移民後方才成家立室, 由 "我" 變成 "我們"。家庭人口比例陡地增加了100%......其實都不過是兩丁之數而已
。寄寓番邦, 又沒長輩在堂, 除了過年之外, 對於其他一般閒節早已不大上心。大人倒是記得今天是端午節(若非香港假期無市, 我都可能無件事), 一早返工時提議煲粥, 順便買隻糉吃應節。於是之前由我煲好粥, 收工便到超市買魚買糉...。原本平日常見的各式各樣的糉今天行勻三間超市, 竟然一隻都找不到... 嘩, 乜野世界呀, 打到黎咩?
無可奈何, 唯有轉軚買包腸粉 + 條油炸鬼佐粥; 到買魚之時, 見龍蝦減價(幾間超市鬥平!), 既平又大隻, 再買多隻龍蝦才打道回府...。
磅8青斑
磅半單鉗(?!)龍蝦
先吃蝦膏...
嘩, 大隻D膏又多又零舍好味, 鮮、甜、甘...幾大就幾大!
大人驚我食得唔過癮, 煎埋D存貨, 食唔晒留番第二餐...
煎到個底微焦, 甚為香口
今餐俯瞰圖...
No. 1
回覆刪除[版主回覆05/29/2009 12:58:00]多謝捧場...
回覆刪除原來加國青班係咁樣樣架?
[版主回覆05/29/2009 13:11:00]你第一次見咋啫, 之前都POST過幾次... 華人叫是叫青班, 不過原名是BASS, 我諗屬淡水鱸魚科(?)...
回覆刪除加埋隻粽..... 夠唔夠應節氣氛 ?!
[版主回覆05/29/2009 13:27:00]就係差呢樣囉... , 多謝!! 話就話唔做節啫, 但一心食糉送粥, 竟然四圍都賣晒咁誇張...認真掃興...
咁寄d 我家鄉特色甜肉粽比你試食下咯.... 哈 , 唔知郵局比唔比寄....
回覆刪除[版主回覆05/29/2009 14:20:00]寄食物入口唔掂架...哈哈 其實一般的鹹糉甜糉呢邊成年都有得賣, 不限於端午節; 只是今日想買卻偏偏一隻都搵唔倒..., 為之脹然。D人都唔知點做生意, 明知端午節都唔供應多D貨...
呢幾日,我同金生食粽都食怕左,早知,同你龍蝦換粽啦!
回覆刪除[版主回覆05/29/2009 14:49:00]咁你食高檔自助餐有無食番夠本(噫, 唔駛本架喎)?
哈, 掂都無用啦.... 收到果時已兜蟲喎... 哈哈...
回覆刪除買唔到都好事喎...証明你果邊多人應節...又証明大哥食...
[版主回覆05/29/2009 15:21:00]又証明大哥食...
食咩.... ?! 你估下.....
回覆刪除[版主回覆05/29/2009 15:54:00]食...估...不化!
又開餐...我就鍾意食餃子多過食糉...我噚日一隻糉都無食過......
回覆刪除[版主回覆05/29/2009 16:00:00]其實我都鍾意食餃同糯米飯多過食糉, 不過大人就調轉... 噚日一隻都無食過, 但係前日, day before 前日就吃左好多隻呀? (食到厭左昨日食唔落...)
更正: 我今年一隻糉都無食過...(舊年前年唔多記得...不過9成都無...)...同粥一樣唔多like囉...
回覆刪除[版主回覆05/29/2009 19:33:00]哈哈, 唔駛更正咁認真...慣左講笑捉字"失"...
係囉...都見你post咗幾多次吓,唔知點解而家先諗起問你呢個問題.. 呢條似係鱸魚!!噫..加國鱸魚咪叫做加洲鱸????
回覆刪除[版主回覆05/29/2009 19:36:00]我喺香港都食過加州鱸, 食味又好似同青班有分別...或者係同科不同種...
哈哈... 好一個大哥... 食...估...不化!!!
回覆刪除不過唔係呢d ....
[版主回覆05/29/2009 19:43:00] 除了...食...估...不化; 自己不知其他... (煞有介事狀...)
回覆刪除呢種魚北河街街市都有. 賣魚佬見到冇乜買過餸嘅後生仔女嚟買餸, 就細細聲話係青班.....因為唔見得光..所以又叫老鼠班.
[版主回覆05/29/2009 19:47:00]好彩條魚d鱗係扁平狀的, 若是牙簽狀的話...魚佬實話呢條係...... "箭-豬-班"...
老鼠班???..會唔會可能係老鼠貨黎架咋??.....又或者你曾經都係受害者黎??...箭豬仔
回覆刪除睇怕箭豬仔現在去左搵華大夫幫佢拔箭罅......史書一早要改寫 ......其實...箭豬英雄氣慨勝關羽...!
回覆刪除我俾條老星班呃咗.................!!!
回覆刪除睇你哋啲留言都夠,句句抵死好笶,真係學到好多嘢.
回覆刪除哈!糉又會賣到斷市,賣嘅失敗,隻龍蝦好正喎,應該好平?鱸魚香港好少食,可能加國正好多.
[版主回覆05/30/2009 13:59:00] 戒不掉在網誌無厘正經、語無倫次的陋習...好彩網友包容, 不以為意(?)咋。更好彩的是竟都有些網友和唱, 興到大家亂UP一餐。 若真能由此得啖笑, 咪輕輕鬆鬆又過一日囉... 平時日日都見有糉賣, 端午反而無(其實費時周圍撲, 只去相鄰果幾間超市巡吓啫, 可能其他地方會有未定...), 食都要講食緣 譬如咁啱龍蝦當日鬥平, 賣C$5.88/磅, 呢隻磅半, 差不多C$9, 比平常的稍為大隻, 所以膏、肉都多D亦好味, 算係抵食。