人說不如去隔鄰日本舖試試它的自助午餐, 於是......


上次食晚餐相機冇電, 曾有微言的網友今回可以目食兩次補數...
(午餐沒有刺身、天婦羅蝦供應)

先來一輪手卷、壽司; 饞人肚餓, 覺得特別好味!

素春卷、三文腩、魷魚鬚

豆腐

三文魚鮫、帶子和番薯

餃子、雞串、牛肉

我是飯桶, 再來衝刺一輪!
...噱, 好飽! 夠皮喇 !!!

忘記影雪糕添...

>>>>>>>>>>>>>>>>>>>>>>>>>>>>>>>>>>


今天又是艷陽漫天, 吃得飽飽, 不如過去公園散步...



在路中央, 有儷影一雙......
上次形單影隻, 今次唔同咯! (佢地重一齊邊行邊聽MP3添...)

四顧無人, 此姝緣何帽遮螓首?

呵, 原來在水之湄, 亦有......一雙; 今天倒是有影皆雙喎...

初時尚以為是動物界的異族鴛鴦, 大人說：非也。
顏色鮮艷者為雄, 旁者為雌...; 然耶??

據大人引述(那是誰? 那是誰?...)說, 水鴨在早春初現時, 不會聯群結隊, 而多是雌雄一雙, 好讓繁衍後代...。
靜觀一陣都毫無動靜...
幾時好事近?

腳仔軟, 任務完

今早晏醒。
外面陽光普照, 天氣和暖。

先往茶餐廳食早餐...

商場距居處車程不足一小時, 原來並不太遠; 
現在是上午11時...

商場頗大, 水牌密密麻麻

不停地行著、行著...;
在店舖捐出、捐入......
大人一馬當先, 我就時上時落; 有時並肩拍跳, 有時緊隨其後...
經過這間門外, 驟看店名, 直覺是 "有冇搞錯? "

再看清楚, 哈, 原來自己先入為主, 眼大睇過矓; 想歪了

......
FOOD COURT; ....行多一輪之後...
攰死人, 抖抖兼夾開餐。

一啡兩(個人)飲...

二人份(牛肉+雞)

...行行重行行...

諗起年前常去釣魚樂,  冇收穫!

魚池的RAINBOW TROUT(魚身中間有條粗紅線)有大有小...

此條至大, 長約二呎

大人今次不致空手而回咯

返抵家門...時維下午六時零五分。終於鬆一口氣!!

問道

大人上週五開始放春假(March Break), 趁假期之便, 想添置些新季便服。星期日(昨天)已跟家長揸車過美國水牛城逛了大半天, 自己沒有收穫, 卻買了些唔等使的東西回來(可能見加幣近來匯率高, 覺得抵?! )。

一撃不中, 心思思又想明天去一個離居處稍遠的大商場行吓...。哈, 敢不應命?!

路盲從未去過該處, 唯有先做準備功夫, 上網問道GOOGLE。

看來明天將是腳軟的一天了...

飲飲食食

早陣趁仍是新正頭, 弟弟搞了個大食會, 回請廚神夫家闔府一齊過來開枱及開餐, 大家玩番半日。

自己友各自負責一些食物, 自己整的、外賣的都有; 客人亦帶些POT LUCK到來...。
唯是人與食物俱未到齊, 已埋首四方城中, 所以未能拍齊...


酸辣湯

兩位私廚做的下午茶點...

還有......一大煲臘味糯米飯+臘鴨、蒸粉卷、咖哩牛腩、芝士蛋糕......


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>


受天殘腳影響, 很久(?!)沒吃一向喜愛的日式自助餐。住處貼鄰的小商場轉手不久的那間食店最近見生意不太理想, 新設了自助餐之選。日中出入經過, 饞人當然難抵誘惑, 前晚去試了...



住處出口閘前; 由此過隔離的小商場, 近在咫尺, 落大雪也沒關係...

落座; 窗外街景

另邊圍欄內的就是居處的鎮屋...

餐具

正在拉開序幕、邊影邊吃之際......哎吔, 突然冇電...

...並非店舖冇電, 而係部相機; 懶得返屋企換電, 就專心食野好了。
此店似是韓國人所開, 廚房出品水準不錯, 若天殘腳頂得順, 相信會再幫襯, 到時一定會有相讓各位目食。



>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

近日TIM HORTON及麥記展開激烈的咖啡大戰---在添記買每杯咖啡都有揭蓋掩抽獎, 最大獎是汽車; 麥記則索性整日送免費咖啡, 無任何附帶條件, 為期兩週。

昨晚又上去和家人開枱, 事前先到獅子銀行的櫃員機提款注資入荷包以壯行色。順道到同一商場內的麥記攞咖啡, 大人和我每人一杯。從前麥記的咖啡仿似坑渠水, 頗為抗拒。如今好像改了配方, 比較好飲...

上到弟弟處, 發覺原來賭場又送了樣新玩具給弟婦---一部自動咖啡機; 於是又想試吓...

不同口味的小盒庒咖啡

揭開機蓋, 整盒放入; 合蓋後自動開窿...

歎完麥記, 再試此杯。
雖然昨晚雀戰全程超額上爆了電, 神提癮足, 最後都還是小負6大元收場。
哼, 星期日再上演王子(?哈哈)復仇記!!