感恩節的公眾假期, 獲邀參與一場麻雀王大賽---本是廚神夫家兄弟所屬足球隊波友的聯歡活動。
因為今次差兩只腳才夠四枱, 廚神夫婦又返了香港, 於是搵我哋戥腳玩埋一份。
未玩雀, 先在第二舍玩貓
養了兩隻貓, 一隻肥肫肫, 行到糯糯吓, 好似隻老虎仔咁, 好鬼得意! (17磅喎! 算唔算肥?!)
喺廚神屋企開戰
報名費每人$50, 全數用作決賽各個名次的獎金
盃固是金光燦然, 但獎金更加吸引...
分初賽、複賽、決賽三輪賽事, 每輪四圈
無奈我和大人首輪已經出局...
....................
晚飯叫了兩個六人套餐
決賽打了一半, 暫停, 食完飯再繼續
終於...廚神叔仔最後一舖後來居上險勝奪盃
決賽一枱頒獎後合照
----------------------------
御用魚腩日前已由港返加, 亦約了明天一戰, 睇吓可唔可以搵佢哋幫補吓啲報名費喇...
阿大好似隻老貓咁.......
回覆刪除[版主回覆10/09/2012 10:58:10]今朝剃乾淨先出門架罅...
只是實力太過參差, 有烏烏吓的同枱...一早旺了一家, 此消彼長, 咪弱了自己, 牌曳, 唔出銃淨輸自摸都要出局...冇符喇
阿大...午安....
回覆刪除就快又有魚腩食....
[版主回覆10/09/2012 15:16:23]MISS午安!
都未必易食架...
你就快搬入間靚屋重正喇...
Best of luck to you and win the next match!
回覆刪除[版主回覆10/10/2012 04:45:12]木蘭剛趕回來代夫出戰, 且看稍後賽果如何...
阿大....早晨...
回覆刪除今次都無大攪...只係住咗十幾年D牆紙發晒霉...要起晒佢再油番油咋.....
[版主回覆10/10/2012 10:10:00]MISS早晨呀!!
香港天氣潮濕, 啲牆紙及油漆到咁下上就多數會走晒樣;
重新髹番油之後觀感就奐然一新喇。
今日食魚腩都梗到骨, 唉, 明天要去..啲...啲...啲...咯...
雀貓共存。我對貓興趣大好多
回覆刪除[版主回覆10/10/2012 17:20:40]哈哈, 佢唔熟我啫, 我唔係太鍾意主動抽 "佢哋" 水架...
其實講真我有啲啲怕去抱及摸啲小動物的...
通常貓貓比較高竇, 生保的, 見到你就算唔走開都多數係望望然, 咁我就唔會去搞佢哋架嘞...
[shadow回覆10/10/2012 16:08:20]真係怕生保人的, 係唔會見到貓踪咖, 見你埋去就走開, 只係怕被抽水啫
[版主回覆10/10/2012 10:34:31]唔同地方。廚神其中兩個叔仔, 一個同住, 一個住在斜對面。
早咗少少上到去, 幫手搬張雀枱及麻雀去廚神家, 順便喺嗰便嗲吓, 並且影吓兩隻貓囉; 以前見之時奀細好多, 但今次見有隻趴在張椅度, 肥尸大隻, 但怕生保人, 一埋去就落地走開。
肥貓好得意。攻打四方城＞我唔掂！諗起－許冠傑唱－打雀英雄傳－六嬸，三太公。。。
回覆刪除[版主回覆10/10/2012 15:59:23]呵呵, 各有所嗜。有人喜歡方城之戲, 有人喜歡打機, 有人喜歡篤波...
阿大...早晨...
回覆刪除有無煥然一新都無所謂...只想快D攪掂...都係掛住自己個狗竇.....
[版主回覆10/12/2012 10:57:39]MISS早!
逼遷咁耐, 梗係!
不過既然煩開個頭, 又做咗咁多功夫, 返到去梗要有番啲滿意果效先不枉此 "煩" 喇...
隻貓真係好靚,咁有興致打麻雀,講起麻雀以前做工時,日日3點3就開枱,一打就夜麻麻,有次在建世界花園時,在下便紅梅谷木屋舖仔打,一打11.12點,嘩!摩黑要駁住駁住燒報紙,走返上馬路,嗰度好多蛇,我地3點3飲茶,啲蛇會失驚無神會從樹上跌下來,當晚雞咁腳走返上路面.
回覆刪除[版主回覆10/12/2012 20:30:43]最近打得少...
依稀記得(口靚)仔時去紅梅谷旅行, 那時嗰度還是多見樹木, 少見其他。