驗身記
由於經濟欠佳, 政府這幾年財政緊絀, 赤字頻現。慣於幫人開刀治病的醫療體系亦難免要讓政府開刀治一治 ~ 削減龐大的開支。
其中一項是關乎每年的體檢最近有些改革...
一向全民可以每年做一次 "標準" 的例行身體檢查, 現在要經由家庭醫生決定是否需要。
早前知道醫務所在年初取消了全部已經預約的年檢(我還未約得到)。上月往取藥時, 順便問白袍老友究竟是否政府取消了每年的身體檢查, 以後都冇得做了。他解釋實際情況是由政府交波給家庭醫生, 由家庭醫生把關決定誰人有需要做才讓他做 ~ 譬如廿零歲咁後生的, 一般實在不需要每年慣性例行檢驗; 至於有需要的亦可以隔長一些時間才做一次。若覺得有問題, 平常可以先睇醫生, 由醫生決定如何跟進。
白袍老友笑說最近遭病人因此而向醫療管理機構投訴。我就覺得目前的措施合理, 以前反而是被一些人濫用了這個制度。
問心說, 自己算惜身
"四月十六號喇..."
衝口而出: "出年呀? "
哦.........(
前夕, 同大人去食上海館, 特別食多啖飯; 晚上10時許還整多半杯奶茶...咁就一路捱到翌日至少十點鐘後才食得嘢架罅...。
先由姑娘磅重度高、量血壓和抽血, 抽血時我擰側了面冇眼睇
到見白袍老友。病歷資料已輸入了電腦, 現在佢一目了然。一邊睇電腦, 一邊問生活上的健康相關細節和習慣; 總係回到運動這方面...
臨走老友還給我一個 "大錦囊" ~ 是個回郵信封, 內有三枝雪條棍及一排的三塊紙 "板" , 以及使用說明.....拎番屋企自己再做...。
下星期一返去睇報告...
-------------------------------------------------
五美具
一美 ~ 字
大人收工先到圖書館走走
在一本雜誌看到書法家啟功先生的書法作品...筆法自成一家
發覺寫漏了一字(?)

二美 ~ 花
去完圖書館, 在超市見這盆應春花 ~ 杜鵑(?)開得甚美, 躑躅、觀賞...
曾心郁想買, 惟先看看價錢 ~ 嘩, $29.99
影張相...睇吓算咯, 反正我地係生蟲手指

三美 ~ 景
天氣暖和且陽光燦爛
離開餐時間尚早, 不如入去行下練陣功...




登泰山而小天下, 登此丘而小己


看見這個籃球場, 神馳到差不多半世紀前, 自己經常在卜公花園打籃球時的場景 ~ 幾乎一模一樣


四美 ~ 食









五美 ~ 人
呼之欲出, 心照不宣...
且看可否博得一笑和一餐
多年前,三聯書店(?)替啟功先生出了限量版千字文卷軸,我都買了一套,納於金絲楠木盒內,有編號0架
回覆刪除[版主回覆04/19/2013 17:12:14]你尐還在書架, 得閒重可以拎出嚟觀下摩下...
哈, 我的那些文房四寶、碑帖、書法字典等等, 已經見捐, 過晒戶畀廚神的老公多年了...
他們兩公婆一起跟的書畫老師仙遊後, 興趣亦似乎淡了下來...
[shadow回覆04/19/2013 15:00:32]二玄社的碑帖我都有一叠 咪又係堆喺書架囉....
[版主回覆04/18/2013 16:03:25]多年前千幾蚊好貴架罅; 我只買過些少二玄社印的那些名碑, 好像當時(也是好多好多年前了!)也不怎樣貴(?)
早幾次回港返大陸時, 買過一本上海書畫出版社出的啟功先生 "書畫絮語墨迹" 印帖, 一方面看字, 一方面看所寫的內容, 價RMB$20而已...
[shadow回覆04/18/2013 15:15:28]現在只束諸書架,拎出睇怕尐貓破壞呀...
[shadow回覆04/18/2013 15:14:15]據說明話,係用XX(忘了)印刷,我諗係印得精細尐、靚尐啩。只係一千元多尐,唔係貴嘢。
[版主回覆04/18/2013 14:55:33]嗯, 珍貴書法庋藏...需銀...?
最欣賞都係景同食呢兩美......
回覆刪除[版主回覆04/18/2013 16:10:51]MISS專注欣賞一二, 我就略為貪多務得...
雪條棍用完又可以用來食雪糕
回覆刪除[版主回覆04/22/2013 12:53:31]若無心理障礙, 一邊用完, 都可以用另一邊食雪糕的...
[肥M回覆04/22/2013 12:15:08]雪條棍用完又可以用來食雪糕
[版主回覆04/19/2013 10:08:41]不如我用完再加尐料, 整條香蕉雪條你歎...如何?
杜鵑-老一輩唔會放在家中。禁食>驗身>大擦一餐。我每6個月要做一次。有時,反問醫生,本來只係一種普遍長者慢性病,食藥後有幾種副作用,點解要開俾病人食?
回覆刪除[肥M回覆04/26/2013 14:47:56]現在3-4個月才覆診.以前每個月覆一次,提早一日抽血.
[肥M回覆04/26/2013 14:45:38]無問題,只係幾種去瘀中藥要禁-田七,玄參,當歸.....
Pradaxa110mg. 以前食華法林-連木瓜都要禁.
[版主回覆04/23/2013 12:39:45]自費新藥連多食蒜頭都唔怕?
[肥M回覆04/22/2013 17:52:42]老一輩認為杜鵑泣血,唔好意頭。
香港醫管局現在好多藥要自費,開一隻華法林,我服食後,好疲倦,又要禁食成百種食物,每個月覆診日>要抽一次血。
我問醫生有無其他藥可以代替?有!自費$千幾蚊一個月。改藥方後,身體無受咁多副作用,唔需要介口,半年驗一次血。
[版主回覆04/22/2013 13:04:55]"杜鵑-老一輩唔會放在家中" ~ 是因為意頭唔好?
香港的醫生賺埋藥, 有時尐藥是否真正需要可能有商榷餘地。
呢邊醫、藥分家, 我嗰位白袍老友肯為病人設想, 佢會在病人使唔使食藥、要食食邊種藥冇咁傷的問題上, 兩害相衡取其輕...。
Sushi is always a tasty meal!
回覆刪除[版主回覆04/23/2013 02:52:37]總係為食, 久不久就去食餐!!