小午餐、大碗麵

一覺瞓醒...

簡單的午餐, 全部都是隔夜的雪櫃貨
半個波蘿叉燒包, 雜菜湯, 自溝鴛鴦
半邊包先叮熱後焗脆, 仍有新鮮出爐的感覺---祇是糖份高了些

今晚冇煮飯...

大碗麵---拉麵及納雜魚旦, 都是韓國產品
食飯食到悶悶哋, 偶然轉轉口味, 幾好...

跑馬仔雜談

現在是香港的星期日凌晨, 稍後通過網絡世界有個慣常的約會。

中午沙田有十場賽事, 中途越洋轉播一場日本賽事, 今晚自然不愁寂寞了。

不過, 最令我矚目的, 是在那十一場賽事之前, 在灣仔舉行的另一場盛事--- "五年一度的首長大賽" ! 今次這裏的中文電視台罕有的(破天荒?!)即時全程轉播, 不祇有得聽, 重有得睇, 豈能錯過!!! 一於早啲食飯, 擔定張櫈仔坐在電視機前先睇那場重要賽事, 然後才返回電腦赴約。

身為資深而智低馬迷的我, 其實對 "首長大賽" 近來波譎雲詭的小道消息、漲跌不定的賠率行情, 和相關的花花絮絮實在覺得目迷五色, 看得如 "痴" 如醉---暈低咁滯 !

平常抱著 "陰謀論" 去玩跑馬, 覺得每場賽事都是一個 "局", 幕後圍內自己友肯定心中有數, 我輩街外馬迷是被蒙在鼓裏的。幕後的手法層出不窮, 總是爾虞我詐, 以求達到目的。未跑前的風聲以退為進者有之, 虛張聲勢者有之, 蓄意誤導者有之..., 直到賽果出現, 這才會恍然大悟。

廢話少說。讓我這流落番邦的資深智低馬迷, 以普通馬迷評馬的角度, 就這場至關重要的賽事, 在臨開跑前的這一刻, 天馬行空, 亂UP一通, 客串隨意評說幾句(更多的廢話!)...


馬匹分析

1號馬---早在第一屆王者之馬服役中途因腳傷退隱前後, 應已心存大慾, 早有問鼎之意, 志不在小。可能幕後總策劃或覺當時局勢混亂, 時機未至, 就讓另一匹官馬黃袍加身。1號馬於是退藏於密, 忍隱經年, 唔聲唔聲, 如今終於還我本來面目! 是隔代布的局...?  若然, 早前的提名、報名、評為機會不大...等等的種種風聲, 豈非都是以退為進的掩眼手法...。

2號馬---礙於血統、所隸馬房和線路, 在這場賽事中全世界(包括馬匹本身)都認為是陪跑份子, 事實亦然, 不談也罷。

3號馬---是今場具爭議、懸疑的一匹。本身質素和實力不過爾爾, 可當初大有捨我其誰之勢。卻忽然不利消息不絕如縷, 令致進退失據, 狀態轉趨低沉。這匹馬的幕後集團非同小可, 軍師亦應該不少, 應該識得形勢。但觀乎不利消息竟會適時相繼爆發, 而期間3號馬的拙劣表現, 簡直令人難以置信, 不可思議。幕後集團本來諗住馬匹易於控制, 誰料早早發軟蹄而脫腳, 是所託非馬, 還是遭人暗算, 遭餵吃了巴豆之類...?


導勢淺論

兩陣對壘, 不知鹿死誰手?!

哈哈, 大家忘記了那兩句詞嗎..."問蒼茫大地, 誰主浮沉?" ... 

假如這是個幕後總策劃早已編排好的 "局" , 目前的一切, 不過是依劇本發展, 那3號馬就是幕後用作虛幌的一招。若不自知, 那真是3號馬的悲哀, 但那些顯赫的集團豈非都被出賣了?!

若這是一場讓馬迷接受1號馬跑出的群戲, 那這一場戲動員可真不少, 做得絲絲入扣, 無懈可擊。可這麼精密的設計、策劃, 難免會令人感到有些寒心了!!!

希望我的陰謀論是想多了; 希望我這常輸將軍預測明天跑出來的馬果真跑出的話, 日後能孚眾望, 不會反面、反底、反覆..., 衷心期許後馬勝前馬; 希望這真會變成一場公開、公平、公正的比賽---目前不是, 也指日可待;  希望.....; .希望.........(希望此處不需要增添兩字...)



後記

塵埃落定...希望好自為之喇
不過我還要繼續跑我的馬仔啊...

吹穀90

早幾天的辟穀24小時, 再加上兩包 "小食" , 腸、胃真個是空空如也了。清是清得乾乾淨淨...爽就當然唔爽喇...。

搞掂醒番之後, 從持續了好一陣的生理反應之中, 知道啲腸已經恢復正常功能。咁...晚上急不及待, 就去爽番一爽了。


夏令時間開始, 六時許...

辟完穀, 梗要好似填鴨咁吹番啲穀入去喇......有90分鐘時間...

今餐有一個人免費。講真, 都係唔敢催谷得太厲害, 過吓口癮就算了...



-----------------------------------------------------------


昨天去幫弟弟髹油, 順便同狗狗...


唔敢跳落地的...哈哈; 郁不得其正

幾靚仔, 幾乖, 重幾...為食...

辟穀24

今朝約了家人飲茶。爭取時間, 佢哋未嚟, 自己已經食先...。

隨後24小時唔可以再食嘢...

這就是我的辟穀大餐...吖, 唔祇, 還有兩個小食...。

今晚開工實囉囉攣咯

玩狗

大人仍然放假, 今日去弟弟屋企玩狗兼食飯。


弟弟又喺度 "訓" 狗...用埋把口 "曉以利害"; 哈,講咁多,  識聽咩?!

"down"

大人少不免攬攬; ...我都抱了一陣, 不過狗狗即仰頭伸脷舐我下巴, 我怕肉酸, 又怕佢牙痕顛起上嚟噬到我喉嚨, 連忙轉手...

今晚食白切雞; 留了兩舊雞胸, 用熱水洗乾淨, 做餌訓狗

狗狗前面兩個階磚之處有粒白色的 "餌", 訓練緊佢冇主人准許, 放響度都唔可以走去食。

眼望望...

聽見...  "GO"  ...飛撲埋去DAP了...好鍾意食。

不過仍未十足聽話識去廁所大小便。

試新

早兩天弟弟問有冇興趣一齊食晏...冇所謂喇,  反正今、明兩天大人撇甩我同家長開枱, 我都飛佢去食番餐。

侄女逢星期一放假, 小饞學校亦放緊春假, 柴娃娃一行幾眾。


簡單的自助餐$7.95, 另外可以加錢要多一道主菜...

同弟弟一人加道牛扒---一個西冷、一個肉眼, 分嚟食。

唔...錯

原來加錢的那道主菜可以打包拎走。見有些女士成個主菜原封不動入盒, 堂吃祇取食自助形式那部份, 哈, 果然是精打細算的消費者。$2.99加隻鹹豬手, 嘩, 巨型到..., 拎番屋企都有排食。
自助餐得幾盤熱食, 另外, 湯、沙律、甜品、生果、飲品、咖啡/茶等...。食物當然不能有甚麼要求, 普普通通, 就當去茶餐廳食個午餐, 貴少少, 但多些菜蔬、生果、甜品的選擇, 都幾好吖...。最妙是用$1.99-$3.99加一個主菜, 食唔晒甚至唔食拎走, 可以返歸食多餐添。

過幾日或者帶大人去試吓...