今晚 "慣常" 上網, 四處磨蹭; 無聊...
忽然記起早兩天收到寵物會的電郵, 今天轉播澳洲的海外賽事, 即管入去望下... 順便睇下星期日淨番幾多本錢...
見就快跑第2場, 手痕...
不知頭, 不知路; 唔識馬, 唔識騎師; 單睇賠率烏烏下亂篤!
哈哈...自己都覺得好笑, 咁都掂
! 篤著的雖只是朱義盛, 相信唔夠 "執" 個坑渠蓋咁值錢(?), 但都樂得一陣... | 8944 | 23-02-2013 11:37 | 海外賽事 星期六 | 連贏位置Ｑ | 2 場 1 無敵先生(澳) + 4 奔騰佳駟(澳) $10 | $20.00 | $55.50 |
唔理多少...有得中就好...
回覆刪除[版主回覆02/23/2013 18:23:49]MISS所言極是!!!
海納百川, 有容乃 "大"...
多少唔拘, 好過輸埋完全冇水到,濕都唔濕下吖!
咁熱既?咁都有引?我有睇場女騎師贏嗰場,女騎得幾醒.
回覆刪除[版主回覆02/24/2013 12:01:21]無聊、爛賭, 興之所至...; 平時跑呢啲海外賽事是不會參與的, 因為始終都係 "隔" ...
係著燈Q, QP; 不過只中條QP; 己經唔係大熱嗰瓣架罅。
我係賠率派, 完全唔識咪當六合彩咁買囉...不過中咗都得啖笑。
現在即場只能聽, 無得睇, 少咗以前睇住跑的樂趣了。
盲公竹唔會篤錯路。
回覆刪除[版主回覆02/24/2013 12:13:44]總廚午安! 忙裏偷閒...?
我只是條 "毛" ...
睇過賠率至買，都唔算亂篤了
回覆刪除[版主回覆02/25/2013 09:27:23]哈, 連隻馬係公係乸, 適合跑乜路程, 是否得三隻腳跑得等等都毫不知情哩...
大兄經驗老到，大眼一瞄，一陽指條件反射....
回覆刪除[版主回覆02/25/2013 11:27:07]輸錢的教訓和經驗的確不少..., 日子有功, 望吓賠率有時係會多少有些 "直覺" 的;
即便如此, 選擇的瓣數仍多, 買時斷估, 輸贏則由天了...