聖誕宿一宵...BOXING DAY

早前見聖誕無股復無馬, 遂安排與大人24-25日入賭場度宿一宵。

24日中午出發, 大巴士上冷冷清清, 去到賭場亦與平日的墟冚場面大相逕庭。佳節當前, 這也難怪。

樂得沒那麼擠擁, 我們就如塘邊鶴般四處 "企吓哄吓", 喜歡便隨意在某張枱玩幾舖...。大人獨孤一味老虎機, 大把機任她揀、任她玩。優優悠悠, 小注怡情, 我覺得方是消遣之道。不過美中不足之處, 是賭場是日將最低投注額提升, 焗賭大D之意昭昭。


賭場特別在節日送與住客的精緻朱古力禮盒

難得一見......

......上次在港與故舊一別, 瞬近三秋。 幾位故人一向時有關心問候, 近日說起常有小恙, 姑且破戒報個矇矓委糜頹樣...

近來日日藥丸送飯, 略覺腸胃欠佳, 不想吃自助餐, 改吃中菜

晚飯之後, 賭場己見愈夜愈多人...


>>>>>>>>>>>>>>>>>>>>>>>>>>>>>>>>>>>>>>>>>>>>>>>>



BOXING DAY...

聖誕快樂!

大人今年一手一腳炮製的傑作。

借花敬佛, 在此祝網友...

聖  誕  快  樂 !

閒扯

近幾天身體又有些不大舒服, 懨懨悶悶。

天殘腳不知如何, 近來總是時好時差, 難捨難離。斷斷續續的吃藥, 都吃怕了

。

前兩晚更加攞黎衰, 吃了些早前見又平又靚、唔怕C而買來吃的富貴杮...。

所謂唔怕C, 事緣早幾年一次回港已有前科。有餐吃粥之後再吃杮, 半夜竟然肚瀉不止。瀉足日幾兩日, 終於要睇醫生收科。於是懷疑自己腸胃對杮敏感(即所謂濕熱?), 自此對杮頗有戒心。雀戰那晚和舊同事出外吃得稍為肥膩, 回來再吃了半個杮(已不敢多吃!)。嘿, 睇機之時, 開始覺得周身唔舒服, 胃悶、肚谷、發冷..., 知道唔掂, 連忙機也不睇, 和衣走去擁被攤抖, 睡了一覺, 總算捱過。不過目前肚子仍然時有絞痛, 總是不爽...; 看來今天又是時候往探望白袍老友...。


>>>>>>>>>>>>>>>>>>>>>>>>>>>>>>>>>>>>>>>>>>


早前網友問這邊是否有大風雪。

氣象台早前已預告前晚會有一股雪暴從美國吹上來, 我們已有心理準備。雪下了整整一個晚上, 臨天光又聽見對面社區中心那些剷雪車開工, 在倒後時不斷發出的 "嘟...嘟......" 的熟悉聲音。

昨天天未光送大人返工, 雪仍下得很密。小街積雪仍未開始清理, 車走在其上, 輪胎咬地奇差, 感覺仿似行船。自己一向沒換雪胎的習慣, 只以技術搭夠...。

剛才拍的照片。
經過一天, 周圍的積雪基本上已清理好...。今周餘下時間似乎可以喘一口氣, 不過, 據說下周又黎過...

>>>>>>>>>>>>>>>>>>>>>>>>>>>>>>>>>>>>>>>>>>




以為昨天會有運行, 原來實際只是差強人意。

有隻揸了多月、博炒的一隻毫子股, 沽出賺了一轉兜回之後, 就輾轉下跌以致反而要入肉。死牛一便頸, 不為所動, 一於守株待兔。早陣在低位徘徊多時, 近週又突然炒高幾日......隨後停牌。忐忑不知是禍是福, 卻原來是有收購行動。昨天復牌趁好消息大幅升了毫幾, 跌市之中, 登上了升幅榜前列。不敢怠慢, 當然先行沽貨獲利, 尾市果然回軟; 貪心又買番多少, 再等炒多轉..........。

至於愛股昨日尚挺得住, 其餘就乏善足陳。




>>>>>>>>>>>>>>>>>>>>>>>>>>>>>>>>>>>>>>>>>>


HKT 11/12 10:32 am
後記

白袍老友終於收到H1N1流感疫苗, 今天順便打了。

姑娘強調針口今日唔痛就明日痛, 這個我不擔心。哈, 曾經痛風難為痛(不過據說痛的程度, 生孩子是數一數二?), 自己痛風發作之時, 碰到痛位那種攞命痛法, 真不足為外人道, 難道還怕那區區針口之痛?!略覺不安的是, 有人對疫苗的各種嚴重反應...。

