16日星期日凌晨二時三十分 ~
17日星期一中午十二時三十分
終於完成整個辟穀過程
第一個意識係..."自己醒番罅..." :P
神智雖仍有點兒迷糊
都有如釋重負的感覺
郁幾下、轉轉身(本來側臥...方便醫護做嘢嘛...... :-D )、繼續攤...
未幾姑娘埋嚟問感覺如何
稍後醫生又 "入嚟" 告知結果
聽完就登時...暗中鬆了一口大氣 !!
^-^
對自己來說...
漫長的 34 小時辟穀 ~ 過程辛苦、心情忐忑...
今回換得五年 "小" 安(未由權威人士確認者也)
已經是最理想的結果
上次因有小疵 ~ 摘除了一粒細息肉只可小安三年又要再嚟過(即今次囉...)
本來今年三、四月已經夠期
不過諗住拖得一陣就一陣
適逢大人月前傷腳
順理成章等佢行得番以及趁放完暑假前向白袍老友自首...
僥倖過關 ! :P
辟穀並在完成清倉時
出關之後
昨晚去食蒸魚四和菜
今朝送大人返工(暑假營)順便操番一課 ~ 行咋
然後一兜友飲茶
照腸?
回覆刪除係... :)
刪除有此打算，諗緊咋 ...... ，就係怕“準備”的過程 ;P
回覆刪除相信個個都係先驚呢樣囉... :-D
刪除手術時唔知唔覺, 一醒番就...輕舟已過萬重山(不過細佬話唔用鎮靜劑就會覺得相當(?)唔舒服, 知道 "佢" 喺入便搞搞震的 ~ 佢試過有一次唔用鎮靜劑)。 XD
移民後, 屋企人一過50歲白袍老友就叫去驗, 我第一次完全冇嘢, 於是可以十年(自己係10年鬆尐... P)後才再做第二次, 那次(即上次)就發現有粒息肉(即時切除埋), 咁情況就要跟密尐, 三年後(今次)再做檢查。今次好彩又冇嘢, 應該(?)可以延至五年後才再做...喎。
想做...做好一些心理準備應該OK的, 自己OR GOR, 所以呻覺得難捱而已。不知香港的做法如何安排, 相信應該差不多...吧?!
聽聞唔只辟穀，仲要瀉一兩日架喎 @﹏@
刪除事前清倉係照鏡的必要條件 ~ 辟穀以及食瀉藥則係清倉的必要手段。XD
刪除老老下平時自己逾時不食都容易出現血糖低的癥狀; 因此覺得廿幾卅個鐘辟穀難捱過瀉清的。
不知香港點食瀉藥法, 呢邊不用瀉一兩日咁厲害。我由星期日中午開始, 先食三粒細藥丸, 下午四點沖一包瀉劑(今次係橙味粉, 唔難飲, 十多年前第一次好似幾難飲的), 晚上九點再沖一包。食了藥丸似乎冇乜反應(以前兩次驗唔使食藥丸的), 飲瀉藥後2-4小時內產生效應及大致幾次搞掂。
以加國來說, 現在比起我第一次做時技術和藥物都應有不少進步, 在不會太過耗費資源下希望令病人冇咁 "辛苦" 的。
:)
其實我地有番有咁上下年紀應該去照一次腸的，不過，諗起照鏡前的準備功夫，又會卻步。我朋友睇到廣告，夫婦同做有優惠，於是揀埋同一日照，結果要爭廁所用，佢仲疴到腳軟，幾乎暈左喺廁所，所以她奉勸千祈唔好，除非有多個廁所。
回覆刪除你啲腸都好健康，一粒瘜肉都冇咁乾淨，可喜可賀。
沒錯, 就算好人好姐到咁上下都應該照一次的, 好好醜醜至少早尐知道目前及往後幾年大槪乜料, 擔心少樣。
刪除兩公婆一齊同日照, 致要爭廁所用, 哈, 真係自己想不到的情節。:-D
呢邊應該不會有這樣的情況, 因為唔係自己隨時話照就照, 要由家庭醫生視乎該人需唔需要照才寫紙去照, 而跟進的番照亦各有相隔年數所限, 一般好少夾到一齊的。痾到腳軟想暈, 可能也是因為已辟穀一段時間, 血糖低又頻頻瀉水, 兩樣夾埋之故。
照腸除了麻藥和手術本身的風險, 過程唔知唔覺, 並不辛苦。正如你說, 難捱在事前的準備功夫, 確係幾麻煩濕滯的。 XD
衡量自己的年紀, 以及並不健康、多肉少菜的飲食習慣, 加上家族病史的不利因素, 自己都覺得僥倖 ~ 此中多多少少許是做得不算多的運動之功不可沒也 。 :P
刪除人事稍盡之餘, 當然還更要感謝上面......那位......喇。 :-)
少肉多菜食七分飽是我多年飲食習慣，對控制體重幾有效。最近實行Green Monday，盡量星期一唔食肉，試左一段時間覺得腸胃好左。遲啲或者食多一日，原來食素都很多菜式可煮的，仲多變化。
回覆刪除你的飲食習慣一定健康衞生過我好多好多喇, 哈哈...
刪除自己雖然餐頭要食尐肉才 "舒服", 只要唔去食咁多自助餐, 平時吃的量都算OK的(自己話咋...)。一個人喺屋企食晏, 有時都食得比較少。
現在睇磅嚟食, 見輕咗有小小本錢儲埋, 就去食餐自助餐, 平時就算出街都係又食又拎返歸居多。
我雖然食量唔多，都鍾意試唔同菜式的。美食是人生樂事，尤其聚埋一班朋友吹下水，賞心樂事也。圍內朋友多喜攪生日飯局，年中都食好多餐，有時也會食大左。同有啲人比，我飲食唔算好健康咋，哈哈！
回覆刪除今日吾...不欲觀之矣, 所以索性 "早抖" ; 這般景況, 近來常有。
刪除正因食量唔多, 故此食乜以及食多幾餐都冇有怕...。 XD
下星期一仲唔駛睇，美股昨日跌逾500點。今年是蝕年，啲樓價都應該要跌，覆巢之下無完卵。
刪除"剝復之理, 本無定局" ~ 沒有永遠的升, 也沒有永遠的跌; 這個我是知道的。至弊係自己無法掌握時機耳, 嗚嗚...(CRYING..)
刪除