日誌

今日酷熱。
隨後幾天更厲害; 熱C人。




氣象台報的最高攝氏29-30度

自己屋內的溫度計顯示, 在陽光照射下,  下午六時已非烈日當午的時候, 都接近40度(溫度計的探測感應器我們黐在窗外...)
開行冷氣, 室內唔夠24度, 梗係唔想出街喇...

抖暑前的FUN DAY,  大人捉了小饞返學校幫手做義工。小饞一向算 "尊敬" 大人, 開口叫到, 自然不會推搪, 義不容辭。據大人說, 小饞表現落力, 並非點檔之流。


今天請飲茶,  冇做的都有份。

飲完早茶, 中午食些少沙律消暑, 慳番一餐; 反正無聊, 陪大人煲陣劇...。
以前我甚少煲劇, 睇兩睇就冇癮。年前僅有一齣 <大長今>由頭到尾全劇睇晒。近來大人睇開有些大陸劇集, 偶然索吓覺得有些吸引力; 比較之下, TVB嗰尐......唉, 難怪幾個堆填區都滿晒。私意覺得TVB的編劇...


跟住大人煮飯仔...


大人初試整鴨胸, 是本地產品
完全無骨, 淨肉。以前大人無乜頭緒點整, 又唔知好唔好食, 所以一向見減價都未買過。
蠶蟲師爺提議咪當雞胸咁做法試一次囉...

HK HOMEMADE XO醬洋葱皇子菇炒鴨胸
睇落纖維雖稍粗, 但食落唔鞋, 有鴨味而不膻, 幾好; 好食過雞胸好多, 不過亦貴好多。
一PACK大槪C$10


茄子煮黃鱲倉

鴛鴦腸各半碌
簡簡單單的住家飯, 好過喺出邊搵食; 只是...整一餐需時甚久, 都係偶一為之算了

天氣咁熱, 自然少不了消暑妙品...

黑啤酒棈濃度只4.2%, 呢罐500ml的剛好 ~ 飲完個頭似乎有少少浮浮地
另外還買有一隻特濃 ~ 10%的, 雙倍以上於黑啤, 看來自己未必頂得順一個人飲晒500ml一罐了...