驗身記・五美具

驗身記

由於經濟欠佳, 政府這幾年財政緊絀, 赤字頻現。慣於幫人開刀治病的醫療體系亦難免要讓政府開刀治一治 ~  削減龐大的開支。

其中一項是關乎每年的體檢最近有些改革...

一向全民可以每年做一次 "標準" 的例行身體檢查, 現在要經由家庭醫生決定是否需要。

早前知道醫務所在年初取消了全部已經預約的年檢(我還未約得到)。上月往取藥時, 順便問白袍老友究竟是否政府取消了每年的身體檢查, 以後都冇得做了。他解釋實際情況是由政府交波給家庭醫生, 由家庭醫生把關決定誰人有需要做才讓他做 ~ 譬如廿零歲咁後生的, 一般實在不需要每年慣性例行檢驗; 至於有需要的亦可以隔長一些時間才做一次。若覺得有問題, 平常可以先睇醫生, 由醫生決定如何跟進。

白袍老友笑說最近遭病人因此而向醫療管理機構投訴。我就覺得目前的措施合理, 以前反而是被一些人濫用了這個制度。

問心說, 自己算惜身, 有事應該不會諱疾忌醫。但就很怕麻煩, 更怕辛苦。我信醫生, 假如醫生說不需要做乜做物, 我是(口累)飯應的。不過若一定要做, 點怕都C頂照做喇(除非...)。白袍老友見我自投羅網, 睇番資料, 話同我約埋日子, 我話好...

"四月十六號喇..." 
衝口而出： "出年呀? "
"今年...因為年檢預約全部推倒重來, 所以現在再排快好多..."
哦.........(唉, 諗住過多幾個月先做架嘛...)

前夕, 同大人去食上海館, 特別食多啖飯; 晚上10時許還整多半杯奶茶...咁就一路捱到翌日至少十點鐘後才食得嘢架罅...。

先由姑娘磅重度高、量血壓和抽血, 抽血時我擰側了面冇眼睇。應該是抽了三筒血; 量血壓時偷偷瞄了讀數...125/85, 似乎尚好。早前有時瞓醒覺頭刺, 那或許無關血壓問題, 可能是血糖略低或是領了感冒的緣故。姑娘跟著畀個樽仔...未到位, 要等多陣, 臨走先喇...。

到見白袍老友。病歷資料已輸入了電腦, 現在佢一目了然。一邊睇電腦, 一邊問生活上的健康相關細節和習慣; 總係回到運動這方面...。我說至多每週行三天跑步機左右, 並強調是行得稍急而非跑 ~ 非不為也, 是不能也, 因為跑分零兩分鐘已有氣絕的感覺, 是否在細個未知人事時那個令自己險C的病所造成的後遺症, 令肺功能差了的緣故。佢就話唔關事, 應是因為操得唔夠, 若想改善, 要循序漸進, 逐漸提升運動強度...。至於隔日做就最好添, 做完休息一日可讓心肺恢復...。

臨走老友還給我一個 "大錦囊" ~  是個回郵信封, 內有三枝雪條棍及一排的三塊紙 "板" , 以及使用說明.....拎番屋企自己再做...。

下星期一返去睇報告...



-------------------------------------------------


五美具

一美 ~ 字

大人收工先到圖書館走走
在一本雜誌看到書法家啟功先生的書法作品...筆法自成一家
發覺寫漏了一字(?), 然不減其美

二美 ~ 花

去完圖書館, 在超市見這盆應春花 ~ 杜鵑(?)開得甚美, 躑躅、觀賞...
曾心郁想買, 惟先看看價錢 ~ 嘩, $29.99
影張相...睇吓算咯, 反正我地係生蟲手指

三美 ~ 景

天氣暖和且陽光燦爛
離開餐時間尚早, 不如入去行下練陣功...

登泰山而小天下, 登此丘而小己; 在這丘, 望那丘

看見這個籃球場, 神馳到差不多半世紀前, 自己經常在卜公花園打籃球時的場景 ~ 幾乎一模一樣

四美 ~  食

五美 ~ 人

呼之欲出, 心照不宣...  (純粹個人口味及權作充數而已)
且看可否博得一笑和一餐