閒與食

今天家庭聚會暫停, 無雀日各自搵食。得閒無事, 施施然出外吃過中午粥餐, 和大人周圍 "岳"。去到一個近一年半載已沒逛過的商場, 裏面有間酒樓, 燒臘頗為出色, 從前時有幫襯。除燒鴨外, 我喜歡吃它的豬腳仔, 卻非一定有得賣。今日有(食)緣再見, 而且看來幾靚, 大人說請我食, 欣然買了三隻。

然後在隔鄰超市又見到有特大士多啤梨, 雖稍貴亦買了兩盒。

...SIZE和大號蛋比較

盒裝冇得逐粒揀, 當然有些搵笨, "良莠不齊", 大小不一...

假期又不是家庭日的日子, 大人特意焗了三小塊羊扒給我獨享
(她對任何整法的羊肉一向都敬謝不敏!), 兩塊厚身的夠騷有肉
汁; 不錯!

於是...陪大人整晚餐之時, 餐前小食先嘆幾舊豬腳仔(鹵得入味,
又夠淋滑, 正! 不過唔敢食咁多...), DAP幾啖紅酒; 然後小羊扒烏
冬...咁又一餐。

餐後生果