嘿...
---------------------------------------
21日 7:06 AM 續
一切事情的生成必有其因緣...
已經多月沒有食蟹, 星期五見超市的青班和蟹都減價, 即興諗住兩個人打番餐邊爐...
剛好侄女早上替我買了個摩登地拖送來, 老公公幹未返, 猜佢可能冇啖好食, 遂邀她晚上再上嚟開餐...
平時兩個人埋去 "邊爐" 打, 我食半殘廢餐
加埋侄女, 正正經經用個電邊爐鍋
侄女同大人都各自有啲嘢唔食, 納納雜雜買多些少
大人愛食唐生菜、芫荽, 侄女卻怕陣除; 侄女食羊肉, 大人敬謝不敏...
厚甲八跪二螯大戰血肉雙手十指
自己見已有壓倒性的優勢, 故此沒有先去其有殺傷力的武器而與之周旋, 終致略受小傷;
某程度來說, 就算是拉近人、蟹的FAIR PLAY 囉......
被拑到當時的確是十分之痛的, 可現在對此都沒有後悔---不喜歡和冇爪蟛蜞之類打交道, 勝之不武..; 自然亦不會 "大指擋車" 咁戇居
, 否則好易變了七公的...下次還是會咁PLAY, 不過會小心啲...
蘿蔔大平, 買一細條做鍋底; 難得今次重靚, 食來淋滑冇渣
這條青班似野生...魚皮深色, 體有黃色油脂, 肥美!
徒手肉搏, 我額外付出了多少少代價...
侄女亦當仁不讓, 頻頻主動替我出氣 ...
因乜托大？何解托大？？？
回覆刪除[版主回覆10/20/2012 14:40:58]徒手互搏
俾蟹拑?
回覆刪除[版主回覆10/22/2012 12:21:49]哈, 我以為嗰個 "
佢就冇笑到出聲...但察言觀色, 之後我估佢個心都笑架罅, (都講到出口, 雖然用英文 "都話咗你架喇" , 話咗你都領嘢, 論盡之至...咁上下囉
[shadow回覆10/22/2012 11:25:35]唔係你亂, 係我單手單腦, 寫嘢有d殘啫
”有冇...” 係想問下搶救之後, 大嫂有冇笑一餐啫...
[版主回覆10/21/2012 16:39:48]痛完就OK喇...
有冇? ...
若是問大人己被夾過一次之說, 是我講得稍亂了。其實佢夾過一次, 不是今次, 是之前的某一次, 那次夾住她的指甲位, 之後瘀咗; 此所以佢頗有顧忌。今次到我嚟, 佢有叫我因住, 鬼唔知因住咩...就係因唔到先會被夾到啫...
[shadow回覆10/21/2012 16:17:52]...真係精彩...唔好意思...雖然建築在你的痛苦上, 拔, 都係忍唔住......
[版主回覆10/21/2012 16:01:14]其實大人已被夾過一次, 所以她說...I TOLD YOU = 經驗之談
大戰劇情：
隻衰嘢唔係好大隻, 得磅半左右, 但隻拑鬼咁好力。可能大人同佢洗擦之時, 佢都知凶吉少, 於是蓄銳奮力一擊...
一感覺被夾住, 己經即縮, 但為時已晚, 擺脫不了之餘, 還感覺佢係咁加力, 似有同歸於盡之槪。到夾到指骨頂住, 我己哎了幾聲, 又揈又用另一隻手想擘開隻拑, 都唔掂。忙亂之際, 總之好痛, 都唔知做咗乜了, 不知如何, 終於甩了, 可能那時佢都已力盡了卦。
之後侄女教大人用筷子篤其C穴, 篤咗之後, 果然愈郁愈慢, 我才又接力擘開其蓋。
跟住洗乾淨傷口才影相, 又驚有食肉菌, 嗱嗱聲去搽娥羅納英藥膏頂住先。上面的傷口有條坑仔+個窿仔, 底下又有個窿仔添...。現在撳落上面的指骨之處, 都重隱隱作痛架, 傷口就似乎冇發炎跡象。
[shadow回覆10/21/2012 14:22:01]你地打邊爐防灑水和這次甲肉大戰, 可謂兩絕囉...
