今天請廚神夫家闔府吃飯, 事前的節目當然是先玩幾圈聯誼。
喺咁意執拾吓啲地方, 張枱少見咁整潔
準備定茶杯及雀枱
買定些豬肉乾、腰果及啤酒...。
在我是違禁品, 平時不備---妹夫幾兄弟喜歡的伴雀妙品, 當然要買啲奉客。
下午腳齊, 埋枱打落輸多少, 唔見近四五十蚊。打完四圈無心戀戰, 換大人玩陣, 佢贏了些少。
訂枱時間六時半, 打到六時一刻, 剛剛完場, 嗱嗱聲走人一齊去食飯。
酒家十分旺場, 咁早已座無虛席, 好在訂了地牢, 比較清靜。
之前預訂了幾樣飯菜...糯米雞、龍蝦、鵝掌、煲仔飯
糯米釀全雞
5磅龍蝦
一隻三磅、一隻兩磅; 此箝都頗大...
龍蝦膏蒸蛋
北菰蠔汁扣鵝掌
腊味煲仔飯
上湯浸焦
當然唔夠, 即場再點...冇羊腩煲(收季), 又冇蠔(舗頭訂了漏單?)...
生炒排骨
驚唔夠食, 要了個中碗...終於食唔晒...淨係呢樣咋
班尾
嘩... ...隻雞好唔好食呀?
回覆刪除[版主回覆04/11/2011 12:21:00]糯米雞同埋鵝掌最正, 稍後若然夠人多, 搵機會去安哥... 同老闆娘傾了兩次電話, 居然當我是熟客(?), 打了九折畀我...
比個九折你...又氹到你再幫襯...老板娘緊識做啦...
回覆刪除[版主回覆04/11/2011 13:43:00]老闆娘勝在交帶好傾, 抵佢間嘢咁旺場。佢有少少似阿楊生間公司個歌星... 下次未必有九折架喇...唔通次次同佢傾幾次電話咩? 佢識做我都識做, 畀多了些小費..., 退番啲著數畀佢/伙計...
你請下我我請下你...大家飲杯﹗
回覆刪除[版主回覆04/11/2011 14:13:00]來而不往, 非禮也...
回覆刪除That is tasty looking, like that!!!
[版主回覆04/12/2011 01:47:00]腊味以在外國地方的水準來說, 這碟已頗不錯, 成碟清晒---我自己偏愛吃潤腸。 全晚就以糯米雞和鵝掌最出色。
致卜主：
回覆刪除嘻嘻！有否想要些什麼契細佬或契細妹
因我都想有個咁嘅大佬，會 請闔府吃飯 ,
我 OK ！精靈活潑、刁鑽古怪、精通多國省府方言(foul languages only)、牙尖嘴利和女紅廚藝編織，絕不遜色任何人士，而且諳熟三國演義、孫子兵法等等等........
祈三思！祝願於此
[版主回覆04/12/2011 02:10:00]誠覆米高網友: 哈哈! 有否記得Kennedy那篇總統就職演辭的名句... 不問廚神吾妹(夫家)平日如何不時熱情招呼饞人黐餐, 滿足饕餮口慾, 而祇羡問今餐, 總統名句不禁浮現腦際; 也不禁想起了 "木瓜、瓊琚" 二物---請勿誤會, 並無自矜之意：是人家投我以瓊琚, 自己僅報之以木瓜... "匪報也, 永以為好也!" 小姐何祇OK, 簡直出類拔萃! "精靈活潑、刁鑽古怪、精通多國省府方言(foul languages only)、牙尖嘴利和女紅廚藝編織，絕不遜色任何人士，而且諳熟三國演義、孫子兵法等等等........" 小姐口齒伶俐, 網上領教多端。雖然有時觀點各異, 略派所說理不勝辭 , 亦堪誇人中之鳯; 相比之下, 自慚鄙陋。很榮幸小姐紓尊降交, 惟望間爾枉顧篷BLOG歡談幾句, 得領教益足矣。
嘩!你兩個講啲嘢,我唔識既,睇到似啲鎚仔,鋸,鉗,士巴乸,大鎚,抛來抛去咁,又似六國大封相,又似三國劉關張打到七彩,睇到我暈囉
回覆刪除[版主回覆04/12/2011 09:10:00]乜今日咁早起身, 冇賴床咩...
阿大又有好嘢食,喱間嘢好正啵,好有水準,由其生炒骨,隻糯米雞又係,好嘢,口水流
回覆刪除[版主回覆04/12/2011 09:25:00]呢間嘢水準的確幾好, 所以鬼咁多人, 今餐係味扣肉略差, 瘦的部份稍鞋...
阿大...早晨呀... ...睇落d臘味都唔錯...
回覆刪除[版主回覆04/12/2011 10:10:00]美中不足, 係少了些靚腊鴨...
咁好世界，客滿！ 睇見龍蝦＞ 龍蝦膏蒸蛋＞ ＞話之佢－高胆固醇。
回覆刪除[版主回覆04/12/2011 18:31:00]星期日晚一早爆到七彩, 去到停車場已一位難求, 唯有偷雞泊過隔鄰商場(規矩不合)... 龍蝦膏一人少少, 食完跟住食番三兩餐清啲囉
阿大...早晨呀... ....我唔係咁鍾意腊鴨....都係膶腸好d...
回覆刪除[版主回覆04/13/2011 10:42:00]MISS早晨!! 基本上我乜都食, 至鍾意是鴨膶腸... 始終都係香港啲好食!
人中之鳯 ，即係 = 雞, 又或者就係嗰隻糯米雞
回覆刪除我骨碌碌，怕你啃唔落
[版主回覆04/14/2011 00:53:00]咁人中之龍, 即係 = 蛇/蚯蚓咯喎? 你要將鳳自貶作雞, 我都無話可說...
初初睇錯「蝦膏蒸蛋」
回覆刪除想落應唔錯喎
再睇真 d
喺「龍蝦膏蒸蛋」
簡直唔錯到極啦
但我吃完恐个頭会發發声喎
[版主回覆04/18/2011 13:56:00]簡直唔錯到極啦 . .. ...吃完恐个頭会發發声喎 若然食完反應係咁, 重要去食, 簡直..唔 ... 錯到極啦 !