蘭花與雀

好靚!!

回流主任送上門的...

呢邊未知如何...

後記

戰罷例牌潮州BOY, 例牌叫嗰尐嘢食...
4雀腳+1 ~ 五個男人; 大人不與焉。
(趕來飯局的主任報料, 一對藝人今晚在女方家長經營的那間酒家擺酒喎)

胡椒豬肚湯、鹵水鴨半隻、煎蠔烙、煎倉魚、薑米炒飯、沙爹牛肉炒米

戰果兩贏兩輸, 我是大贏家, 不過只贏得十一底幾...
起身交付畀大人之時輸了半底, 上網巡吓並睇吓美股及香港的今日報紙, 磨磨蹭蹭, 然後落番去觀戰, 大人今日運道一般, 輸多了六、七底。
又要我出馬, 一坐落由一舖六番食起, 跟住忽然勢順而且愈食愈神勇, 得我一個人表演, 自摸十、 自摸九、 人打八...食到開巷, 當別人的大牌完全冇到, 呻吟咦哦之聲三起焉。
一路食到最後一舖, 輸自摸五番, 完場計數; 然後去食飯。

對唔住回流主任, 初時是大贏家。送花之餘, 最後還要他放低些少肥料費。

回流主任還問我地要唔要單人床, 我問拆唔拆得, 佢話成張好似香港尐底下有幾個櫃桶的。點拎? 咪要搵搬運公司? 自己屋企地方淺窄, 唔學得佢有十間八間客房, 都係咪搞, 好意心領 ~ 又唔問要唔要大電視同夾萬諸如此類喎...

婉謝了單人床, 又問要唔要座地燈, 下次車埋出嚟 ~ 哈, 既然唔使我入去佢間豪宅攞(雖然去過, 但自己揸車就認唔到路), 臨別一番盛情, 順便拎出嚟睇睇也不妨...

原來回流主任過兩天又去溫哥華探兒媳及孫, 咁啱。不過我們跟團四圍走, 相信都幾難見面。

各自回來之後必再燃戰火, 有機會鬆兩章佢歎吓喇...