放了幾天復活節假期。除了政府部門和銀行, 大部份商舖、超市都在今天星期一重開了。
剛才食完早餐, 趁人未多, 早一點去目標超市入些貨。
這間超市的東西大致上比其他的華人超市略貴, 不過就覺得佢尐貨色一般比較揀手、間舖比較乾淨企理、入面行得比較舒服...。雖然東西略貴, 仍不愁生意。而此店年前已被一間本地主流的超市看中, 將之收歸旗下。生意人都是精明的, 知道華人愈來愈多, 消費力如今實在不容忽視; 既然自己超市的經營模式未盡 "適合" 吸引多些華人光顧, 索性以重金收購做得成功的現成生意。
早前買過的一包減價挪威煙三文魚, 今期再減 ~ 而且更減多一些...
上次$13/包, 今期竟然賣$10, 愈賣愈平, 罕見 ~ 亦脹亦喜焉。
一於溝貨 ~ 溝大一倍, 以沖淡上次的 "昂貴" 成本
今期特別多合意的減價東西...; 不知是否復活節休息了兩天, 要追回些營業額...?
唔理咁多, 啱就掃貨囉; ...煙三文兩包、牛尾數磅(打算遲尐整煲杰嘢畀小饞歎)、安格斯牛排一塊、兩袋五包庒的日本原庄土產即食麵...; 還有其他尐濕碎嘢
如此又溝貨、又加倉, 自然又大出血
我孭回來, 然後大人慢慢執倉...
收銀姐姐在收據戳印, 畀多張嘢...
原來一次過達到某個消費額($50?), 今期送張抽獎券。 大人見有著數, 笑吟吟即時填好放入抽獎箱...(我信邪; 因此完全不敢沾手啊
)且看遲尐大人可否贏得兩張免費機票 ~ 那我哋就先遊上海或北京, 然後再轉停香港...
物價比香港平。上海禽流感死咗兩個男人，另外第３個危殆中。北京沙塵暴，陰霾－引至呼吸道感染增加。
回覆刪除[版主回覆04/02/2013 09:30:55]哈, 張單兌番HK$接近500, 而且買的幾乎全部是減價貨品添咯, 都似乎唔係好多嘢; 若是正價, 大槪要C$85-90左右 = HK$650,
日版一丁麵好似仲平過香港喎......
回覆刪除[版主回覆04/02/2013 10:05:24]哈, 原價C$5.99架, 現在平一半; 平時嫌貴唔會買嚟食, 食番港版就算;
減價係因為距離 "最佳食用日期" 的時限只有個零月, 諗住都可以淸得到, 就算過一兩個星期都冇問題卦, 咁先買咋...
望幸運之神眷顧，故人又可一聚...
回覆刪除[版主回覆04/02/2013 10:19:53]我也如是想...
超市溝完貨，股市使唔使溝D呀﹖
回覆刪除[版主回覆04/02/2013 20:43:45]C 因不明 ! 睇股數+價位, 可能是有人沽空...
差不多收市手痕換馬溝了一注, 都艇埋..
[goldmine回覆04/02/2013 17:23:46]"大甩拖"今日發生乜野事﹖溝貨﹗溝貨﹗
[版主回覆04/02/2013 10:29:57]早前不時換碼, 沽完又買番, 搞搞吓, 得番尐魚蝦蟹, 水已不多, 溝無可溝了
現在若再跌鑊甘的, 就只好眼甘甘了
衰乜？
回覆刪除業績差、唔派息。
但最重要係人大開完會，塵埃落定，再無fantasy賣點。
近期唔派息所有嘅股票全遭大行洗倉。
咪溝呀，咁大枝陰燭插落黎，多多唔夠輸。
手痕就買隻熊仔玩吓，或買枝細期玩吧。
那些 941和大笨象唔頂得好耐。
+++
可能 $6都會穿，$5.6左右先諗吧！
+++
以上全是肺嗡，可以不理。無資格說三道四
[版主回覆04/03/2013 02:52:38]業績的確不算理想, 無甚驚喜, 不過奀奀地都叫做有息派 ~ 10個大仙; 在今年多了A股的攤薄效應下, 已經唔算太衰...。若無息派, 仙都唔仙吓, 宣布翌日就即C咯...
我唔識亦一向無玩你說的那些架...
只係見單日跌得多, 就溝少少博反彈, 此乃自己的心魔; 至於輸的經驗, 就真係不少。哈, 我已經忍到差不多收市先舂入去...
已經買定離手咯...無論如何, 多謝分析和寶貴意見。