近來經常光顧的這間日式自助餐餐廳，
有一兩位侍應姐姐已經認得我們。XD
我們通常比較早到 (所以姐姐有尐印象?)，
那時顧客尚不多，
姐姐得閒會謦幾句。
知道我們未試過在星期五、六、日幫襯，
"好抵架，雖然加3蚊，但多好多嘢食..." 。
見姐姐熱心推介，
於是星期五驗完身之後，
翌日星期六出動前往求證。
我們通常比較早到 (所以姐姐有尐印象?)，
那時顧客尚不多，
姐姐得閒會謦幾句。
知道我們未試過在星期五、六、日幫襯，
"好抵架，雖然加3蚊，但多好多嘢食..." 。
於是星期五驗完身之後，
翌日星期六出動前往求證。
刺身多了甜蝦、帶子，
兩樣都是我們愛吃的。
兩樣都是我們愛吃的。
甚好。
^-^
燒羊架，啱我，食埋大人嗰份。
試過之後，證明姐姐所言不虛 ~
逢五六日加料縱略貴3蚊相對都仍較平時抵食。
逢五六日加料縱略貴3蚊相對都仍較平時抵食。
姐姐還叫我們買張 $30 的VIP 咭，
因為目前現金結帳九折的優惠快將取消了，
有這張VIP 咭則隨時都有九折。
$30 張VIP咭，
有效期一年。
買咭回贈一張 $25 消費咭，
都化算嘅 ~ 否則就唔會買喇。
看看幾時再去用了張咭，
以免萬一間嘢摺埋自己蝕大本。
...XDDD
--------------
上星期驗身先由姑娘量血壓。
落筆打三更，
瞄到係 143/9X/112，
稍歇姑娘再同我換手量第二次，
嘩，上壓更見155 ~ 樣樣都再高尐。
唔係下話?!
同白袍老友 "謦欬" 之初，
佢不動聲色。
由頭問到落腳有乜唔妥，講到尾， "尐血壓.........喎"，
"......喺呢度度親都高...。"
"......喺呢度度親都高...。"
老友仍記得我同佢 "對" 過部機，
"上次自己驗係幾耐前? "
"上次自己驗係幾耐前? "
"大約兩年前...。" :P
話佢知要問人借機，所以...。
"最好三幾個月驗一次喇...。"
"哦...."
預備稍後去聽驗身報告時再向老友舉證。
自己在屋企隨機量出的讀數一向脈搏偏高(?)，
上下壓大概處於擲界邊緣(?)(已屬於前期?)，尤其下壓；
上下壓大概處於擲界邊緣(?)(已屬於前期?)，尤其下壓；
兩年前亦係差不多這樣情況。
那次白袍老友沒說甚麼，
有問佢脈搏是否太高，
有問佢脈搏是否太高，
回說去到100左右都算正常(?)。
其實自知好多嘢都已經略略過界或擲界，
所以雖懶亦不敢完全唔做運動 ~ 做得幾多得幾多，
否則，嘿嘿，可能要提早食多幾粒藥。
:P
其實自知好多嘢都已經略略過界或擲界，
所以雖懶亦不敢完全唔做運動 ~ 做得幾多得幾多，
否則，嘿嘿，可能要提早食多幾粒藥。
:P
每次驗完落簿之外，
今次更影埋相，
必要時畀老友睇埋。
--------------------
後記
17/11/2016
感謝兩位遠方故人關心
殷殷垂問
且再補充近日續量的讀數
除脈搏偏高
後記
17/11/2016
感謝兩位遠方故人關心
殷殷垂問
且再補充近日續量的讀數
除脈搏偏高
上下壓都算勉強OK...卦?! ;)
希望白袍老友稍後從輕發落喇
網上睇過有關資料，有說法話血壓與年齡掛鈎，年長的話，如果上壓低於120都要留意下咁話，如果你在107，分分鐘好過後生仔抑或要留意下﹖
回覆刪除這十天每日度兩三次, 上壓波幅96-129, 下壓波幅77-90, 脈搏則在9X~10X之間。通常起床不久就樣樣都會比較低尐嘅。
刪除兩年前度出來的數據和今次差不多。
但我每次在白袍老友處度樣樣都高過喺屋企度，上壓有時去過15X, 下壓9X, 脈搏11X, 嘿。
若這個是真正的平常血壓, 要食藥控制架罅。所以白袍老友比較緊張, 因為長期如此, 出事的機會大增, 可以好大鑊甚至會令人瓜柴的。兩年前我依囑出示在屋企自己度的數據, 更拎埋部機去同佢部機"對機", 當場先用我部機度, 見上壓153(?), 心中暗喜 :P , 再用佢部機度, 又係15X, 當堂鬆了口氣。XD
今次影埋相, 免得萬一佢懷疑我老作尐數據時再可以舉證。
其實每次度血壓時個人當時的"狀態和情緒" 很會影響度出的來的數字, 偶然一兩次或三幾次的偏低或偏高數字未必係如實反映日常 "實在" 的情況。所以懷疑有問題時會觀察一段日子, 並視乎身體有沒有其他相閞癥狀(血壓高會不時頭痛, 血壓低會暈眩之類?)。
上壓我試過9X添, 不過大多數都在12X之間。下壓反而低唔到幾多, 多數在8X之間。其實嚴格來說, 若果後生, 已經不大理想(有所謂高血壓前期的這個名詞, 糖尿病亦然, 大槪即是處於擲界或接近擲界, 若不能從生活習慣和飲食方面得到改善, 往後發展成病的機會大增)。考慮自己年紀有番咁上下, 以此加入評估, 我諗都勉強OK卦?!)。(阿Q, 不知白袍會否如是想呢? XD)
至於你說的年紀大的人上壓低於120要留意, 某些情況之下也有道理。若果血壓過低, 一樣也不是好事, 要查出血壓低的原因。譬如一些運動員,佢地的血壓和脈搏可能比一般人低尐, 那算是"正常的。假如係因為心臟或其他問題而致, 就要小心留意。
自己知自己事, 點會好得過後生仔吖。哈哈, 自忖若果有問題, 我是我應該偏高多於偏低的 ~ 好高唔高, 血壓高, 脹然!
