好天氣

今日藍天白雲, 喜見陽光！

雖然仍凍, 氣溫在0度上下徘徊, 已是近來難得的好天氣。午間送大人往打羽毛球(球會會員的比賽喎, 預料多抬亭而回), 回家後放低架車, 孭件羽絨、換條雪褲, 即過對面公園鬆鬆腳頭, 行幾個圈, 活動一下久未郁動的關節, 並且吸取冬日珍貴的陽光以抗抑鬱...
(行一陣即流鼻水, 不能抑制...)

隻雁都出來耷低頭喺咁搵食

形單影隻, 踽踽而行...

湖面仍覆蓋著冰雪......在隆冬冰厚之時, 不識水上飄輕功都可漫步其上

耐人尋味...是誰遺下一架翻倒了的三輪車, 之前......發生何事?

積雪開始消溶, 莫非東君就在附近?

團年飯

同場加映.........

除夕花絮

大人在學校教她的 "靚" 做的十二生肖勞作(填色...)

大人自己的手工(?) , 且在家掛一陣

廚神夫君送來一大底真材實料、自己蒸的蘿蔔糕, 我地兩個人有排食咯

知道今天(年三十)買餸一定擠擁, 一早出發...
九時許, 已見燒臘檔排了長長的一條人龍, 一數之下, 竟有四十餘眾, 好似唔駛錢咁...

超級市場當然更加人頭湧湧......買條魚都要排近半小時以上

>>>>>>>>>>>>>>>>>>>>>>>>>>>>>




今晚提早團年...

痛風節食已久, 是可忍孰不可忍......今餐吃得放肆!!



今晚佢地歎, 我就只有望酒興歎!

一蟮兩味：
豉汁蒸

日式燒汁煎

廚神東坡肉

薑葱龍蝦

豆亁素腰花皇子菇炒菜

脆皮燒腩

白切雞

蝦、帶子、海參雜燴

節瓜堯柱甫

龍蝦膏煎蛋

髮菜蠔豉大利生菜

吃過團年飯, 在此...

祝各位網友

        新  春  大  吉        健  猛  如  虎        五  福  臨  門        萬  事  勝  意
           

座駕回歸

週一拎車去整, 隨即租了架本田頂檔, 這幾天揸得戰戰兢兢, 特別小心。在外頭泊車, 還特意揀些附近少車的位置, 寧願行遠一些。恐防落車行開後有人唔生性, 又遭揩花(HIT & RUN), 自已要孭上身。

星期五座駕終於整好, 以靚仔恣態回歸...。

嘿嘿, 修理費連租車接近C$2000大元!!

手工不錯, 完全看不見痕迹!