新生命孕育實錄(之五)

東岸時間
7月30日星期四

 早前雀媽一發覺有人喺度哄個巢就相當緊張
來回撲飛

昨天試過擔張櫈喺樓梯下面藉著有窗紗遮掩站上去不動聲色由另一邊影
可是高度不夠比不上喺窗側影咁適合呢   :-D

近來雀媽好似已經比較 "習慣" 不時有人哄哄下
"遭遇" 之時會企定望一陣
有時見冇乜動靜就唔鬼理(我)...
佢自己做自己嘢架罅

連日不停哺食

四小雛明顯大隻咗、硬淨咗、多毛咗...

原本軟耷耷
但雀媽一返嚟就隻隻都係咁躁動...

現在見我喺度就如此這般淡淡定定(目及)一陣
我亦識做嗱嗱聲影完就走開行番入去

索食無功

今回雀媽見我喺度似乎仍然有尐唔自在

忽爾躁動

本來靜靜地攤晒響度
雀媽一回來就立即爭先恐後齊齊彈起、伸頭、擘咀... 哈...


條片大槪在第38 ~ 39秒左右雀媽迅速啄去看似白色泡狀的物體不知是甚麼東西?
雛鳥的排洩物...??

------------------

8月1日星期六

 今日見兩雀...

一隻餵完之後飛開尚未離視線
另一隻又啣住幾條啡蟲飛至
即是雀爸和雀媽都一齊肩負餵哺之責的...

hi... 唔使理我喎...     :-D

自 7月26日
四雛先後破卵全部面世後至今一個星期

長大好多了
黑色的頭毛愈出愈多
整個頭都變作黑色

爪都好大隻...

------------------

8月2日星期日

 雙英輪流攝錄...哈哈

大雀站在窗紗之後
耐心等候

  大人唔生性重撩大雀謦欬...大雀應脹然

估計大雀剛才又腹罵大人了...
 

大人觀察過...

唔只我地門口有雀營巢

整排屋相同座向的
隔幾間都有...

------------------

8月3日星期一

 兩大四小搞到玻璃出面污糟邋遢一笪笪
影出去朦查查

雀媽啣蟲回來

見我喺度就即時撲剌飛走
成口蟲站在樹枝之上守候
雀爸旋即出動往返檐上幾次
企圖嚇走 "異類"

回來再餵 ~ 呢 "輪" 豐富
(一餐要往返幾次搵食)

站在櫈上影

等四雛用餐完畢
大雀離開之後

再影過
塊玻璃的高處比較乾淨

四隻嘢食得多大得快

現在覺得幾擠逼下

-----------------------------------

------------------

番外篇

早前聽大人說
同我地一樣方向的這排屋唔只一個巢...

今日淥烏冬做晚餐
食完捉埋大人出去行陣
活動一下雙腳

八卦雙英順便巡視整排屋究竟有幾多個巢

自家門前
那條 "保巢草" 仍在 ~ 黐連得相當穩陣

哈...這戶人家吖...

當時不禁笑了出來

放個錫盤在上面(唔會係隻雀擔上去架嘛?!)

供應糧水似乎太大
預備畀尐雀當巢耶 ?

果真如此就真係過癮!!!

我上次用兩個豆腐兜放尐糧水在門前
大雀吼都唔吼
你個 "巢"...哈哈哈...

不過...若你的原意係用嚟趕雀等佢不在這裏營巢就應該成功...

另外一戶

又係同我地一樣

左右拍住兩間位處右邊的一間

不過似乎已經雀去巢空
可能係較早時候的事情了

------------------