今天中午出去睇軟水機。
有人起間海水化淡廠, 將海水化淡水。我就只能裝部軟水機, 將硬水化作軟水。
家裏那部用開的已報廢多時, 是類似右下方的那兩個組件。若再買, 會考慮換部較細的...
睇完出來, 風雲變色...
雞咁腳上車, 不過癮起, 順道先去附近間酒舖買幾罐啤酒...
(好耐冇買嚟飲了)此時雨仍未落得大, 僅開始洒幾滴。
買完啤酒, 啊...離泊車位雖咫尺之遙, 仍被困店內; 等雨稍細才衝出去喇
等了一會, 單人匹馬衝上車, 都略濕身; 駛到門口等大人淋少幾步
視野已經矇查查, 有時拍住隔離線行前我些少尐車經過個大水氹, 隨時一大灘水撲面打在車頭玻璃, 乜都睇唔到, 唯有更加小心奕奕咁揸;
間中行雷閃電
乾淨過洗車
黑生啤; 試埋這隻勁嘢 ~ 酒精10%, 少見, 未飲過, 即管試吓。各買幾罐...
上緊網睇美股收得如何及香港報紙之時...忽然...BEEP一聲, 乜都冇晒...
大鑊了
嗱嗱聲摷傢罉
今天晚上, 燭光是有了, 不過就沒有晚餐!
赧聰明, 開部手提電腦...還沾沾自喜昨晚剛叉足電...
吖, 無錯可以開到部手提電腦, 但都一樣上唔到網啫; 喺部機做嘢就得, 正笨伯一名...
都唔知停幾耐, 今晚點開餐先?
反正都係, 乘機瞌陣先...
九點幾, 都未掂
上次同細佬去食火鍋宵夜, 幾好, 大人唔使返工, 食咗晏尐瞓都得。一於咁話
據說好多地區停電, 我地住的士嘉堡, 以至萬錦、DOWNTOWN ~ 尤 其DOWNTOWN, 更加大雨到嚴重水浸。
出門口, 冇街燈, 冇交通燈, 去到燈位有幾便車, 就要自動自覺一便行一架, 輪住逐便逐架行...
這區不受影響, 燈光火著; 否則都要閉門謝客架嘞
食火鍋我地慣要兩個芫荽皮蛋鍋底, 撈埋一邊; 清水那邊淥肥牛等的多油食物, 另一邊用來淥菜蔬;河水不犯井水。
宵夜肥牛火鍋, 加兩蚊, 改食靚少少的安格斯肥牛, 正尐架!
兩格的分別...可以唔使吸咁多油落肚
一邊食, 一邊睇最後新聞;
掛住食, 影唔到水浸...
食完差不多十二點, 回家途中, 電力已見恢復正常
見屋企尐鐘所示時間, 大槪停電四個多小時...
剛剛晚間新聞都有講....好似真係浸得幾嚴重......
回覆刪除[版主回覆07/09/2013 20:18:05]早一個鐘多尐, 外母大人都打電話嚟問吓乜情況...
剛睇新聞報導話多倫多大雨停電，有30萬人受影響。你都算好彩能趕及返家仲食埋宵夜就有番電。哈哈 ! 乜你屋企冇儲定啲糧咩 ?
回覆刪除[版主回覆07/10/2013 00:46:06]托賴我哋都算好彩, 受影響不算嚴重。
糧當然是有的, 而且大把 ~ 至少有兩三包米、成個冰格都係肉食; 不過可惱的是, 煮食爐是用電的呀!
應該買定個氣爐....唔使一鑊“繑”起
回覆刪除用蠟蠋有尐危險喎，我就喺鴨記買咗兩盞入電芯的燈，可掛可坐，方便安全﹗
[版主回覆07/11/2013 13:04:10]失驚無神要用時用唔到, 有等於無...
好在大人不知在那裏摷到個手動小電筒, 哈哈, 好似枝手槍仔咁, 不停用手 "攀雞"...電筒仔就著的。有時都係 "低能" 嘢相對穩陣尐...
[shadow回覆07/11/2013 12:25:18]十年唔逢一潤，尐後備照明嘢，成日擺到電芯都發水.....
[版主回覆07/10/2013 13:22:38]有諗過的。自己個算盤係咁 ~ 有架車, 一兩餐儘可出去搵食甚至外賣回來, 同區一齊停電, 至多去遠尐。
而且, 就算有個小型氣爐, 恐怕(?)也不能煮得甚麼出來, 一來黑唔方便, 二來火力不夠, 相信到時亦無心去煮, 至多淥個公仔麵或是煲少少水頂檔。
那年(03?)美加大停電, 範圍大, 時間長, 無電超過兩日, 就真係大鑊, 踢晒腳。真係出去買嘢食都冇得賣, 畀人買晒。好在廚神家的廚爐是用燃氣的, 還可以上去黐餐。
我地有一兩枝大電筒的, 不過呢, 一枝用大電芯的, 太太太耐冇用, 尐電廢了)。
其實已經算穩陣, 還有一枝電筒係長期插在牆上的電掣上, 一拔出來就著的, 一向用得相安無事, 不過今次又唔得, 真係脹然。自己是電器盲, 大安旨意, 以為平時插住叉電, 實掂喇。原來裏邊因為有兩粒Rechargable的電芯, 才有此作用, 那兩粒電芯又壽終正寢..., 已經叉唔到電。
這些蠟燭是唔使買的, 大人從前收收埋埋的小禮物當中有不少...。那些就咁一枝燭的, 就真係比較危險; 這些本身連有燭台的, 冇(口靚)仔搞, 放響度點, 相對算是比較安全的。
應該買個水機....可以 C 水變食水
回覆刪除[版主回覆07/10/2013 18:21:06]咁就大鑊, 肯定難以自給自足!
晨咁早，國際新聞＞多倫多豪雨水浸＋停電，你有無被浸到眼眉？。今年－癸巳年，風水佬話：水蛇年，度度都豪雨，冰雹，水浸。
回覆刪除[版主回覆07/11/2013 13:14:36]我在之後的電視新聞報道的 "一些花邊狼狽鏡頭" 都見到。
在危急的時候, 有時可能慌亂到自己都唔知自己做乜, 也未必能冷靜估計後果。
[肥Ｍ回覆07/11/2013 12:05:04]報章刊載，一個年輕西婦，水浸到接近車窗，佢已經走咗出車外，點知佢怕水會入車裡面，又再由車窗爬番入去。正一死蠢！如果水湧入車箱，佢會遭滅頂！
[版主回覆07/10/2013 18:59:45]住處附近沒怎樣水浸, 南面近湖邊DOWNTOWN一帶就很嚴重, 有尐地方水深至車窗... 入車、入屋...。
我哋停電幾個鐘, 算不幸中之大幸, 有尐地方早前仍未有電。