係呢, 真係...有幾痛?
[版主回覆10/20/2012 23:51:51]脫 "身" 之後, 自己都苦笑...
大人重講英文揶揄說..."YOU SEE..., I TOLD YOU..." 脹然!!!
[shadow回覆10/20/2012 23:44:41]睇完大兄之描述, 如睹兄"依"牙揈爪, 聞兄痛極狂號...實在...忍唔住...
[版主回覆10/20/2012 22:57:03]有時會有橡筋箍住雙箝才賣, 今次冇; 亦不以為意。放在雪櫃雪了半天, 拎出嚟見似已反應遲緩, 於是托大...。
大人想擘開個蓋, 指力不足, 我嚟, 不過老鼠拉龜; 而佢就猛咁掙扎, 舞爪張GONG。搞搞吓不意畀佢一嘢箝中, 死夾唔放, 個吓又痛又怒, 揈極唔甩..., 痛到忍唔住叫了起來, 失威於兩女之前
[shadow回覆10/20/2012 21:57:02]場面慘烈, 唔係綑而後宰咩?
[版主回覆10/20/2012 19:02:12]廚房交鋒, 以大壓小, 本來應該贏硬; 唯是...
甲殼武裝八跪二螫 VS 純以力勝兩手十指 --- 10對10埋牙糾纏廝殺 --- 最終落得一C一傷...
你就夾親手, 我就咳到嘔
回覆刪除[版主回覆10/20/2012 19:08:00]劇痛只一陣, 咳就有排搞...
保重 !
唉！十指痛歸心！保重！
回覆刪除[版主回覆10/24/2012 21:13:38]哈...我嗌到行雷咁響...
[肥Ｍ回覆10/24/2012 17:08:49]亞嫲話：要等行雷，隻蟹先至放開隻箝。
[版主回覆10/20/2012 22:59:47]夾住嗰嘢, 真係痛徹入心, 又揈唔甩...
哈哈！想不到阿叔你一把年歲，手指還頗秀氣。
回覆刪除我那十隻手指，就由懂事起直到 teenage 都俾人嘲笑，說什麽監姆指，他日一定犯大官非等等。
因那全是肥揗揗、掘雷除，完全唔似女人手指。但肥還肥，骨頭又特別幼，所以總是軟綿綿一团棉花般。
但也因為這雙手，有次竟招來痛罵。
事源嗰次飛條麻甩仔，佢竟然痛罵數我，鬧到無野鬧，佢竟然話『早知你用情不專，边有人對手好似無骨架。』
吹漲.........
[版主回覆10/21/2012 00:22:23]哈, 如此的手指是 "秀氣" 型嗎? 自己都唔多覺的
你條仔似乎有啲 "冇品" 喎, 抵飛佢喇...
哈哈！也因為我這雙手，在讀中學時，有個同學嘅阿媽竟然猛游說我跟佢學人体按摩推拿，因佢話像這樣軟弱無骨嘅手，最適合做哩行。
回覆刪除幸好.....最後無做骨妹....做左.......
[版主回覆10/21/2012 00:30:23]柔若無骨的一對手...
相較之下, "糟塌" 了一對手, 總好過 "糟塌" 了一個人...