知我腸胃欠佳, 大人提議煲粥食, 於是預先煲定粥, 睇完醫生去買魚及其他。

兩磅幾的青班......投大人所好, 有大食大, 食唔晒寧願留番第二餐

油炸鬼、腸粉、豉椒牛肉炒麵

白袍老友換了隻藥, 藥房的配藥小姐交帶要食飽些...(當然食唔晒喇)

就住黎食

今日食神駕到。

廚神吾妹夫婦早兩天甫從美國探完朋友/購物(感恩節大減價)歸來, 饞癮即起, 今天叫我們去她處打邊爐。有得食當然欣然應命。

早前周身唔掂, 影響了胃口, 已有好一陣無心思食。雖然天殘腳仍有威脅, 就住黎......食多D菜都唔怕卦?!...



今餐以海鮮為主...

乜野黎?..................廚神自製的魚麵

初戴口罩

昨天家庭日, 照例上弟弟處開枱。

原來弟弟早幾天中招, 病到五顏六色, 發燒、咳、喉嚨痛, 週身唔掂(=???, ), 剛吃了兩三天抗生素...。

早前自己感冒纏身, 一波接一波, 實在聞FLU色變。雖然剛打了感冒針, 不過, 我和廚神吾妹都齊聲要求弟弟要戴口罩上陣、洗完手方才埋枱交手, 以減少傳染機會。 穩陣起見, 自己也索性取了一個口罩戴上, 同時緊記避免摸面的動作; 中途休息之時, 又去洗手..., 算是做足了預防措施。

這是有生以來首次戴口罩。覺得有些不慣, 吸呼不暢。兩兄弟在雀枱上戴著口罩的樣子, 實在有些好笑。

開完枱之後, 怕得要死, 連飯也不吃, 洗完手就走...。

且看今次能否逃過一劫...

上次判詞後記

今天接完大人放工, 又去見白袍老友。

上次老友說血和尿都見不妥, 是有病之象, 要再驗一次; 當時難免有些忐忑。

時隔一週, 今日心情略覺輕鬆。一來身體不舒服的感覺似已散退, 連隻天殘腳亦幾乎完全消了腫, 行得番好些。最重要還是醫務所上星期都沒打電話來催看報告, 上次就話漏招, 今次應該...。

見到白袍老友, 攤開報告, 第一句即說："好番好多, 冇野喇...?!" 

戇居居答曰："近兩、三天個人覺得舒服左D..."
(直到此刻才省起, 他應該是說報告內的數據(?)吧。哈, 原來牛頭唔搭馬咀 )

跟著比對兩份報告解說一番......(好多唔知UP乜, 甚麼白血球...之類! 不過前一份許多數字都的確HIGHLIGHT了, 今次的一份清爽得多!!! )

"乜腳痛、感冒唔舒服都睇到咁多野唔掂?"
"始終都係細菌感染..."
(哦, 即是指因為喉嚨發炎之故...)
"(穩陣再問多次)除了上次說尿酸稍高, 今年驗身重有冇其他野唔掂?"
"冇喇, 好壞膽固醇正常、...肝、腎功能正常、...大便冇野........."

"咁今日我打得感冒針嗱?"
"可以打罅..." (大人此時搭咀, "H1N1仍未到呀?" "未呀, 唔駛心急喎...")
(捋高衫袖, 擰歪塊面
噫, 又幾好手勢...)
"麻煩你寫番D痛風丸同感冒丸俾我睇門口...)


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

早前買了兩個大石榴都唔敢食住, 今晚終於可以榨杯汁歎吓...

判詞

早前帶病驗身。兩星期後, 本周初返去聽白袍老友的判詞...


姑娘叫返來睇報告的? (打了個突.., 通常叫返去聽報告, 多數有野唔掂....)

冇呀, 喺原本預約的日子。

你果日係咪病緊? ()

係呀, 腳痛、感冒及你話的喉嚨發炎..., 周身唔舒服。

血同小便......(唔記得講乜), 顯示你身體係有病的癥狀...。姑娘冇叫你返黎咩?...() 都好, 唔使嚇親你...。一陣抽血留尿驗多次啦..(哦)。除了尿酸擲界, 其他冇乜野...(噫, 唔使強制戒口喎...)。你唔舒服, 今次唔同你打季節性流感針住咯。H1N1疫苗唔知幾時先到, 不過唔好去公眾站頭排隊打罅, 唔係冇病都可能變有病...。

哦, 知道。...呢排成日病, 一單接一單, 個人死死吓咁, 使唔使食D乜野補充劑..?
 
瞓夠同飲多D水喇...(.)