莫測

冬至一陽長...; 近日愈來愈早天光。
隆冬時送大人返工, 路上仍是漆黑一片...


今天接放工時天色甚好

可現在...雨雪交加, 明早又要慢慢揸
嗯, 個市似乎同天氣都差唔多咁款...





早啲收工瞓覺也罷! 
養精蓄銳...



-----------------


續記...
(HKT 27日下午八時許)


昨夜落到今朝,  雪又多又濕, 剷都剷唔切...
路面都一堆堆雪, 難行 ~ 有時要左閃右避, 迂迴繞過行車線上的雪堆 ~ 又要睇雪, 又要睇車, 又驚(先刂)胎 

濕雪比鬆雪重, 這些雪堆的 "密度" 亦較高; 若是在家居的車路自己落手落腳剷這類濕雪, 肯定辛苦好多...
今午大人學校範圍四周都堆積了高與人齊的雪, 隱約可見大型剷雪車的雪剷形狀

雪 "花" ; 另有一番景致

眼看...

它床塌了...


早兩天坐在床尾穿襪, 忽然一聲響, 隨床褥塌陷, 坐低了幾吋!
剛好是假期, 大人都在; 於是兩個夾手夾腳搬餐懵, 看個究竟; 原來下面有條 "陣" 斷了。
一向對家居維修之類乜都唔識, 頭痕!

好在大人交遊廣闊, 有同事老公做裝修行業, 向其求救。
今天拎條爛木方返去做樣板, 請開三條新的替換原來已內傷的舊嘢...


收工去工場攞
在後欄等一陣都冇時定,  喺度練平衡

開了三條一樣大小厚薄的新木方

還請做多兩個座地的木方承托

食完晚餐回來, 裝嵌番好張床, 看看頂得幾耐...

......

後記 
(HKT 27日中午...)

不堪長期壓力 木猶如此...
鑑之, 慎之!

---------------------


她宴餐客...


大人今天出糧, 自動自覺話請我食餐。

同隔離枱一比, 自慚胃細
佢哋六女一男, 馬尾大姐叫嘢食的氣勢, 令我哋兩個耷低個頭, 噤若寒蟬, 你眼望我眼(想笑)...真個天外有天...　
...幾乎樣樣都二、三、四十件..., 連炸南瓜、芋頭一大籃, 點食呀...???
佢哋遲嚟好多, 我哋差不多食完, 否則真想坐耐啲, 看看佢哋食唔食得晒...

另外後面一枱, 得三個有番咁上下年紀的客人, 叫了十杯杏仁豆腐花 ~ 咁好食咩?
於是自己都叫個試吓, 哈, 不過 "爾爾" 啫...

---------------------


它塔塞了...


回來; 大人投訴去水慢......真大鑊。又用泵又屈鐡線...但都似乎其效不彰。唯有一邊E手E腳搞,, 一邊拉多幾次水...
諗住唔掂就明天買個專泵廁用的泵回來看看如何...
搞搞吓, 過晒鐘開工...




它早前起高樓, 今日樓塌了......

幾時再起更高的朱樓...?!

元宵

剛才的消夜...

亂篤

今晚  "慣常" 上網, 四處磨蹭; 無聊...

忽然記起早兩天收到寵物會的電郵, 今天轉播澳洲的海外賽事, 即管入去望下... 順便睇下星期日淨番幾多本錢...
見就快跑第2場, 手痕...
不知頭, 不知路; 唔識馬, 唔識騎師; 單睇賠率烏烏下亂篤!

哈哈...自己都覺得好笑, 咁都掂! 篤著的雖只是朱義盛, 相信唔夠 "執" 個坑渠蓋咁值錢(?), 但都樂得一陣...

8944

23-02-2013 11:37

海外賽事 星期六

連贏位置Ｑ

2 場    1 無敵先生(澳) + 4 奔騰佳駟(澳) $10

$20.00

$55.50

今週一勞

雪櫃空空如也, 大人為了帶飯, 今日都要煮番餐杰嘅。


放工巡埋超市才返歸, 見蟹稍平又大隻, 臨時加料。
今次有橡筋箍住雙拑, 而且原隻蒸, 只同佢洗擦即可 ~  大人輕鬆搞掂。

飯前食先...
現在才勞動我的手指 ~ 拆蟹, 自然安全好多 ; 今晚冇炒蝦呢味餸, 否則...
我一邊拆、一邊飲、一邊食、一邊輸送...;  大人繼續煮, 久不久就擘大口

兩個人飯熟前食晒啲爪、拑, 我搞掂埋蟹蓋啲膏, 自己已差不多夠皮。
蟹身拆落嚟的還有一堆

呢堆重多

扒多大半碗飯, 飽飽...

初八兩局

在廚神家團拜之後本來以為簡單了事, 可是廚神大伯一向客氣好禮, 又特別約了今天上嚟寒舍...。

人家咁好禮, 自己豈能怠慢, 張羅買定啲酒、食, 開定枱麻雀恭候; 並叫廚神訂枱晚上食飯。

這兩天又凍番好多, 佢哋由屋企嚟要揸個幾鐘車程。

嘩, 又拎枝嚟, 見我以前同佢哋係咁隊? 唉, 都今非昔比罅...

團拜一次過搞掂, 大人諗住今年可以慳番執拾啲功夫, 哈, 點知人算不如天算...
平時張枱甚少人氣, 堆吓堆吓嘢, 日子有功, 邊有咁 "整潔" 吖?

講咗開完枱同大家去食飯, 佢哋就堅持話要抽多少水...無所謂喇...
一邊打、一邊飲、一邊食、一邊嗲...

三個男人都飲兩溝 ~ 健力士生啤溝喜力
買了 3+6, 只消耗了 2+2 ; 不過黑啤比較大罐, 幾乎是一開二;
哈哈, 剩番的我慢慢歎
酒飲得唔算太多, 但盒牛肉乾食吓食吓就冇晒, 大伯好鍾意食...

終於今戰抽水抽了三十幾蚊, 大人又贏了廿零蚊 ~ 哈, 果然應了網友昨天的口彩, 發了些新年財, 多謝德肋撒 !

又係去上次間荔枝灣食飯; 食過幾好, 諗住介紹畀大伯試吓
今日星期日, 要分兩輪時間訂枱, 我哋訂六點
點菜...點了兩、三樣都話冇 ~ 鵝乸煲冇、上次的西關荔枝雞冇(上次都說要訂的), 鱔又冇例牌, 要成條叫...我哋冇上次咁多人喎...
終於老細揀了條比上次較細的鱔, 唔夠五磅...OK喇, 一心想大伯試吓個雙金燒鱔, 別處未必吃到...
差不多都係上次啲餸, 因為食過唔錯, 而且大家都啱食

辣子炒雞 ~ 唔辣乜滯, 我都食得掂, 不過唔知關唔關呢味餸濃味的事, 食食吓忽然發覺條脷又有個血泡...

娃娃菜

有得幾個人, 幾乎例牌叫嚟食

上次六磅, 今次差啲五磅, 今次似乎重多啲...
大伯及其夫人都十分欣賞個雙金燒鱔

又扣肉汁, 又蒸鱔汁...
啲飯嚟完一個又一個, 當然我最捧場喇...

南瓜糖水
一晚銷咁多南瓜, 大把下欄做糖水...