針前中招

聞說今年開始有感冒針打了。

上星期致電醫務所, 回說疫苗初期供應不多, 目前先替有優先需要的那批人打先, 我哋要稍後...。(其實我哋應該算係 "邊緣人", 下文解釋... )

昨天大人一早 "輕描淡寫" 說喉涸, 蛔蟲已料事情不妙。唔聲唔聲肯自動打電話約見白袍老友, 多數好唔掂。唯是假後人多, 即日名額已經爆滿, 要捱多一日...。

接大人收工去到醫務所, 有些意外的是今日竟然病人不多。白袍老友問了病情、探射喉嚨, 之後撳了頸際淋巴..., 望、聞、問、按都一槪做齊。老友得閒比較好傾, 說等病好才一齊回來打感冒針喇。

" 可以唔使咁急打感冒針...反正一針藥效僅得三、四個月(我以為有半年以上添)。政府條數係一年若打兩次太花錢, 於是初期讓那些容易感冒的那批高危人士先打, 等佢哋有啲抵抗力先, 冇咁易從未打針啲人處染病。然後到其他人打, 等佢哋有抵抗力了, 又會冇咁易揩嘢而傳染給那些高危人士..."


對於我哋屬 "邊緣人" 之說, 因為覺得大人的職業都算高危一族, 在流感高峰期, 好多時啲(口靚)唔係呢個、就是嗰個有事, 經常接觸, 避無可避。大人中招, 我有時亦難獨善其身---這一兩天都覺得有些眼澀、少少頭刺, 唔多舒服...; 不知是否近日天氣轉冷又乾燥的關係, 還是...。

大人可能冇乜胃口食飯, 睇完醫生, 於是順路去附近食碗粥...


艇仔粥

魚片豬什粥

淨雲吞, 唔多掂...

我衰口痕叫了個炸兩; 大人恃住有藥, 喉嚨發炎都忍唔到口... 食咗幾舊
豉油另上

白袍老友今次可能見大人喉嚨發炎比較嚴重(?), 淋巴還有的腫脹, 開了另外一隻不是吃開的抗生素
首天打孖食兩粒, 跟著四天每日一粒
希望大人好番, 唔使到我...