小饞整牛脷請家姐食, 我哋去黐餐。
這一兩天有雨, 並會連落幾天。落完啲樹就恐怕冇晒嘢睇咯, 要睇就睇地下喇...
你都時近開餐, 撲我擒我都冇用。
靜靜哋等多陣喇...
等等吓見我哋似乎快過佢, 為食狗狗又八卦去 "禁區" 哄吓, 咪聽鬧囉...
終於到你罅...
佢開餐一向都風捲殘雲, 食完就自己留在個竇, 等到我哋都食完晒清理完之後(真係識等, 我哋未食完執嘢, 佢唔會走出嚟的)
坐響度傾多幾句之時, 唔聲唔聲又走埋嚟哄在我腳下, 擔高頭望實我...哈哈...你兜友...
今日未畀過嘢佢食, 似乎總係唔心息, 咁樣鍥而不捨..., 唉, 冒住畀人哦, 點都要滿足吓佢嘅, 反正都食完正餐咯
食完佢又去撩人玩咯...
講番我哋呢餐
外賣燒雞; 連雞胸都幾滑, 唔錯。不過...
呢間嘢要用會員咭先入得去買嘢, 不是太方便, 否則想食就去買隻食, 好過自己烤, 既花功夫又驚驚動消防局...
磨茹忌廉湯
小饞炮製的葡汁焗牛脷
有出面的水準, 甚或過之
-------------------------------
至於呢半杯功夫嘢, 梗係喺屋企先有供應喇...。吸收多啲維他命C, 醒醒腦, 等陣用起嚟或會醒啲...
通常啲橙唔夠靚(不是新奇士4012), 多 "筋" 就唔好食, 咁樣會易食啲..., 都保留好多纖維架 !
我都記得你地曾經因燒烤引至警鐘誤鳴。秋詩篇篇，黃葉片片。
回覆刪除[版主回覆10/28/2012 23:52:53]哈, 麻煩, 要步步為營。
旺旺聽話過仔，女。
回覆刪除[版主回覆10/28/2012 23:56:00]一時時...
不過幾得意, 識 "聽" 嘢的...
fry chicken from costco, here in NY only US$4.99 fresh roast everyday.
回覆刪除as you do eat with veggie and salad tasting. today Hurricane Sandy is coming to NY, government
are ready for her, how about your place, school may close tomorrow too.
[版主回覆10/29/2012 00:03:33]呢隻都係喺COSTCO買的, 算幾好食, C$7.5, 原來貴你哋咁多?!
個風超勁, 報道說美國東岸嚴陣以待。我哋距離較遠, 可能好啲, 呢度的氣象台冇乜警告, 不過未來幾日都有雨, 唔知關唔關事。
你哋小心啊...
呢餐正喎....小饞好得喎.....
回覆刪除[版主回覆10/30/2012 10:03:29]小饞係得, 不過第一年要顧住讀書和功課, 冇以前咁得閒整嘢食咯...