哈哈, WIFI ......掂!!!
不過, 據說在酒店上網要畀錢, 看來祇能在旅遊車玩吓打發時間了。
6:15A.M.
現在旅遊車上, 向瀑布區的美加邊境進發。
19/8/2012
7;10 A.M.
旅遊車上的WIFI不大穩定, 打幾隻字還好, 上相有時會唔掂。
所以諗住在車上得閒\UP幾句, 回來才上多些相。
昨天中午在埠仔食了個中式自助餐, 一般喇....最好食啲煮椰菜!
回酒店前在麥記買了兩個包---晚餐嚟罅隙!!
差唔多落車罅, 暫時係咁先
2:25 P.M.
中午食中菜, 一圍圍包團的那種...
午後有零散驟雨。
今朝大人差錯腳, 拗柴! ...濕滯, 好在重行得, 冇我痛風時咁慘!
買了藥膏、繃帶...
20/8/2012
8:00 P.M.
現在由大西洋賭城出發去紐約。
昨晚要自己搵食, 於是同大人食得好啲, 因為呢餐已經拖了多日, ...。
去年在香港日航酒店食, 今年在美國大西洋賭城食, 哈哈。
21/8/2012
7:34 A.M.
今天起得特早。行程最後一天, 要返回多倫多了。
昨天遊紐約市這個大都會, 十多年前曾經來過一次...。
前世貿中心舊址正在重建; 當年在電視見它 "樓塌了" , 如今又見它再起高樓......
跟著坐遊覽船去睇自由神像, 不過冇得上島行。
10: 35 P.M.
今天整日坐車, 坐到羅友都有啲痛...。晚上七時許返抵多倫多。
中途在OUTLET MALL停留了兩個半小時, 食晏、買吓嘢、休息下。今回我大發神威, 買得多過大人...
<完篇>
have a happy trip to USA
回覆刪除[版主回覆08/19/2012 04:47:42]謝謝!
玩得開心d, 食多d好嘢, 影多d靚相post上來呀!
回覆刪除[版主回覆08/19/2012 19:14:39]食嘢身不由己, WIFI 不大穩定, 祇能上載幾張相。
等睇...等食... 一齊出發
回覆刪除[版主回覆08/19/2012 19:25:18]昨天去捐山窿, 現在又開始出發落華盛頓。相片恐怕要回來才方便慢慢整理, 途中或放幾張先睹為快。
有wifi咁就要一路玩一路比我地睇喇......
回覆刪除[版主回覆08/19/2012 19:27:17]盡量說些...
Hope that your wife will recover shortly! I did the same 6 months ago, still hurt!!
回覆刪除[版主回覆08/20/2012 19:17:57]昨晚敷冰、食止痛藥、搽膏三管齊下, 今朝GUT得好啲了。
咁耐都未完全好番? 希望大家都早日康復喇!
團友都是華人﹖
回覆刪除出師不利，係咪冇睇通聖擇日﹖
[版主回覆08/20/2012 19:21:48]有一組越南人, 餘皆華人。
擇日出團, 但冇睇通勝。
團餐睇落都唔差......你做乜唔拖實阿大嫂令佢差錯腳呀.....
回覆刪除[版主回覆08/20/2012 19:41:55]全程祇提供三餐, 參加另外逐餐計錢; 餘皆自己搵食。
在白宮對面我同佢影相, 佢一時忘形, 站在鐵欄腳架上...一不平衡, 差咗隻腳落地, 於是拗柴...我欲救無從...。
甘唔小心呀？有無看醫生呢？你護花不力啊？大兄
回覆刪除[版主回覆08/20/2012 19:52:24]冇睇醫生。善後和護理請參看答樓下網友所說。
大人有時稍為論盡和大意, 提都提唔到咁多啊...
好在今朝可以行得較好, 因為現在坐車去她很想去的紐約---會去睇自由神像等, 要行的。希望她頂得順喇...,
阿大...晚上好...
回覆刪除[版主回覆08/22/2012 10:56:09]咬實牙齦, 痛都要GUT出GUT入去捐舖...
還有十分鐘就要集合開車咯, 都還想捐多間, 我話你有排先GUT到返去喎...佢先作罷。
哈哈, 今次我買得多嘢過大人...
[德肋撒回覆08/22/2012 10:36:39]有得購物應該對痛症有幫助....
[版主回覆08/21/2012 19:41:14]最艱難的時間昨天捱過了...。朝早GUT得尚好, 在紐約市貢來貢去; 但下午又差...咗, 愈GUT愈辛苦。昨晚要繼續敷冰...
今天是最後一天行程, 返上多倫多了。坐車時間多, 應該會好啲...不過, 中途有得購物呢...
[版主回覆08/21/2012 19:33:18]MISS 晚上好!
咩呀?! 咁咪到我頂唔順囉...
如果腫＞敷冰。買去瘀膏＆止痛丸旁身。
回覆刪除[版主回覆08/23/2012 11:34:20]幾樣都做齊了...
我比較穩陣, 在屋企藥庫執齊藥才起程, 當中有止痛丸。
膠布繃帶和去瘀膏就搵藥房買---好彩出事那朝, 食午餐的地點, 樓下有間便利店+藥房, 匆匆食完落去買埋, 當晚可以略為護理傷處...
問導遊＞可否暫借輪椅跟車，以防萬一，你可以做司機。
回覆刪除[版主回覆08/23/2012 11:47:16]臨時臨急, 相信這樣安排比較困難...
而且若真的傷到寸步難行、要用輪椅的地步, 那時可能要去睇醫生甚至入醫院咯。
我叫大人若真的行唔掂就唔好勉強, 寧願我哋一齊唔落車, 佢哋有佢哋行...