剪綵

早前得悉主任賦歸, 不惜大破慳囊買張新枱恭迎雀駕。

今天剪綵...

大人收工回來, 當時輸了幾底。我識做起身退位讓佢玩陣, 自己走去看看今早開枱前落定沽盤的谷歌(極貴! 昨天只買了20股)掂唔掂...
哈, 又沽到喎!!! 之後續升了多少, 臨收市又跌番突, 除笨有精。

大人打落亦無乜起色
臨出去食飯前一小時, 大人自己準備整嘢食, 我坐番落去, 盡地一煲反擊...
愈輸愈多, 最多輸了13底
最後一舖有咁大做咁大,  做13么, 臨尾淨番幾戙牌居然摸了隻紅中回來有糊叫  ~ 南
摸了一圈, 之前嫌我張雀枱殘舊, 成日叫我換枱, 那從香港回來的主任不知如何, 隊隻生張 "南" 出來...佢下家百搭腩王擒擒青翻兩隻出來叫碰, 我又跟著施施然叫..."碰" , 呵, 晴天霹靂..., 主任當堂耷晒...。
輸少尐, 分埋水, 終於輸4底多尐($21)...主任則由贏變小輸, 若不是佢夫人當時亦在場, 肯定 ...#$@^&*%(_^

蘭花咁手的, 就是那位主任, 我哋坐佢上家 !

此戰未完, 已有聲氣下星期又搞大圍茶叙, 然後直落兩枱雀局...不過當天朝早要去白袍老友處驗身, 擔心會餓暈...