淺酌

辟穀前的一陣子自己對飲食已經比較小心、節制，
並且滴酒不沾。

照完鏡當日更遵醫囑要24小時禁酒 ，

 隨後幾日又冇乜幾餐喺屋企食；

於是前前後後 "戒" 啤 及自助餐差不多兩週矣!

大人正式返完了夏令營。

今天得閒亦好心情，

買了塊PRIME RIB，

返歸再摷雪櫃睇下有乜就食乜，

納納雜雜，求求其其一餐。

辟穀前入了些存貨，今晚順理成章乘機啤一啤。

近日風聲鶴唳，週五老美更跌逾500點，儼然股災之勢。

至於自己的心情...? 嘿...

講真仍有貨在手當然係唔多過癮的了；
但不知是否手術用的麻藥尚殘留在身未曾完全消退，
"反應" 依然似覺麻木、遲鈍... :P

 自己細眉細眼，且肉在砧板，管它星期一點吖 !

咪係...，
反正飲乜都於事無補，
水太寡味、牛奶腸胃唔多受得，
那就...

一於...今晚有酒(飲得罅)今晚飲，
一罐咁多當不致醉的 !!
 

 ^-^

呵呵，餐湯矣 ~
黃湯之嘛  XD

"戒" 之所得