此行西遊, 非為佛經。因此沒有唐僧、悟空、悟能、悟淨; 也沒有白龍馬, 更沒有白骨精、蜘蛛精...。
兩對為食夫婦, 三人身在職場, 今次求的是散心之經。至於食經, 跟團恐難寄厚望, 還得看機緣、造化!
北美洲幅員廣闊, 對於喜歡旅遊的人來說, 當然有不少值得一去的旅遊勝地。不過, 當中連自己這個不大愛出門的宅男都難得有些心動想去看看的, 西岸的溫哥華以及上面圖示的那條旅遊路線是其一(唯一?
)。和多倫多比較, 夏蟲一向喜歡溫哥華的天氣多些,
除了稍為多雨之外, 冷和熱都沒多倫多那麼極端。近日北美東岸苦熱, 午間氣溫動輒攝氏三十幾度, 連濕溫效應, 有如四十多度的感覺, 比香港更令人難受; 可溫哥華都不過是廿度至廿零度之間, 而且早晚仍相當清涼的。溫哥華有山有水(多倫多是平地, 難見山色), 景色怡人, 夏天繁花似錦, 想像中是一個美麗的城市。
近年幾次想趁不打算返香港的那一個暑假和大人去走走, 總未能如願。月前廚神夫婦忽然問想不想一齊去溫市玩幾天 ~ 怕是記得我提過吧。多兩個遊伴, 當然很好!
早前他們託一位任職旅遊業的親人留意優惠機票及打點報團等等事宜, 我這閒人於是大安旨意, 印印腳坐享其成, 絲毫不用費心, 更好!
------------
不經不覺, 下星期一起程了...
整裝、待發 ~ 甚麼都未執, 我先執藥, 大人執零食...
配備和返香港的規格一樣, 份量自然少尐
性質多數是屬於有備無患的...感冒、痾嘔、止痛..., 連抗生素都有兩劑
其他慢慢...
------------
後記
(HKT 22/7/2013 07:26 AM)
行裝執妥。明早4:30天未光就要摸黑出門 ~ 環境好, 可以直落睇到收市...
據說旅遊車都有WI-FI , 所以又要出動這個啡袋。
沒有白龍馬, 沒有唐僧、悟空、悟能、悟淨.....不過有鐵翼，鐵馬，灰狗，及悟飯等.....
回覆刪除[版主回覆07/20/2013 22:36:20]即問神龍氏近好!
現代新潮版會有...合金巨鳥、大腹鐵馬、機械山兜, 滑板風火輪...
要自己買機票﹖
回覆刪除[版主回覆07/21/2013 09:30:52]係。
以前多是臨近或已是暑假才起意去問, 那時幾乎肯定沒有平機票。問過兩年, 都要成千蚊機票, 現在500零蚊。當然不是坐加航, 是國內線的小航空公司。
祝一路順風，如意吉祥。
回覆刪除[版主回覆07/21/2013 11:09:17]您好!
十分感謝您的祝禱。
玩得開心d....
回覆刪除[版主回覆07/21/2013 11:12:08]多謝!
哈!咁好,乜唔駛諗,抛個身可以去,最開心不過.
回覆刪除[版主回覆07/21/2013 15:28:31]可懶則懶...
得閑時，做吓－閒雲野鶴，雲遊四海－不失為賞心樂事。
回覆刪除[版主回覆07/21/2013 15:45:09]我怕辛苦, 又OR GOR, 所以不會是那種喜歡經常四圍去玩的人。
Have a nice trip!!!
回覆刪除[版主回覆07/23/2013 13:34:06]多謝。
第一日還好, 坐機比較辛苦。
嘩﹗咁早起程，其實最怕披星戴月的起程，以往周圍去時，都唔會揀尐晨早機.....
回覆刪除[版主回覆07/26/2013 12:41:16]IC
[shadow回覆07/26/2013 10:38:53]福建省寧德市霞浦縣，有很多灘塗，乃近年攝影“聖地”﹗拔，我最近始聞其名。搭機轉車。
[版主回覆07/25/2013 13:02:02]今天又熱又晒, 人都晒紅了。
女仔人家, 咁夜出門, 梗係唔放心...哈哈
霞浦喺邊? 要坐機...
今晚間酒店靚過昨晚間, 房都有免費WIFI, 唔使落大堂。
[shadow回覆07/25/2013 10:22:54]“唔知(前面)乜環境”正是旅行好玩之處﹗
而家有口話人，八月跟阿sir去霞浦，晨早六時多要在機場集合
往時天未光出門，阿媽堅持要送去車站，真係天蒼蒼夜茫茫，易水送別咁，非常不痛快，感覺極差，所以自由行盡量唔揀咁早機。跟團就焗住啦.....
[版主回覆07/24/2013 11:24:18]我地要就當地時間與預先所報的旅行團在早上匯合。溫哥華慢香港15小時, 多倫多飛去要5小時...
這兩天在溫哥華市內玩所坐的旅遊車沒有WI-FI的, 酒店反而有免費的可用, 番到去可以玩陣。明天出發去洛磯山, 又唔知乜環境了。
祝旅途愉快溫市住那區?怕辛苦最好坐郵船,不必每日執野及揾食,自由自在.又多美女睇/
回覆刪除[版主回覆07/25/2013 13:10:23]多謝。
行程包括早兩日去了溫哥華市中心一日, 溫哥華島+ 維多利亞一日; 今日去洛磯山脈四日, 回來去多一日威士拿。頭尾玩足七日, 去到嗰度住到嗰度。
大人暫時對遊船河興趣麻麻...