日誌

連日炎熱

早前發生一宗小童單獨留在車內熱C的不幸事件, 其祖母面臨被檢控

昨晚無聊冇乜細藝, 遂與周小姐謦欬謦得耐些少, 今早精神較佳。
問大人想去逛公司否? ...自然雀躍...


試鞋

這對是十多年前從香港跟過來的 "新移鞋" ~ 完全未著過; 不過擺都擺到殘, 尐皮都似乎有些老化迹象矣。
這些年, 我在這裏只買跑鞋, 穿得最多的也是跑鞋, 蓋貪其舒服好行; 而且, 穿、除容易, 不用每次又解、又縛鞋帶咁麻煩。
為免嘥嘢, 都要著吓...

醫肚

行了不足一個鐘, 已經冇乜電 ~ 囉囉孿, 似乎有尐微汗 ~ 應是血糖偏低之象也。
大人醒目, 買多個平時極少吃的甜圈餅救急

食完一陣覺得爽番, 嘆埋杯咖啡, 續行。

經過見有部免費驗血壓機, 順便...

下壓應該差不多擲界, 年檢驗身時似乎稍低一些。可能是行行吓未抖夠...卦?
總之未超標就算好咯...

上午未夠十一時去到商場, 行到下午四時才走, 足足五個多小時, 中間只坐過大概三十分鐘
大人都覺得我今日非比尋常, 跟出跟入, 成個神行太保咁款...(自審應該是有尐 "鴨C蹄" (扁平足), 不利行長途的)
對 "新" 鞋雖屬初穿, 而且行了咁長時間, 隻腳板由腳趾至後踭都唔覺痛, 新鞋來說, 算好著了
(不過現在右小腿瓜就開始有少少痠攰了)

大人掃了幾件減價貨, 不致空手而回。

剛從商場的停車場出來, 即見到這個場面...


意外

出事橫亙十字路口中間的一部白色車輛
後面黑色的唔關事, 正在徐徐繞過白車轉上通往商場的小路...
我等轉燈直行, 白車車頭略阻我條車線, 也要偏向右駛才過得。

幾乎剷上行人路的另外一部 ~ 右邊車身我諗都幾傷, 而且應是今年的新車嚟添
伊人...相信都幾惆悵無奈; 現場所見, 當時情況不知誰對誰錯
這就是我雖然平日極少用電話, 但也需要個基本的手提電話傍身的最主要原因

紅色的是消防車, 拖車亦一早聞風已至(不請自來, 而且通常是最早到的), 停在消防車之前。

晚餐

好耐冇食過干炒牛河了
好在叫一個餐就算, 咁大碟
大人的老友姐姐又醒多個湯

可能是耐冇食, 而且有尐肚餓, 又炒得不太肥膩, 覺得幾好食