奧運

平時對看體育節目不大熱衷, 略有興趣的祇是籃球和網球兩項, 因為都是自己年輕時叫做曾經玩過而算是比較熟悉的球類運動。

不過, 若是適逢世界盃 / 歐洲盃足球以及如今舉行的奧運等這類盛事, 當然也會留意其中一些可觀的比賽項目, 諗住有睇頭的就睇吓。

稍後在本地時間下午一時半, 打算看看那場加、日女子羽毛球準決賽。

今屆加拿大女子雙打羽毛球隊其中一位選手是華人, 相信她本人應該不是(?)中國的 "帶技" (---羽毛球的)移民, 而是本地訓練出來的(隊中教練倒是中國人, 估計在移民前可能是大陸的選手?!) 。本來早前打到八強就已行人止步, 豈料臨尾竟然有幾隊因打假波而取消了資格, 於是冷手執個熱煎堆(執煎堆的包括俄羅斯---有實力的中國之其中一隊、印尼和韓國都打了柴), 得以遞升至四強位置。有時實力以外, 都要講運氣, 信焉!!

今午和日本隊對陣, 希望晉身決賽。

目情的情況, 本國女子羽毛球隊最低限度已穩佔第四名的名次, 相信是有史以來的佳績了。等陣一於捧場, 為她們打打氣!!

(岔開一筆, 現在諗起班友打假波的場景, 不禁一邊打這新篇, 一邊。居然老貓燒鬚, "表演" 拙劣, 被人抽秤 --- 恐怕那是因為對陣兩隊都想輸, 所以一開球就自殺, 自己落網, 免得開了球過去, 對方一擋即輸, 輸得還早過自己...。計算還計算, 豈料今回連自己都 "落網" 。講真對於選手來說, 這真是極難打而又尷尬的賽事啊, 難怪......)

此中還有一些花絮, 捧場客在現場會對著這對拍檔大喊： " Bruce..., Li...;  Bruce..., Li...!! "

哈哈, 覺得奇怪是不是, 奧運關他甚麼事?又不是武術比賽!! ...卻原來......那是......因為......華籍選手姓Li, 她的拍檔姓Bruce 啊!

希望本國女子羽毛球隊能夠過關斬將, 繼續有好表現!!!



後記

14:05

還未有轉播, 唔知有冇得睇添, 抑或會遲啲? 都好...
可以專心睇住美股先, 現在跌了百多點。哈哈, 早兩天買了隻 "熊" 股---"熊" 股的意思, 是在跌市才有得升的; 反之, 升市就會跌。剛才食了一轉又買番, 看看今天可否再食第二轉...

4:02

比賽已打完, 2:1, 輸了。

此仗之前沒怎樣看過一整場的羽毛球比賽, 對於各隊的實力不大了了。睇完今場覺得賽果合理, 球技有高下之差。希望稍後準決賽的負方一戰, 搵俄羅斯祭旗, 攞番個銅牌都好吖。



黑衫~日本; 黃衫~ 加國

捧場客在多倫多萬錦市羽毛球訓練中心的現場

雙方都有打到對手碌地的鏡頭...

盡力而戰, 呢場輸咗冇所謂, 繼續努力同俄羅斯爭銅牌喇...; 到時我一定坐在電視機前捧場!!!
至於我...今日就贏咗少少...; 今晚又去為食鳥!


-----------------------------------------------


10多年前曾經同佢有過少少淵源, 印象較深...
之後再光顧過一次...
事隔多年, 今晚再來; 招牌依舊, 不知是否已易手幾次...