咁失策呀,咁都被佢夾到,隻手又幾乸吓啵
回覆刪除[版主回覆10/24/2012 21:10:39]呢度紮糉一般都係用繩的。
[肥Ｍ回覆10/24/2012 17:06:24]呢度用幾兩浸濕水草去紮蟹。
[版主回覆10/21/2012 11:11:57]呢度賣蟹, 至多有時用橡筋箍住兩隻拑就算, 冇用水草或繩縛紥, 更多的是任其自由活動, 一齊靜靜擠在水缸。揀到磅好就成隻放入一個厚紙袋, 咁就郁不得其正。
本來可以清洗完之後, 先逐隻扭甩啲爪同拑, 然後慢慢搞, 但監生之時咁搞, 覺得似乎 "殘忍" 咗啲, 我哋多數一嘢擘開其蓋, 覺得咁樣佢會 "痛快" 啲(?)...; 不過我唔多熟, 搵個落手位耐咗, 於是畀佢有可乘之機...
[金寶湯回覆10/21/2012 10:55:59]哈!應該未甩繩(水草)時才用菜刀,鉗位一撬就開啦.
[版主回覆10/21/2012 09:10:23]托大囉, 估唔到個殼咁難揭開, 垂C反撲一擊都幾係嘢, 現在撳落指骨度都重痛...
你都仲可以用把口報仇....我條脷仲係脹脹地...食嘢講嘢都要就住....最舒服都係食雪糕...
回覆刪除[版主回覆10/21/2012 10:16:55]啊, 仍然脹脹地...MISS真係受創不輕喎;
只不過恐怕此仇難報了... 點都係搞到自己...唔通剝咗 "肇事" 隻牙懲戒佢咩?
目前食多啲雪糕都係辦法, 心理、生理上都會覺得舒服啲嘅, 不過, 食還食, 小心不要重蹈覆轍, 以免傷上加傷...
祝早日可以大大啖食, 並且可以一邊食一邊暢所欲言!
哈哈！自比七公！？你好彩多了，因七公到死嗰日都揾唔到個乞兒婆，而你嘛.....
回覆刪除不過如果係我，我就情願做黃老邪，七分正中還帶三分邪。
金庸先生係Y2003 再次 edit 佢嘅作品 (相信是最後一次吧!?)
有些改得好，有些不好....
但射雕英雄卻真改的很不錯，尤其是以他殘燭之齡，還能道盡黃藥師暗(苦)戀徒弟梅超風之情，很有種老驥伏櫪，但難復當年勇的思潮。
有空借來看看也蠻不錯啊！
[版主回覆10/22/2012 04:40:31]呵呵, 我比擬的是七公的九指 --- 在比擬法裏, 若說月兒像檸檬, 那月兒不需要有齊檸檬的香味、酸味、汁液和果核...的吧?!
金庸的小說好看自不待言。不過我自己寧願他寫新小說以饗讀者, 好過做這許多次(?)的增刪潤飾。
而家大閘蟹當造，不過最無公害的原來要在外國尋﹗你果邊有冇移居加記的大閘蟹賣呢﹖
回覆刪除[版主回覆10/22/2012 10:52:54]若我他日有錢買了間屋附近有個湖仔的, 或會考慮偷雞帶一些 "身家清白" 的蟹苗返過來...; 用C$3000去博1億幾千萬...
[版主回覆10/22/2012 10:45:57]明白了...
[goldmine回覆10/22/2012 10:41:51]http://www.cnyes.com/life/Content/20120904/kfmo1x12x3uh6.shtml
[版主回覆10/22/2012 10:41:30]哈哈, 搜尋回來的...我說的不中不遠...