講完前仍要阿Q一下, 驗完身已十一、二天, 醫務所冇電話召去聽報告, 希望今劑可以過關喇。 XD
家用血壓計通常量得低啲，我用屋企部機量血壓，次次低得驚人，上壓100都冇，下壓60幾都試過。但我去政府診所睇開醫生量就次次都好正常，有人話用屋企部機量，通常加大10%才可作準。
回覆刪除兩年前曾拎自己部機去醫務所同佢嗰部對機(兩部一模一樣), 先後度出來的數字大概一致。因此他算是認可我在屋企自度的數據(有些特別情況我會加以註明)。
刪除在我來說, 偏差主要應是在醫務所度的多是在心情緊張(心想放鬆, 但就難以自控而愈弊 XD)、未完全坐得定抖順條氣的狀態下所引致的。
去到診所通常坐定１５分鐘後才量血壓會準啲，以前幫亞媽覆診每次都要先量血壓，有時會偏高，姑娘會叫睇完醫生後再量過，通常又會低番啲。可能是老人家心情緊張，之前又舟車勞頓，騰來騰去所影響。血壓藥食開要長食，最好唔駛食啦。
回覆刪除喺醫務所度親都高, 有時可能因為本身唔舒服, 有時跟隨姑娘慢慢行條走廊入房, 坐低就量, 未有坐定靜靜抖十零分鐘。不過照計去到14X-15X咁高, 應該主要都係由於心情緊張影響。 白袍老友有時因此笑我.."嚟到見醫生就咁高, 我唔係咁得人驚啫...。" XD
刪除呢兩三日度, 上壓多數在11X-12X之間, 未見過130以上, 應該OK 卦。
至於脈搏逾百, 就比兩年前高咗。昨日上網查過, 目前仍食緊那粒針對蛇患後遺症的藥, 其中一個副作用係會令心跳加速, 懷疑或是原因, 遲尐見白袍老友時會向他求證。
免得過確係最好唔使食藥。所以現在不敢怠慢, 朝早送完大人返工好多時自己都去 "晨運" (除了星期三 XD), 到附近的商場在室內行40~60鐘(60分鐘那日係想行完等隔離茶樓開門去飲茶), 好處係在室內唔怕曬唔怕冷熱, 就算冬天有風雪都可以照行。
我成日慣講的是, 人力不可不盡...一些(XD), 其他的就交給上面嗰位架罅。
以你年紀依家仲未駛食血壓藥算叻啦，好多都己經3粒藥丸唔少得的了! 你生蛇未好番晒仲要食幾耐藥?咁你算手尾較長喎，一般三幾個月會復元，原來都會番發的，我朋友20年前生過蛇，呢幾年身體出了毛病，先幾個月竟然連生蛇都番發，當身體免疫力轉差就乜病都發出來。行路對身體有一定好處，每天急步行30分鐘，持之以恒當會見到功效。依家啲手機可以下載APPS，記錄到你每天步行步數，又可量血壓及血含氧量都測埋，一機萬用。
回覆刪除哈, 虧精叻得去邊?
刪除不過, 以自己一把年紀, 咁為食, 又運動不足, 這些年仍免遭白袍老友口頭警告, 一年復一年, 都值得掩咀偷笑架罅。XD
生蛇縱使清了病毒, 神經線受損之後, 復原期長短不一, 有些可以纏繞數年甚至更久, 期間仍會痛的。我的情況還好, 食一粒相對輕量的止痛藥(兼有一些安眠和舒緩情緒的療效)都算壓得住。曾問老友幾時可以考慮停藥, 佢話曾經有人試停三幾日就頂唔順, 再主動食番。仲話一粒的藥量甚輕, 頂唔順必要時可以打孖食添。試過初發病時的那種劇痛, 為之不寒而慄。有時忘記了食, 到半夜或第二朝, 就會 "感覺" 得到..."未食藥?", 攞藥盒一看, 果然成粒還在。XD
白袍老友話今年開始我地可以打免費蛇針疫苗, 問我打唔打, 佢再補充話生完蛇之後五年內的復發率只大約5%左右, 而且我只不過剛過了大約一年。藥廠叫人生完蛇至少要半年之後才打得的。所以我都回說唔打住, 過多一兩年等過晒氣之後, 再諗打唔打。
現在覺得似乎 "快行" 比較適合我, 話晒都幾十歲, 體力和關節等都可能頂唔順劇烈的運動。
我邊會亦唔識搞咁多嘢架, 哈哈。現在朝早去行下都算係應卯而已, 行完有時間就做多一陣全身頭手足身的活動, 求其郁下, 等冇咁易扭親。
今天剛收到詩人主任的詩, 其中兩句夫子自道：
刪除廉頗老矣不堪看,
一夜三遺更漏殘。
主任之夜遺, 想由腺體增生所致, 至於三遺之語, 應不必當真。 :P
而此遺亦斷非貝戔工之遺也!