加國饞人: 12月 2010

2010年12月28日星期二

聖誕中西兩餐, 賭場有食無宿

晨DEAL俠侶在瀑布賭場酒店訂了兩個房間, 三日兩夜, 一家人在裏面歡度聖誕

。

大人很想在BOXING DAY看看那裏的OUTLET有沒有平靚正的減價貨品可掃, 一早報了名參加。假期無股可睇, 我自然樂意陪大人一行

。不過25聖誕日廚神叔仔邀請我們去他府上食聖誕大餐, 一向對賭場的玩意興趣本來不大, 26購物才是主題, 早早入去未免覺得有點無聊。所以決定應邀食完聖誕大餐之後

, 翌日26晨早才入去酒店匯合--- 一齊逛完購物商場之後, 食埋晚飯, 我們自己走先, 不留低過夜了...。

且先說25日廚神叔仔請的聖誕大餐, 乃其正在攻讀西餐課程的公子學以致用、精心炮製之作。

既是正宗科班出身, 當然功架十足, 似模似樣。

下午小食先來個煙三文多士; 晚餐餐湯是葫蘆瓜濃湯、主菜是牛柳焗釀龍蝦。那些伴餐的配菜和跟汁毫不馬虎, 執得很正...。甜品是生果伴意大利米(?)

可惜當日諗住過府作客, 無帶相機...。

>>>>>>>>>>>>>>>>>>>>>>>>>>>>>>>>>>>>>>>>>>>>>>

26日晨早坐巴士入賭場...

衝完一輪店舖, 大人略有斬獲...為免稍後我們搭車出來拎得辛苦, 戰利品先行寄存在侄女車上, 今天才跟車出來...。樂見大人心願完成, 夠鐘開餐去也。

羊腩煲

蜜豆豬頸肉

瑤柱豆苗

大雜燴

大蟮煲

中式牛柳、粟米班塊

2010年12月22日星期三

聖誕快樂

祝各位網友聖誕快樂 !

2010年12月20日星期一

搭單做冬

廚神家昨天提早做冬, 叫埋我哋上去做節...

幾日前佢地買了條蟮, 人少祇食了一半; 特意留番一半今天食, 以饗饞人, 有心之至...

豬耳、豬腳、大腸、牛筋......都是鹵水拼盤的其中材料

紅酒當然不可少; 今回還有中、加兩邊跑的友人夫婦攜來祖國名釀...

似乎每次都必為靚仔整呢味燒排骨

靚仔圍坐的圓桌

看看餐前擺開的陣勢, 可知廚神夫婦的功力(由朝早開工...)

中間還有碟有皮有膏的炆羊肉

極少喝國產名釀, 今回當然要趁吓熱鬧;

酒精濃度高達53%...

已經孭緊簿不宜飲酒, 且下星期初要驗身, 食完飯又要揸車趕返屋企, 於是祇敢試少少...
幾乎是逐幾滴咁入口

。據客人說, 他們在大陸隊酒是一樽樽咁飲的...
碟蟮特意擺在饞人位前, 個人食了幾乎四份之一, 哈哈!

廚神出品, 洵屬佳味。今餐認真和味, 吃得飽飽。祇是過兩天驗身, 那些膽固醇高卻是饞人喜愛的餸就唯有淺嘗輒止了, 未免有點兒可惜。飯後稍坐, 未盡談興即要告辭歸家---約了侄女夫婦來看看部NOTEBOOK為何上唔到網---有點不好意思。

2010年12月18日星期六

又到聖誕

大人...

, 因為今天開始放聖誕假期了; 不過我就開始冇咁得閒咯...

假期前夕搬屋咁搬嘢番屋企...

學生(家長)的心意...

品類繁多...有COUPON、酒、潤膚品、相架、毛巾、糖餅果仁...甚至香港名牌XO醬都有...

2010年12月13日星期一

新玩具

目前使用的一部DESKTOP電腦已是幾年前的產品---雜嘜的減價貨---那時貪平又覺得自己祇用來上網及做些簡單的文字處理及EXCEL等工作, 已經足夠有餘。

一分錢一分貨, 用了不久, 個MON已經開始不大穩定, 風扇亦壞過..., 而且似乎愈用愈慢。自己是電腦盲, 人又懶(又懶又蠢, 無得救!

), 一有些甚麼問題, 就要四處找高人求救, 人家不煩, 自己都先覺得煩了。(再向被我煩過的網友

..., 深致謝意

!!)

常想買多一部LAPTOP, 以防萬一---部DESKTOP幾時突然跪低, 都不用企響度, 妨礙搵食。而且LAPTOP有需要時可以帶出帶入, 比較方便。

姪婿早前買了一部10"的所謂NETBOOK(?), 我嫌稍細。

趁最近好些機稍為減價, 選中一部12" 的HP。部機的特色是可以TOUCH SCREEN控制、個MON可以旋轉甚至放平、可以手寫英文數字、用指紋LOGIN...。哈, 好似幾好玩...