通家小叙一日行

廚神夫家的大哥邀請我們今日去佢府上大家叙下

玩半日 ~ 打陣雀, 食餐飯

有得玩, 有得食, 當然好極 !




中午廚神夫婦落嚟車埋我哋出發
先在大哥地頭附近飲茶

一般多見醬汁少見叉燒, 顏色曖昧;
我雖不太好包, 都覺呢個好食

鵝肝三文魚煲仔飯
我一向唔BUY一味為要高級(即是要收貴錢)而亂咁 "踵事增華"...
不錯鵝肝本身好食、 "矜貴" , 可是...用作煲仔飯餸料就覺得似乎唔係幾夾, 而且份量亦少, 吃得不過癮 
至於三文魚, 我還是喜歡食刺身或是壽司, 甚至煙三文包飯的口感
上面說的只是饞人純粹在食的角度, 用自己的口味, 以飯論飯  ~  至於這煲飯裏面所裝載的盛情, 當然就好到、多到無以復加了...

飲完茶返去開枱
一邊打, 一邊唔停口咁食尐腰果、牛肉乾、乾果...


哈, 竟然還煮了煲雞酒
呢味嘢真係好耐冇食過罅 ~ 雞件加些雞什、花生、木耳、薑(嫌略少, 又冇煎蛋一起...)
既說是雞酒, 為何我呢碗毫無酒味? 

...因為原來酒是 "後下" 
我係咁落的
呢樽係拔蘭地嚟架, 哈哈, 多少隨量...
我食咗兩碗 + 兩羮滿拔蘭地, 當然勁過啤酒, 還好沒食到詐糊
自飲茶開始, 一路唔停口, 到六點幾仍毫無肚餓的感覺!

訂了七點半枱食晚飯
就算唔肚餓, 到時到候都要起行

近七磅大龍蝦

蝦膏蒸蛋

又係一鱔兩味
許是今次食材的新鮮程度有別
我覺得早前在 "荔枝灣" 食的那次較正

捧腹而歸...
今日真係食到超晒額 !!