轉載《經濟通通訊社１６日專訊》
身兼臨時最低工資委員會委員的大家樂集團（００３４１）主席陳裕光接受傳媒訪問時表示，目前大家樂的平均工資水平是２２至２３元，如果加１０元至３３元，相等於工資成本增加約４５至５０％。現時該集團薪金成本佔營業額大約２２％，如薪金比例增加一半，薪金成本佔營業額則上升１０至１１個百分點，剛好抵銷集團一年所賺的１０至１１個百分點。他續指，如果最低工資設在２４至２５元，工資成本增加１０個百分點；如果２８至２９元，則會增加２０個百分點；至於中位數的２７至２８元，他指集團應可應付。
他又指，飲食業競爭很劇烈，該集團不會輕易帶頭加價。他相信如果社會認為最低工資是公義的，市民不會介意承擔價格上漲。他承認，設最低工資水平後，經營難免更艱難。
>>>>>>>>>>>>>>>>>>>>>>>>>>>>>>>>>>>
按
資本家何祇人材出眾(不識其人長相
, 僅指其所經營的生意業績頗佳, 年年賺錢, 十年以來, 股價由$4-5元升至$19; 足證頭腦靈活及手段高明 !), 更加說話玲瓏...。聞弦歌知雅意, 稍後食快餐又要貴D咯...
淨係識同自己計數，唔理最低工資夠唔夠生活。
回覆刪除[版主回覆08/16/2010 22:28:00]嘿, 咪檔嘢咁掂咩...
貧者愈貧...富者愈富...
回覆刪除[版主回覆08/16/2010 22:32:00]這個社會現象於今尤烈...
They are there to make $$$$$$$
回覆刪除[版主回覆08/16/2010 23:23:00]甚至無所不用其極!
貴咪貴
回覆刪除最多唔食
唔幫襯佢
返歸食麥皮
奸商
只要自己富貴
唔理人哋死活
[版主回覆08/16/2010 23:53:00]他的潛台詞是你班友要求社會公義, 設定最低工資, OK, 成全你哋, 不過遞日我要加價你哋就咪嘈嘞( 多數借機賺多D添)。還有, 這是你哋自己攞嚟的、唔關我事的...那種風涼說話的況味溢於言表, 並予人以語帶威脅的感覺...
哈,哈!益咗啲商家,有值口,開定口加,加,加.
回覆刪除[版主回覆08/17/2010 10:20:00]其實佢哋為了追求 "理想" 盈利, 到時到候都會加價, 現在更要佢哋增加經營成本, 於是成個陣營都呱呱嘈...
話時話, 他的論點在一堆人面前, 我反對得最大聲.
回覆刪除不過, 自己問自已, 佢都唔係冇道理. 水漲一定船高. 水一定係响船嘅食水線之下, 永遠超唔過條船.
回想60,70時代, 大量大陸難民到香港, 應該係香港嘅沉重負擔. 惟卻是難民們不計工資, 有工開就得. 就係咁, 提供了大量平價勞工.引得大量投資廠家到來設廠. 經濟大旺. 個個生活開顏. 工作等人, 人人有工開.
後來就係乜乜工會, 乜乜頭領為工人爭取福利......爭取乜爭取物 .OH! 廠家頂唔蒲, 走人, 遷廠...........香港瓜得. 而家重加埋D幼稚黨派............唔使幾耐, 香港人就要偷渡返大陸..........!唔出奇!
[版主回覆08/17/2010 11:36:00]見到商家陣營一聽見"設定最低工資" 就色變, 紛紛表態, 同一口徑, 期期以為不可...; 實在不以為然啫。 那些財閥僱主在香港搵了不少錢, 苟能在賺大錢之餘, 酌量照顧一下基層的生計, 亦未必蝕底得晒的呀。要他們自動自覺主動咁做既難, 政府應該做些少嘢...
回覆刪除唔食佢 d 嘢
咁買佢股票
掂唔掂呢？
[版主回覆08/17/2010 11:39:00]可能會追寶尾了... (你都唔幫趁咯... )
最低工資愈高, 低層生活愈困難. 呢個係定理.
回覆刪除社會上大公司雖然揾大錢, 可以加得起人工, 不過小公司會生存因難,
大眾將對大公司的怨氣, 一竹蒿打落小公司度, 就可能得不償失.
政府應該想辦法增加就職位, 而並非最低工資. 外國可以, 因外國抽重稅, 以備國家養無工作者.香港未得. 不能學一D 唔學一D. 有完善社會保障機制才可以. 不過, 睇情形, 先進國家的社會保障亦係毒瘤一個. 後患無窮!
人工高, 人工不隨供求調整而立法規管係職位流失的主因. 不要祈望大公司發好心, 呢D係不設實際的幻想.
[版主回覆08/17/2010 13:16:00]事情總是有利有弊的。加拿大都有最低工資... 不知道如今香港市面的一般時薪是多少...? 做一個鐘夠唔夠去大家樂食個平的快餐? 最低工資愈高, 低層生活愈困難. 呢個係定理. 能夠怎樣高法? 聽聲氣相信香港都不會高得去邊嘞卦? 外國可以, 因外國抽重稅, 以備國家養無工作者. 加拿大攞失業救濟金(哈, 唔係養無工作者!!要做過嘢, 並且做夠一個時數, 暫時失業的先有得攞, 頂住一陣架咋, 我就攞唔到!!!), 以前祇可以攞半年, 現在長多少, 好像是大半年... 人工高, 人工不隨供求調整而立法規管係職位流失的主因. 不要祈望大公司發好心, 呢D係不設實際的幻想. 規管的是最低工資, 之上仍有許多許多空間和彈性的。 若然好多人肯做都生活唔掂的話(得十蚊/十零蚊一個鐘?), 尚不能養自己, 重衰過攞綜援, 那麼我就覺得是有問題囉...
與虎謀皮不如退而識布.....!!!
回覆刪除[版主回覆08/17/2010 13:18:00]看來所謀未必落空, 祇看幾大 "忽" ...
所以就係供求問題. 並非規管
回覆刪除香港不同國家, 而亦標傍自由市場. 你不能一邊要資本, 一邊喊共產.
問良心, 香港真係一個天堂. 就算係窮人都唔會餓死! 我响紐約都見到大隻累累執垃圾桶揾嘢食.
回覆刪除大家樂一份餐都唔平。 員工服務唔錯，大多數請中年人士。加人工啦！
回覆刪除[版主回覆08/17/2010 23:10:00]常說甚麼甚麼社會良心、社會責任、分享經濟繁榮的成果..., 酌量加少少, 都不為過。