一名华裔女子今年初带12只阳澄湖大闸蟹闯关，结果在温哥华国际机场被海关发现，于行李箱搜出活的阳澄湖大闸蟹、鸭舌、虾、猪油等物，当场遭到拘捕，并被判罚2500加元(约合17000元人民币)。
加拿大边境服务局发言人曼佐尔表示，温哥华华裔女子金心澄(译音)在离境旅游后，今年1月2日进入温哥华国际机场，使用自动报关机通关。 她在回答海关问题时引起官员怀疑，因此被要求进行详细检查。
海关人员在金心澄的一个行李箱中，发现12只活的阳澄湖大闸蟹，还有一批鸭舌、一袋虾、以及一袋猪油。 金心澄被控以一项意图进口大闸蟹的控罪，已经于本月6日在一家省级法院承认控罪，被罚款2500加元。
曼佐尔强调，大闸蟹是一个非常具有侵略性的品种，而且会影响人类健康，加拿大为了保护生态环境以及本地渔业经济，因此禁止大闸蟹进入该国。
去年9月30日也曾有一名华裔男子从中国大陆乘搭飞机抵达温哥华国际机场时，因为携带17只大闸蟹未有申报，被当场拘捕，随后在今年1月27日被判罚款2000加元。
据此间的明报报道，加拿大中餐馆如代客烹调黑市大闸蟹，可能有被吊销执照的危险。当地一间海鲜酒楼的负责人夏小姐表示，大闸蟹是加拿大的违禁品，因此不仅未有听到本地餐厅愿意冒险贩卖黑市大闸蟹，即使市民“有门路”拿到活大闸蟹要求餐厅帮忙烹调，餐厅也不会接受。 她指如果餐厅代为烹调，若被发现很可能会吊销执照，对餐厅来说风险太大。
[goldmine回覆10/22/2012 10:38:07]中國的大閘蟹閘用化學劑飼養，中國人都唔敢食。但一些流落歐洲的野生大閘蟹則大量繁殖，外國人又唔識食，於是回流中國，大受歡迎。唔係話由祖國入口再運回大陸。
[版主回覆10/22/2012 10:25:14]BTW...點解出口外國的會最無公害呢? 內銷和出口的分開地方、等級和待遇 "成長" 的嗎???
[版主回覆10/22/2012 10:20:31]印象似乎唔見食肆標榜有以祖國的大閘蟹做招徠的喎(?)...稍後認真留意吓先。
自己估呢, 加記對保護本地的生態環境和食物衞生等十分緊張, 入口嘢尤其是活的檢疫得近乎怕C, 相信不會輕易讓祖國的大閘蟹入口, 一來驚帶菌, 其次又驚萬一有人放生或走甩咗, 走咗入是但一個湖落地生根, 若萬一繁殖起來, 不知會否破壞本地的生態環境, 以及毒害本地的湖產, 到時的情況可能難以控制。
哈哈！八十几歲你仲 expect 佢【寧願他寫新小說以饗讀者】，也太不恤老念苦吧！？
回覆刪除我想如果我咁唔好彩享此高齡，能尊嚴地自己進食和料理泄便，以是 blessing。
米高雖然以離世多年，但她臨走前四五年，連排便都要我給她幫忙(拔屎)，她的羞愧還瀝瀝在目。
人老了便是老了。那管你年青時叱嗟風雲
[版主回覆10/23/2012 05:14:59]說得是!
不過他改寫新版實始於多年之前, 當時想寫應該仍然是可以寫的吧。問題或是珠玉在前, 而且年紀真的不少了, 再想超越自己實在也有難度, 精神也未必可以支持大部頭的新作...。
我的意思是, 既然打算封筆, 索性連改都不要改了(覺得舊版已經夠好! 不過我也不是套套喜歡...
香港有來自歐洲的大大閘蟹賣－跑馬地，奕蔭街。係大閘蟹卵＆蟹仔經由吸中國河水鑽入壓水艙，移居到歐洲，挖爛河床。唯一經濟收益＞將一閘蟹輸回亞洲，收＄收到盆滿缽滿。
回覆刪除下次先去箝，今次算上咗一課。
香港政府又有特惠生果金，移民人士可否申請？（６５歲以上，唔可以超過政府指定的現金存款，唔計自住住宅＆子，女俾的家用。）
[版主回覆10/24/2012 21:09:19]咁大閘蟹即是偷渡?!
現時的生果金都要在香港 "定居" 的永久居民(移居華南一些城市而每年返港住一段時間都得(?))才有資格攞, 至於特惠生果金至少都會與之睇齊, 或應該甚至會更嚴格。移民應該冇份!